Македонија

ВМРО-ДПМНЕ: Како се ближи крајот на оваа Влада, така во Собранието се штанцаат закони и се носат неквалитетни решенија

Како се ближи крајот на оваа Влада, така во Собранието на Република Македонија се штанцаат закони и се носат крајно неквалитетни решенија од страна на парламентарното мнозинство.

Денес на Комисијата за транспорт, врски и екологија мнозинството предводено од СДСМ гласаше против барањето на ВМРО-ДПМНЕ да се одржи јавна расправа за измените и дополнувањата на Законот за градежно земјиште.

Имено, се работи за закон кој што има 145 члена, а парламентарното мнозинство предводено од СДСМ сака со злоупотребата на скратената постапка без дебата да направи измени во дури 75 члена од законот што е крајно несериозно и пред се далеку од транспарентно.

Сметаме дека јавната расправа која што ја бараме е повеќе од неопходна со оглед дека се работи за многу сериозен закон и јавната расправа треба да допринесе да се слушне гласот на јавноста и на стручната фела бидејќи се менуваат повеќе од половина членови од Законот за градежно земјиште.

Предложените измени се однесуваат на целосно и секаде со предлог законот бришење на ингеренциите односно иземање од одговорност на Министерството за транспорт и врски и министерот Горан Сугарески како орган на државната управа надлежен за вршење на работите кои се однесуваат на управувањето со градежно земјиште сопственост на Република Македонија и истите се префрлаат односно се наметнуваат на единиците за локална самоуправа.

Се прават измени во начинот на водење на постапките, се предвидува општините по сила на закон да преземаат надлежности без предходно истите да бидат исконсултирани.

Суштински не се менува ништо што ќе придонесе за подобрување на животната средина и екологијата.

Се прават измени во однос на постапките за одтуѓување на земјиште по пат на јавно наддавање.

Се брише постапката за прибавување на документи по службена должност во случај на поднесено барање од странка што е спротивно на Законот за општа управна постапка.

Се намалуваат глобите за администрацијата, градиначалниците и министерот со што се остава простор за постапување спротивно на закон.

Овие и многу други измени се само дел од измените на вкупно 75 члена од Законот за градежно земјишти кои што мора да бидат отворени на една јавна расправа со цел да се носат квалитетни решенија поддржани и во корист на граѓаните.

Уште еднаш ги повикуваме пратениците од СДСМ да не беагаат од дебата и заедно да организираме јавна расправа за овој закон на која што ќе се направи една квалитетна и аргументирана дебата и забелешките од истата ќе бидат имплементирани во законското решение.

Пратеничка група на ВМРО-ДПМНЕ

Технологија

Скандал во Гугл: Отказ за 28 вработени, кои протестирале против потегот на гигантот (ВИДЕО)

Американската технолошка корпорација Гугл отпушти 28 вработени кои активно се спротивставија на големиот договор на компанијата за 1,2 милијарди долари со Владата на Израел.

Вработените во две канцеларии на Google, во Њујорк и Калифорнија, протестираа против „Nimbus Project“, според кој Google, во соработка со Amazon, ќе обезбеди облак услуги за складирање и обработка на податоци за израелската влада, пренесува технолошкиот портал Verge.

Тие рекоа дека договорот ќе им помага на израелските власти, а особено на израелската армија, во „спроведувањето на политиката на геноцид“, мислејќи на тековниот воен конфликт на Израел со палестинското движење Хамас.

Според информациите од интерен меморандум на Google, компанијата отпуштила вработени кои за време на протестот „уништувале канцелариска опрема, ја попречувале работата на другите вработени и им се заканувале на нивната безбедност“.

Поради оние кои одбиле да престанат да се однесуваат така, интервенирала полицијата и тие биле отстранети од канцеларијата, се додава во соопштението.

„Огромното мнозинство од нашите вработени ја прават вистинската работа. Ако сте еден од ретките кои мислат дека ќе го одобриме минатото однесување што ги прекршува нашите политики, размислете повторно“, предупреди шефот за глобална безбедност на Google, Крис Раков.

Македонија

Пендаровски во Чешиново-Облешево: Немаме нови години за губење

Ние немаме уште 20 години да чекаме, туку треба да ги направиме следните чекори, за повеќе да не биде изборно прашање „Дали сте за Европа?“.  

Да сте за Европа значи да сте за подобар живот, порача денеска пред граѓаните на општина Чешиново-Облешево кандидатот за претседател Стево Пендаровски.

„Добро е да се биде членка на ЕУ, кога си земја членка на ЕУ, добиваш огромни средства од европските фондови прво за земјоделство, а потоа и за инфраструктура. ЕУ дава сериозни пари за да се обезбеди рамномерен регионален развој за да не биде некој регион многу богат, а некој многу сиромашен и поради тоа важно ни е да станеме земја-членка на ЕУ“ порача Пендаровски.

Но, додаде тој, опозицијата го блокира патот кон ЕУ, се противи на договорите, со изговор дека ќе направи нови договори, кои наводно ќе биле подобри.

„Тие велат, ова не чини, тоа не чини, ние ќе направиме нови договори. Додека тие ги направат тие договори, под претпоставка дека ќе бидат подобри, што нема да биде случај и оние малку млади што се во државата ќе се иселат од тука“ истакна Пендаровски.

Пендаровски порача дека работите ќе се сменат на подобро само ако сите се посветат на она што е важно за граѓаните и државата и од присутните побара поддршка на изборите на 24 април, соопштуваат од неговиот тим.

Свет

Драма во авион: Млад Италијанец ненадејно почина, тргнал на одмор со бремената сопруга

Италијанецот Џузепе Стило (33) ненадејно починал во авион на Рајанер, а трагедијата се случила кога тој и неговата бремена сопруга тргнале на одмор.

Двојката полетала од Торино до Ламеција Терме.

Одеднаш му се слошило, а неговата сопруга, која седела во друг дел од авионот, на почетокот не ни знаела што се случува. Дури кога видела дека патниците и членовите на екипажот се раздвижиле, таа станала и отишла кај сопругот, кој веќе починал.

Италијанските медиуми јавуваат дека Федерика Марела, сопругата на Џузепе, е бремена и дека парот заминал на краток одмор за да ги наполни батериите пред да станат родители.

- Екипажот на авионот и еден патник, кој е лекар, дадоа сѐ од себе. Користеле дефибрилатор, пробале реанимација, но залудно – рекол еден од патниците, пренесе Дејлимејл.

Фредерика доживеала голем шок и на крајот била префрлена во болница. Лекарите биле загрижени за здравјето на бебето бидејќи била бремена во петтиот месец. На полицијата ѝ рекла дека Џузепе не се чувствувал добро тоа утро, но дека не сакал да го откажат одморот. Веднаш откако дознал што се случува, пилотот го свртел авионот и се вратил во Торино. Џузепе Стило бил страстен турист. Сакал да пешачи и да патува. Неговите пријатели тврдат дека тој бил „повеќе од маж“. Сите од градот Вибо Валентина кои го познавале него и Фредерика останале во шок по веста за трагедијата.

притисни ентер