Партиите ветуваат мирна и демократска кампања

На точно еден месец до почетокот на кампањата, партиите ветуваат мирна и фер кампања.. 

Кампањата за претстојните парламентарни избори ќе ни ја одреди судбината за патот кон Европската Унија, смета вицепремиерот Бујар Османи. Како шеф на изборниот штаб на ДУИ, тврди дека неговата партија нема да води валкана кампања, која ја навести премиерот Спасовски. Ќе се фокусирале на промоција на идните планови и реализираните ветувања. Прават кадровски подготовки - ограноците на партијата веќе предложиле кандидати за пратеници, но имињата засега не ги откриваат, освен дека 40 проценти од нив ќе бидат жени.

,,ДУИ никогаш нема спроведено негативна кампања, нема да има ни во овој изборен циклус. Овие избори не се исти со кои било други избори бидејќи се случуваат во моментот кога се носат одлуките. Микроскопот е зголемен на многу пати што се случува во земјата, а дури и минималните инциденти ќе имаат влијание на чуството што ќе го имаат министрите и премиерите кога ќе ја носат одлуката.

Од СДСМ велат дека се залагаат за фер кампања која ќе ги исполни очекувањата на земјите членки на Европската Унија. За две недели ќе одржат партиски конгрес на кој ќе ги гласаат листите на избраните кандидати за пратеници, за кои се уште велат дека не се формирани.

,,За овој краток 2,5 годишен период направивме толку многу позитивни работи за граѓаните и за државата, така што сметам дека 20 дневниот период на кампања која следува е многу краток период да ги изнесеме само нив, а камоли да се занимаваме со лошите работи што ги направија нашите политички противници.

Неодамна лидерот на ВМРО ДПМНЕ рече дека ако имаме нефер кампања, виновна ќе биде власта бидејќи тие ги имале механизмите за манипулација.

Од Државната изборна комисија велат дека оние партии кои не го почитуваат кодексот за фер избори и оние кои одржуваат јавни собири пред официјалниот старт на кампањата закажан за точно еден месец, ќе бидат санкционирани.

Захарова: Русија нема да учествува на конференцијата за Украина

Русија нема намера да учествува на конференцијата за Украина, чија можност ја спомена украинскиот министер за надворешни работи Дмитриј Кулеба, изјави денеска портпаролката на руското Министерство за надворешни работи Марија Захарова.

Претходно Кулеба изјави дека преговорите со Русија за решавање на вооружениот конфликт со Украина би можеле да се одржат меѓу првиот и вториот самит за „формулата за мир“ на украинскиот претседател Володимир Зеленски.

„Русија нема намера да учествува на таква конференција. Формулата на Зеленски не е ништо друго освен алхемија“, истакна Захарова.

Андоновски: „Нула корупција“ во јавните набавки

 Дополнителниот заменик министер за информатичко општество и администрација, Стефан Андоновски, денеска беше во посета на Струмица каде имаше средби со приватни компании од ИТ секторот и локалната администрација.

- Од она што можев да го забележам од досега реализираните средби e распространетото ниво на корупција, особено во јавните набавки и начинот на кој што се распоредуваат и трошат народните пари во Општина Струмица, начинот на кој што сe набавуваат потребни материјали за Општината, но и пошироко. Централната власт покажа колку е закоравена корупцијата. Затоа предлагаме „Нула корупција" преку интеграција и дигитализација на сите регистри, изјави Андоновски.

Посочи дека преку оваа мерка ќе се превенира корупцијата преку системот на јавни набавки, преку потекло на имот и дали некои луѓе се поврзани со проектите и на кој начин ќе ги добијат тендерите.

-Регистарот ќе ги спречи злоупотребите поврзани со лицата вклучени во јавните набавки во поглед на нивната подготовка и евалуација, но и учеството во истите од страна на компаниите кои конкурираат. Овој систем ќе послужи и во процесот на проверка на потеклото на имот. Ќе формираме сектор во рамките на Бирото за јавни набавки задолжен за контрола на критериумите за економски најповолна понуда и за спречување на манипулации во процесот на јавните набавки, додаде Андоновски.

Топлотен бран од Африка пристигнува во Македонија

На Македонија во наредниве денови и се заканува екстремно топло време со летни температури над 30 степени, нешто што е невообичајно за овој дел од годинината.

Долнително песочен облак од Сахара, кој веќе прави проблеми во соседна Грција ќе дојде и во земјава. На оваа тема ја вклучуваме Мирјана Мирчевска – Јовановиќ.

Што велат метеоролозите, кога пристигнува топлото време?

Целосниот извештај погледнете го во видеото.

притисни ентер