Технологија

Белата куќа со технолошки гиганти договара проширување на алатки за избегнување цензура

Белата куќа вчера одржаа состанок со претставници на Amazon, Google, Microsoft и други технолошки компании со цел да ги убеди да овозможат поголем пристап до алатки кои помагаат во избегнување на интернет цензурата.

Овие алатки, како VPN (виртуелна приватна мрежа), се користат во земји како Русија, Иран и Мјанмар каде што интернетот е строго цензуриран.

- Владата на САД им нуди помош на технолошките компании за да се овозможи поевтин сообраќај на податоци преку серверите за да се задоволат брзорастечката побарувачка за VPN апликации, финансирани од Отворениот технолошки фонд (OTF) поддржан од САД, изјави претседателката на овој Фонд, Лора Канингам.

- Во текот на последните неколку години видовме експлозија во побарувачката за VPN, главно поттикнати од корисници во Русија и Иран. Во изминатата деценија рутински поддржувавме околу девет милиони корисници на VPN секој месец, а сега тој број е повеќе од четирикратен, рече Канингам.

VPN-овите им помагаат на корисниците да го сокријат својот идентитет и да ја променат нивната онлајн локација, често за да ги заобиколат гео-ограничувањата на содржината на Интернет или да ја избегнат владината технологија за цензура, преку рутирање на интернет сообраќајот преку надворешни сервери надвор од контролата на таа влада.

OTF конкретно поддржува VPN кои се дизајнирани да работат во земји кои го ограничуваат пристапот до интернет. САД вбризгуваа значителни средства во VPN поддржани од OTF по руската инвазија на Украина во 2022 година. /МИА

Регион

Расте бројот на жртви во Јабланица, потрага по пет исчезнати лица

Расте бројот на жртвите од полавите во Босна, се трага  по пет исчезнати лица.

Досега се пронајдени 15 тела , а се трага по уште пет потенцијално исчезнати лица во Јабланица - машините се на терен, потребни за ваков тип на интервенција, бидејќи има многу наноси од камен, кои многу тешко се движат.

Сè „се слеваше“ во населбата, многу е тешко да се координира во овие услови. Вчера пристигнаа 36 членови на спасувачката екипа со 12 возила - наносите се високи, проблем е да се лоцираат жртвите.

Поплавите кои ја зафатија Босна и Херцеговина резултираа со загуба на 24 човечки животи, а бројот на исчезнати сè уште не е познат. Над 20 домови се целосно уништени, а стотици семејства се соочуваат со големи ризици за своето здравје и безбедност.

Македонија

„Балансерот“ в среда на дневен ред на седница на Уставен за донесување на конечна одлука

 Уставниот суд в среда на седница ќе треба да донесе конечна одлука по предлог постапката за оценување на уставноста и законитоста на „балансерот“ - алатката за вработување според национална припадност во државните институции.

На дневен ред на 27. седница на Уставниот суд закажана за 9 октомври се предвидени шест иницијативи за оценување на уставност и законитост, како и гласање по шест предлози за донесување на конечни одлуки и да утврди пет нацрт- решенија.

Уставниот суд на 18 септември на седница расправаше дали со наведувањето на припадноста на заедницата којашто е потребна за пополнување на секое работно место, на кандидатите за административни службеници им се ограничува достапноста на секое работно место, односно дали со „обврска на кандидатите за админстративни службеници во пријавата за вработување меѓу останатите лични податоци да наведат и припадност на заедница“ се нарушува начелото на стручност и компетентност и се повредува и уставно загарантираното право на работа и слободен избор на вработување.

Судот по неколкучасовна расправа, донесе одлука да поведе постапка за одредби од законот за вработени во јавниот сектор - (Член 19 став 1 алинеја 1 во делот „припадност на заедница“), Законот за административни службеници - (Член 36 став 1 алинеја 1 во делот „и припадност на заедница“), Правилникот за задолжителни елементи во јавниот оглас при вработување во јавен сектор - (член 2 став 1 алинеја 8 во делот „припадноста на заедницата/заедниците“, член 2 став 2 и 3 член 3, став 1 алинеја 1 во делот „припадност на заедница“), Правилникот за формата и содржината на регистарот на вработените во јавниот сектор – (член 3 став 1 алинеја 8), како и Методологијата за планирање на вработувањата во јавниот сектор согласно со начелото за соодветна и правична застапеност, како и формата, содржината и образецот на годишниот план за вработување и извештајот за реализација на годишниот план за вработување.

НБА

Леброн и Брони Џејмс за првпат излегоа на теренот во исто време на претсезонски натпревар

Леброн и Брони Џејмс за првпат излегоа на теренот во исто време на претсезонски натпревар во НБА.

Големата НБА-ѕвезда, Леброн Џејмс и неговиот син Брони Џејмс играа заедно во претсезонски натпревар.

Предводникот на Лејкерси и неговиот најстар син влегоа во исто време на теренот на мечот со Феникс санс (114:118). Заедно одиграа 4 минути и 9 секунди.

За играњето со неговиот син, 39-годишниот Леброн вели:

„Една од најдобрите работи што може да ги побара еден татко“.

Леброн постигна 19 поени 5 скока и 4 асистенции, Брони имаше два скока и четири загубени топки. Брони вчера наполни 20 години.

притисни ентер