Македонија

МИОА:Се почитуваат постапките за внатрешната организација и систематизација на работните места

МИОА спроведувајќи ги своите надлежности што произлегуваат од ЗАС и ЗВЈС води сметка за почитување на постапките за донесување на актите за внатрешна организација и систематизација на работните места.

Министерството за информатичко општество и администрација, спроведувајќи ги своите надлежности што произлегуваат од ЗАС и ЗВЈС води сметка за почитување на постапките за донесување на актите за внатрешна организација и систематизација на работните места, како и за донесување на годишните планови за вработувања, се наведува во реакцијата на МИОА на прес-конференцијата на дополнителниот заменик министер Невенка Стаменковска Стојковски.

Во реакцијата се појаснува дека во однос на актите за внатрешна организација и ситематизација, секогаш се внимава доколку има отстапување во бројот на работни места во однос на законски утвредните ограничувања, истото да е направенo врз основа на внатрешна функционална анализа и одобрено и од страна на Министерството за финансии, базирано врз докази.

-Што се однесува до годишните планови, додаваат, законска обврска на МИОА е да провери дали сите чекори во постапката се согласно Законот за вработени во јавниот сектор и Методологијата за донесување на годишен план се испочитувани, без да навлегува во содржината на планот, што е изворно право на раководните лица на институциите, односно во потребите за нови вработувања или унапредувања, базирани на стратешките приоритети и буџетските можности. /МИА

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.