Червар: Ова е страшен подвиг , одиме до крај (ВИДЕО)

По десет години , хрватските ракометари се изборија за големото ракометно финале.

По драма и две продолженија, Норвешка беше совладана од Хрватска со  29:28. Хрватска победи на еден од најдобрите натпревари во историјата на Европското првенство. Во 16:30 часот во недела тие ќе играат против Шпанија за европското злато.

"Мора да им дадеме шанса на играчите за да издржаме натпревар како овој. Тешко беше, го знаеме тоа, но сè помина добро во одреден момент, головите паѓаа наизменично, игравме добра одбрана ... Ужасна работа, страшен подвиг и резултат. Сметам дека можеме да ја вратиме Хрватска на врвот на светскиот ракомет.

Утре е нов ден, нова желба, нов предизвик. Ние сакаме да одиме до крај. Одмнор? Многу е тешко да се одморат играчите. Тие се уморни, можеше да се види дека Циндриќ не можеше да напаѓа против Норвешка. Ќе се обидеме да ги одновиме силите. Публиката многу ни помага за да добиеме дополнителна сила во тешките моменти.

Шпанија е одличен тим. Тие играат слична одбрана како и ние, силни се, имаат добри погодоци и брза транзиција меѓу Фернандез и Сол. Го прават тоа исклучително ефикасно. Мора да бидеме внимателни. Ги затворивме со одбрана од 6-0 во првиот натпревар затоа што немаа изразен удар, но тие ни направија проблеми со одбраната 5-1 “, рече Червар веднаш по синоќешниот драматичен полуфинален натпревар.


Ученици од три града на заеднички фудбалски тренинг со Панчев и Станојковиќ

Триесет и пет ученици од 11 основни училишта од Скопје, Тетово и Велес ќе одржат заеднички фудбалски тренинг со спортските ѕвезди Дарко Панчев и Вујадин Станојковиќ во рамки на спортскиот настан „Играј фер".

Настанот денеска ќе се одржи на фудбалското игралиште Локомотива.

Целта на овој настан, во организација на Агенција за млади и спорт, е запознавање, вмрежување и интегрирање на млади кои не доаѓаат од иста средина, надминување на стереотипите, како и зголемување на меѓусебната толеранција на млади од различни етнички средини и нивно поврзување преку фер спортска игра. /МИА

Промоторот на Фјури објави кога и каде ќе биде реваншот против Вајдер

Френк Ворен, промотор на Тајсон Фјури, откри дека третиот натпревар помеѓу британскиот боксер и Деонтај Вајлдер ќе се одигра во јули, но, веројатно нема да се одржи во Велика Британија.

Фјури неодамна го совлада Вајлдер и стана нов светски шампион во ВБЦ и најдобар во тешка категорија на светот. Немаше победник на првиот меч меѓу нив во декември 2018 година, бидејќи борбата заврши со контроверзно реми, иако Фјури сепак беше многу подобар, како што сметаа многумина.

"Деонтај сè уште не ја активирал клаузулата во неговиот договор за реванш, но тој јасно стави до знаење дека наскоро ќе го стори тоа. Не се сомневам.", рече Ворен, додавајќи:

„Ако имаше реванш, би сакал да биде во Велика Британија, но во моментов е планиран за Лас Вегас во јули“.

Ѕвездата на Тотенхем во карантин поради коронавирус

Ѕвездата на Тотенхем, Сон Хјунг Мин има проблеми со коронавирусот.

Сон изминативе денови е во родната Јужна Кореја, каде што околу 2.000 луѓе се заразени.

Сон се вратил вчера од Сеул во Лондон, но не можеше да оди во клубот, туку отиде во карантин што ќе трае две недели. Веднаш по напуштањето на авионот, епидемиолозите се погрижија за него, а две недели не му е дозволено да се дружи со играчите или да го посети клупскиот камп.

Sвездата на Тотенхем не е позитивен на коронавирус, но поради претпазливост е  ставен во изолација.

Жозе Мурињо се огласи по карнатинот на Сон.

„Овие совети за карантин на Сон дојдоа од владата. Не сакам повеќе да коментирам, не знам повеќе. Сон ќе мора да го следи протоколот и нема да го видиме некое време“, рече Мурињо.

притисни ентер