Литл Џон: Одговорноста во борбата против корупцијата не е само на Владата, туку на сите партии

Напредокот што е направен во Македонија за зголемување на транспарентноста и отчетноста е резултат на заедничките напори на Владата, на граѓанското општество и на приватниот сектор.

Тоа го изјави денеска вршителката на должноста амбасадор на САД во земјава, Џенифер Литл Џон во обраќањето на Регионалниот антикорупциски форум на СЕЛДИ во Скопје.

– Направени се важни напори во борбата против корупцијата, но уште многу треба да се направи и да се покаже една трага на истражување, гонење и судење случаи на висока корупција. Значајно е да се донесе нов закон за Јавно обвинителство, да се покаже национална заложба за борба против корупцијата и градењето силно обвинителство. Велам национална заложба затоа што ова е над политиката и е значајно за земјата и за нејзината иднина. Тоа значи дека одговорноста не е само на владината коалиција, туку на сите парламентарни партии. Опозицијата исто така има одговорност да биде конструктивна и да се вклучи во напорите. Без учество на сите политички актери овие позитивни реформи нема да напредуваат и нема да бидат ефективни, изјави Литл Џон, истакнувајќи дека градењето на понезависни, посилни и поотпорни судски институции е важна цел.

Нагласувајќи дека колективната заложба за суштински реформи е апсолутен предуслов за успех за борбата против корупцијата, Литл Џон констатира напредок во некои области, како што се слободата на медиумите, чекорите што ги прави Државната комисија за справување со корупцијата, отчетноста за трошењата на Владата достапни он лајн, како и на законските измени на судството и Обвинителството.

– Но, и покрај оваа подобрена клима, корупцијата се уште е огромен проблем. Справувањето со корупцијата е во интерес на сите нас. Според извештајот на ОН за 2018 година, вкупните трошоци за корупција во светот изнесуваат три трилиони евра. Речиси еден трилион евра се плаќа за мито, додека 2,3 трилони се украдени, што е повеќе од пет отсто од годишниот глобален БДП, изјави Литл Џон.

Амбасадорката потенцира дека никој не е имун на корупцијата и оти откако таа ќе се појави никој не поштеден од штетата што ја предизвикува.

– Но, владите не може да го направат тоа сами, бидејќи таа борба мора да биде партнерска со вклучување на сите страни, како што се граѓанските организации кои имаат суштинска улога во организирање на граѓанското општество, а потоа и стопанските комори кои треба да проговорат, нагласи Литл Џон. /МИА

Ердоган : Хафтар продолжува со нападите во Либија

Воениот командант Калиф Хафтар го крши либискиот прекин на огнот, така што не може да се очекува прекин на огнот меѓу неговите и провладините сили, рече турскиот претседател Реџеп Таип Ердоган.

И покрај напорите на Турција и Русија, Хафтар ги напушти разговорите за прекин на огнот на почетокот месецов и ги блокира либиските нафтени полиња , со што го засени самитот во Берлин минатата недела, чија цел беше да се зацврсти кревкото примирје.

Целта на неговата либиска национална армија (ЛНА), која го држи источниот дел на земјата, е да го окупира главниот град Триполи со поддршка од Египет, Обединетите Арапски Емирати, руските платеници и африканските сили.

Во меѓувреме, Турција ја поддржува меѓународно признаената влада за национално единство (ГНА) на Фајез ал-Сераџ.

Говорејќи на аеродромот „Ататурк“ во Истанбул пред неговата посета на Алжир, Ердоган рече дека силите на Хафтар постојано го прекршуваат прекинот на огнот во Либија, додавајќи дека тој добива меѓународна поддршка.

„Прво да знаат сите, Хафтар е пучист“, изјави Ердоган. „Во овој поглед, мора јасно да видиме каков е идентитетот на Хафтар. Тој е човек кој ги изневерил своите претпоставени. Не е можно да се очекува сочувство и разбирање што е тоа примирје“, додаде тој.

„Тој продолжува да напаѓа со сите средства. Без разлика, тој нема да успее“, рече Ердоган.

Турција ги повика странските сили да извршат притисок врз командантот за да дојде до примирје. Таа исто така испрати воени советници да и помогнат на ГНА да се спротивстави на нападот на Хафтар врз Триполи.

Анкара соопшти дека ќе го почитува вооруженото ембарго на ООН за Либија сè додека се одржува примирјето, но предупреди дека ќе распореди и трупи доколку биде потребно.

Странските сили во Берлин се согласија да формираат специјален комитет составен од пет воени експерти од секоја страна за да го надгледуваат прекинот на огнот. Но, Ердоган денеска изјави дека не очекува одборот да има резултат заради ставот на Хафтар.

Од соборувањето на Моамер Гадафи во 2011 година, Либија нема стабилен централен орган. Во земјата има две ривалски влади повеќе од пет години, на истокот и западот, а улиците се контролирани од вооружени групи.

Повеќе од 150.000 луѓе мораа да ги напуштат своите домови или да се борат за главниот град.

Филиче: Годинава започнува изградбата на новиот Клинички центар во Ѓорче Петров, набавуваме и 70 нови возила за итната медицинска помош

Претседателот на комисијата за здравство на СДСМ Венко Филипче, денеска на трибината Агенда здравство 20-24 ги соопшти главните постулати на кои ќе се темели програмата на СДСМ за развој на здравствениот систем во период 2020 - 2024 година.

Меѓу нив е и почеток на изградба на новиот клинички центар во Ѓорче Петров со целосно нова модерна зграда,  интегриран тип на здравствени услуги како што заслужуваат граѓаните, рече Филипче и најави до крајот на мандатот сите болници и здравствени домови да станат енергетски ефикасни.

"Ќе ги реновираме најстарите одделенија во болниците. Во 2020 година набавка на 70 нови возила за итна медицинска помош и редовно обновување на возниот парк секоја година до крајот на мандатот, воспоставување на патронажна служба во сите региони низ државата, зајакнување на капацитетите на јавното здравство преку функционлно поврзување на сите нивоа на здравствена заштита (примарна, секундарна и терциерна). Секоја година зголемување до 10 % на платите на здравствените работници."

Филипче најави платен работен стаж за секој нов млад лекар и додаде дека ќе се разгледа опцијата на сите лекари на специјализација, кои го немаат решено стамбеното прашање, да им се додели субвенција од 12 000 денари месечно.

На трибината министерот за здравство, најави и стратешки договор со Универзитетската болница од Франкфурт за едукација на млади лекари и сестри по принцип на ротација, како и формирање на центар за медицински истражувања, се наведува во соопштението на СДСМ.

Прилепчанец со секира кршел автомобил и предизвикал судар и тепачка

Вчеравечер , 23 годишен Прилепчанец удрил во возило на 19 годишник и со секира му го искршил голфот , по што сакал да ги прегази неговите тетка и братучетка . Полицијата го привела.

Вчера во Прилеп од полициски службеници од Полициска станица Прилеп бил лишен од слобода Е.М.(23) од Прилеп постапувајќи по претходна пријава на Е.А.(19) од Прилеп, кој пријавил дека околу 21,00 часот пред продавница во Прилеп, додека бил во паркирано патничкото моторно возило „Голф 3“ без регистарски ознаки во негова сопственост заедно со С.О. и Е.Т., нивното возило било удрено од возило „опел астра“ управувано од Е.М., кој потоа и физички ги нападнал, а со секира го оштетил возилото „голф“.

Потоа пријавениот со возилото „опел астра“ удрил во две лица, роднини на оштетениот (тетка и братучетка). По целосно документирање на случајот против пријавениот ќе биде поднесен соодветен поднесок, соопшти МВР.

притисни ентер