Поради загадениот воздух, во Сараево е воведен бесплатен превоз со трамвај и тролејбус

Владата во округот Сараево денеска донесе одлука да воведе бесплатен превоз на трамваи и тролејбуси поради драстичното загадување на воздухот, што трае скоро седум дена во главниот град на Босна и Херцеговина.

Премиерот на округот, Един Форто, им рече на новинарите дека се свесни колку е драматична ситуацијата, па освен воведувањето бесплатен превоз, донеле одлука да купат и дистрибуираат заштитни маски за најранливите категории на население, особено децата.

Сараево е на врвот на списокот на градови со најголемо загадување на воздухот од 11 јануари, при што најголем проблем е големата концентрација на честички од прашина над 500 микрограми на метар кубен.

Ваквите концентрации на честички од PM 2.5 и PM 10 означуваат средна категоризација на воздухот опишана како опасна по здравјето и во такви околности на жителите им се препорачува воопшто да не го напуштат домот, а доколку веќе го сториле тоа, треба да се користат специјални заштитни маски.

Со околу 80.000 индивидуални постројки за согорување кои користат цврсти горива, најголем извор на загадување се возилата со над 150.000 регистрирани во Сараево.

Во овие околности, окружната влада се одлучи да понуди бесплатна употреба на електрифицирани возила во јавниот превоз и најави набавка на нови тролејбуси, автобуси и трамваи, за кои се планира да бидат потрошени 45 милиони евра во текот на следните три години.

Путин: Ловците Ф-16 ќе бидат легитимна цел за Русија, како и аеродромите од кои полетуваат

Доколку американските ловци Ф-16 учествуваат во конфликтот во Украина, полетувајќи од аеродромите во трети земји, тие аеродроми ќе станат легитимна цел на руската армија, предупреди рускиот претседател Владимир Путин.

За време на посетата на Тверската област, Путин потсети дека борбените авиони Ф-16 можат да носат нуклеарно оружје и нагласи дека Москва „ќе мора да го земе тоа предвид“.

Тој порача дека ловците Ф-16 доколку бидат вклучени во конфликтот, руската војска ќе ги уништи тие авиони „исто како што ги уништува нивните тенкови, оклопни возила и друга опрема, вклучително и повеќе ракетни системи“.

Путин оцени дека ловците Ф-16, доколку западните земји ги испорачаат на Украина, нема да можат да ја променат ситуацијата на бојното поле.

Медведев – Синер е првата полуфинална двојка на Мастерсот во Мајами

Русинот Андреј Медведев и Италијанецот Јаник Синер ја сочинуваат првата полуфинална двојка на тенискиот Мастерс во Мајами, САД.

Ова е епилогот по првите два четвртфинални меча на кои Медведев го совлада чешкиот тенисер Николас Јари со 2:0, додека Синер беше поуспешен од Томас Махач (Чешка) исто така со 2:0.

Другите двајца полуфиналисти ќе бидат познати по денешните мечеви:

Александар Зверев (Германија) – Фабијан Марожан (Унгарија)

Карлос Алкараз (Шпанија) – Григор Димитров (Бугарија).

Франција ќе тужи ученичка поради лажно обвинение дека била удрена од директорот поради хиџаб

 Францускиот премиер Габриел Атал денеска најави дека државата ќе тужи ученичка поради лажното обвинение дека директорот на училиштето ја удрил за време на расправија откако таа одбила да го тргне хиџабот.

Според францускиот закон, не е дозволено носење хиџаб и никаб во јавните установи, што директорот им го посочил на трите ученички, од кои две потоа ги тргнале шамиите.

Третата не ја тргнала шамијата и имало расправија, но полицијата не нашла докази дека директорот физички ја нападнал ученичката, а Атал сега тврди дека ќе биде изведена на суд.

„Државата секогаш ќе стои покрај овие службеници, оние кои се на линијата на фронтот соочени со овие прекршувања на секуларизмот, овие обиди на исламистите да влезат во нашите образовни институции“, рече тој.

Во деновите што следеле, директорот бил цел на смртни закани на социјалните мрежи, што училиштето го пријавило до Министерството за внатрешни работи, пренесува Би-би-си.

Обвинителите соопштија дека две лица се приведени во врска со смртните закани, а нивниот идентитет не е објавен, но Министерството за образование соопшти дека тие не се поврзани со училиштето.

Поради смртни закани и загрозена безбедност, директорот поднесе оставка по 45-годишна кариера во образованието.

притисни ентер