Тие тврдат дека поранешните сопружници се сретнале најмалку пет пати пред гала настанот на доделување на наградите на актерите во Лос Анџелес минатиот викенд, а еден од нивните тајни состаноци бил, наводно, за Божиќните празници во вилата на Џенифер Анистон во „Бел Ер“.
„Не мислам дека некогаш престана да го сака, иако и го скрши срцето кога ја остави заради Анџелина Џоли“. Помина долго време, но таа му прости, изјави неименуван пријател на актерката за Mirror.
Долгогодишниот соработник на Бред, ја потврди приказната.
- Тој зборува само за Џен. Тие ја обновија својата романса. Не сум видел никој толку среќен со години, рече тој.
Обожавателите на актерската двојка беа воодушевени кога ТВ-камерите го фатија Бред велејќи: „О, Леле“ по говорот на Џенифер на доделувањето на актерските награди.
Двојката подоцна беше забележана во бекстејџот. Тие се смешкаа и се држеа за раце.
На прашањето за нивното повторно обединување, актерите не беа многу елоквентни.
„Ова е забавна ноќ каде што навиваме еден за друг“, рече Џенифер.
- Не знам. Живеам во блажено незнаење и ќе остане така, додаде Бред.
На прашањето дали неговата поранешна сопруга ќе го придружува на Оскарите, тој рече дека нема и не знае со кого ќе оди на настанот.