Боксерот Мејведер со заработувачка на деценијата пред Роналдо и Меси

Американскиот боксер Флојд Мејведер заработил најмногу од сите спортисти на светот во изминатата деценија, јавуваат британските медиуми.

Поранешниот светски првак заработил дури 780 милиони евра во последните 10 години.

Мани, според неговиот прекар, го одигра својот последен бокс меч во 2017 година кога со прекин го победи ММА мегастарот Конор Мек Грегор во Лас Вегас. Тоа беше негова 50-та победа во исто толку натпревари. После тоа, се зборуваше за можното враќање, но веќе немаше професионални натпревари.

Поранешниот светски шампион оствари повеќе од милијарда евра за време на својата кариера, со само двајца други спортисти во клубот на милијардери - легендарниот кошаркар Мајкл Џордан и голферот Тајгер Вудс.

Португалската фудбалска sвезда Кристијано Роналдо го зазеде второто место на списокот со заработувачка во последните 10 години со 640 милиони евра. Интересно е што на почетокот на деценијата, Роналдо беше само 13-ти спортист во светот според годишните приходи.

Зад Мејведер и Роналдо е ѕвездата на НБА, Леброн Џејмс со 606 милиони евра. Џејмс е единствениот спортист со тенисерот Роџер Федерер кој е меѓу 10-те најплатени спортисти во секоја од десетте години од последната деценија.

Меѓу првите петмина е и аргентинскиот фудбалер Лионел Меси со 605 милиони евра и еден од најдобрите тенисери на светот ,Швајцарецот Роџер Федерер со 572 милиони освоени во последните 10 години.

Списокот на ТОП 10 спортисти со најголема заработувачка во последните 10 години :

1. Флојд Мејведер (боксер од САД) - 780 милиони евра

2. Кристијано Роналдо (Португалија - фудбал) - 640

3. Леброн Џејмс (САД - кошарка) - 607

4. Лионел Меси (Аргентина - фудбал) - 605

5. Роџер Федерер (Швајцарија - тенис) - 572

6. Тајгер Вудс (САД- голф) - 553

7. Фил Микелсон (САД - голф) - 428

8. Нејмар (Бразил - фудбал) - 357

9. Мани Пакијао (Филипини бокс) - 350

10. Луис Хамилтон (Велика Британија - Формула 1) - 342.

Први резултати од вештачењето на телефонот на мајката на Данка, избришени многу пораки

Првите информации од вештачењето на телефонот на мајката на исчезнатиот Данке- Многу пораки и повици се избришани на денот на исчезнувањето! 

Прегледот на телефонот на Ивана Илиќ, мајката на исчезнатата Данка, откри шокантни информации.

Според неофицијални сознанија од истрагата до кои дојде српски Информер, вештачењето на мобилниот телефон на Ивана Илиќ покажало шокантни и донекаде загрижувачки информации.

Според и ннформации на информер, многу пораки и податоци за повици биле избришани.

- Она што е особено изненадувачки е што ден пред исчезнувањето и на денот на исчезнувањето на малата Данка, од телефонот се избришани многу пораки и повици. Ова го утврдиле инспекторите за високотехнолошки криминал. Пораките и повиците може да се избришат од телефонот, но остануваат во базата на податоци - вели изворот на Информер.

Електромобилот „Шјаоми СУ-7“ пуштен во продажба

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. 

Кинескиот производител на паметни телефони „Шјаоми“ (Xiaomi) го пушти во продажба своето прво електричен автомобил - „Спид ултра 7“ (Speed ​​​​Ultra 7, СУ-7). Извршниот директор на компанијата, Леј Јун изјави дека цената на возилото ќе биде околу 28.000 евра, пренесува „Би-би-си“.

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. Автомобилот, најавен лани, се споредува со моделите на спортски автомобили „Тајкан“ и „Панамера“ на „Порше“. Производството ќе се одвива во Пекинг, Кина, во државната фабрика што може да испорача до 200.000 возила годишно. „Шјаоми“ најави и влог од 10 милијарди долари за развој на возила за следните 10 години.

На кинескиот пазар на електромобили, инаку, се натпреваруваат и „Тесла“ и „БИД“, па со влезот на „Шјаоми“ како трет избор, се предвидува и нова борба за цените.

- Крајното достигнување би било да се покаже дека има потрошувачки пазар и за „Шјаоми“ како бренд на паметни електрични возила, изјави стручњакот од „Аутомобилити“ (Automobility), Бил Русо.

Тој верува дека влезот на пазарот за автомобили ја одразува довербата на „Шјаоми“ во важноста на брендот во и вон матичната Кина. /МИА

Тренчевска: Опфатот на децата во градинките 48 проценти, до 2028 година ќе изнесува 70 проценти

 Дополнителната заменичка министерка за труд и социјална политика во техничката Влада, Јованка Тренчевска денеска информираше дека имаат таргет до 2028 година, 70 отсто од децата да бидат вклучени во градинките.

- Во 2017 година, кога се формира Владата предводена од СДСМ, опфатот на децата во градинките беше од 25 до 27 отсто од вкупниот број деца вклучени во градинките. Денес, тој процент е 48, дополнително ќе се зголеми со градинките што чекаат на отворање. Таргетот ни е до 2028 година, тој процент да се зголеми на 70 отсто деца опфатени во предучилишно образование и секако, тој број да се зголемува, одговори Тренчевска на новинарско прашање на брифингот со новинари во Клубот на пратеници.

Во однос на листите на чекање за прием во градинка, таа кажа дека најкритично е во скопските општини.

- На територијата на целата држава од 2017 година до денес, изградени се 84 градинки со вкупен опфат на над 8 000 деца. Во декември 2023 година, Владата додели четири милиони евра за изградба на нови градинки во општините Бутел, Кисела Вода, Ѓорче Петров, Аеродром и во Карпош, подвлече Тренчевска.

Од 2018 година до денес во детските јавни установи вработени биле вкупно 2 881 лице, а бројот на лиценцирани негувателки и воспитувачки во овој период, изнесувал 740 лица.

притисни ентер