Ангеловска: МојДДВ #Моја награда ќе доделува по десет парични награди на дневно ниво

Со новата апликација МојДДВ #Моја награда која започнува од 15 декември, граѓаните освен што ќе можат да го остваруваат правото на поврат на 15 проценти од ДДВ, ќе можат да добијат и десет парични награди на дневно ниво.

Сите граѓани кои скенираат фискални сметки ќе имаат еднакво право и можности да добијат награди.

Ова денеска го изјави министерката за финансии, Нина Ангеловска во одговор на новинарско прашање на прес-конференцијата по повод саемот „Купи куќа, купи стан".

-Сите граѓани кои скенираат фискални сметки ќе имаат еднакво право и еднакви можности да добијат парични награди. Ќе се доделуваат 10 парични награди на дневно ниво, четири награди од по илјада денари, три награди од по 2 илјади денари, три награди од по 3 илјади денари, на месечно ниво ќе има 12 извлекувања за 15 награди по сто илјади денари, и ќе има две главни награди од по 3 милиони денари, рече Ангеловска.

Како што информира министерката, првото извлекување за главната награда ќе биде во март, а второто на крајот на наградната игра во декември 2020 година.

-Со новата апликација граѓаните ќе може и да видат колкав е повратот што го имаат секој момент остварено, колку број на сметки скенирале, и секоја фискална сметка ќе биде потенцијално добитна бидејќи слоганот на кампањата е „Секоја сметка е важна", рече Ангеловска.

Министерката додаде дека наградната игра е надоградување на проектот МојДДВ што е веќе успешен, и појасни дека главната цел на проектот е борба со сивата економија, да се стават граѓаните во улога на контролори, да бараат фискални смети и да пријавуваат кога има нерегуларност.

Дополнително, таа појасни дека граѓаните преку проектот МојДДВ веќе пријавуваат кога има нерегуларности, а со апдејтираната верзија на мобилната апликација, ќе имаат и посебно копче каде ќе можат уште полесно да пријават неегуларности за да потоа УЈП може да постапи.

Ангеловска истакна дека од Управата за јавни приходи е посочено сите граѓани да си ги проверат своите трансакциски сметки во мобилната апликација, а ако немаат трансакцјска сметка или е згрешена да ја апдејтираат за да може да им се изврши исплата на соодветна трансакциска сметка. Таа додаде дека има околу 5 илјади граѓани кои треба да си ги проверат и обноват трансакциски сметки. /МИА

Спасовски: Очекувам продолжување на дијалогот, предлогот многу скоро во Собранието

Законот за јавно обвинителство најверојатно уште утре ќе биде доставен во Собранието.

Утре најверојатно Владата ќе го испрати предлог Законот за јавно обвинителство, а веќе в вторник почнува дебатата по предолжениот текст.

Техничкиот премиер Спасовски вели неопходно е да се продолжи дијалогот по законот и повика сите политички партии да бидат на одговорно кон граѓаните, државата, но и европската перспектива. Вели иако законот не е формален условен, сепак неговот изгласување би бил позитивен момент во пресрет на одлуката за датум за преговори.

„Тука посебно сакам да ги повикам пратениците од парламентарната опозиција, од најголемата опозициска патија да се престане со партиски калкулации, со политиканство, со ставање на своите политички, лични интереси пред интересите на државата и конечно да се вградат во еден закон што ќе значи гарантирано зголемување на правдата, гарантирано зголемување на судството на јавното обвинителство, од една страна и второ да помогнат барем еднаш сега да ги оствариме нашите интереси во делот на законот за јавно обвинителство и добивањето датум за почеток на преговорите“, рече Спасовски.

ВМРО ДПМНЕ велат немаат намера да го кочат процесот на носење на Законот, но сметаат дека актуелниот предлог е обид за воскреснување на Специјалното јавно обвинителство.

Во СДСМ уверени дека изгласувањето на ваквиот предлог ќе значи упредување на владеењето на правото и од јавното обвинителство ќе создаде независна институција која ќе ја врати довербата во правдата меѓу граѓаните. Бојан Маричиќ, кој е дел од работната група на СДСМ во преговорите за законот, вели меѓу пратениците владее ставот дека предлогот е добра основа, но дали ќе има доволно поддршка да биде изгласан до 11-ти февруари и без поддршка до ВМРО ДПМНЕ останува неизвесно.

Се очекува веќе в вторник предлог законот да се најде на собраниска седница, а се најавува во истиот ден да почне и комисиската расправа по предлог текстот, како и одржување на јавна расправа, на кој ќе присуствува и државниот јавен обвинител Љубомир Јовевски.

Скопје синоќа најзагадено на светот, Град Скопје издаде препораки за заштита

Скопје повторно го освои врвот на глобалната апликација Ер Вижуал и синоќа на полноќ беше најзагаден град на светот..

Скопје повторно руши рекорди во поглед на аерозагадувањето. Градот вчера по којзнае кој пат се најде на првото место како најзагаден во светот на апликацијата Air visual, овој пат пред Њу Делхи во Индија и Шенјанг во Кина. Како одговор на тоа, градските власти објавија серија на препораки до граѓаните, во кои меѓудругото се бара од нив да избегнуваат користење на возила и да користат јавен превоз, да не излегуваат на отворено, а за затоплување да користат чисто и суво дрво и редовно да ги чистат оџаците. Сепак, дел од екологистите велат дека препораките не се доволни, и бараат конкретни мерки за енормното аерозагадување.

Георгиева ги повика и пратениците во Собранието да ја изгласаат забраната за увоз на отпад во земјава. Според неа, потребна е и построга контрола и поголем надзор од властите, бидејќи како што вели, до сегашните мерки не помагаат за намалување на аерозагадувањето.

Точката за забрана на увоз на отпад минатата недела беше прескокната од дневниот ред на во Собранието. Во таа прилика, пратениците тврдеа дека потребно е подетално да се анализира предлогот и дека стравуваат, ако се забрани увозот, на земјава да и биде забранет и извозот на отпад. За сега, се уште е неизвесно дали овој закон ќе стапи на сила пред распуштање на Собранието, иако и од ВМРО – ДПМНЕ и од СДСМ најавија дека ќе дадат поддршка. Според испитувањата, аерозагадувањето е причина за смртност на околу 3.000 лица годишно во државава и е петти главен ризик - фактор за смртност во светот.

Мисајловски во Гази Баба: Граѓаните се незадоволни од ова што се случува

Денеска имаме една убава шанса и можност да посетиме повеќе населени места тука во Општината Гази Баба, рече Владо Мисајловски, потпретседател на ВМРО-ДПМНЕ.

Разговаравме со многу граѓани, разговаравме на сите реални теми. Бевме во Црешево, бевме во Виниче. Тука сега сме во Инџиково, во Питу Гули. И во други населени места каде што можевме да слушнеме од граѓаните многу проблеми. Но и она што се случува во изминативе три години.

Граѓаните се незадоволни од ова што се случува, се револтирани од многу причини. Не само во оние ресори каде што власта секој ден слушаме какви прави погубни политики, но и она што најмногу го одземаа на граѓаните, а тоа е идентитетот она македонското во сите нас.

Гази Баба е Општина каде што си ја сака Македонија. Каде што се борат за Македонија и ќе продолжат тоа да го прават и во иднина, и секогаш ќе го прават. Они се бунат на неправдата, се гневни на тоа што се случуваше. И гневни се на сите политики на Заев, но и на сите министри од Владата на СДСМ но и од Коалицијата.

Можеме да видиме дека тука реалните проблеми се заборавени. Може да видиме дека нема капитални проекти, дека нема нови уличка, дека нема ниту еден багер, нема нешто да се сработи во општината.

Затоа разговараме да ги слушнеме граѓаните и во нашата програма тоа да го ставиме.

Да се потрудиме се она што ќе го ветиме во иднина да го реализираме бидејќи ВМРО-ДПМНЕ е брендот каде што навистина утре ќе им помогне на граѓаните.

Затоа ќе се бориме, затоа насекаде во Република Македонија ќе допреме до сите граѓани да имаме средби, да направиме една голема победа во Република Македонија каде што потоа они сите ќе видат дека ги решаваме нивните реални проблеми.

Затоа и конечно на 12-ти април да ги тргнеме од власта и да дојде една свежа, нова позитивна енергија и се разбира со преродба односно со нови проекти и програма за Република Македонија, рече Мисајловски.

притисни ентер