Автомобилизам

Бизарна кражба во фабриката на Тесла во Германија- исчезнале дури 65.000 филџани за кафе

Необична кражба се случила во фабриката Тесла во Германија, која се наоѓа во близина на Берлин.

Исчезнале дури 65.000 шолји кафе, како што открил менаџерот на фабриката Андре Тиериг на неодамнешниот состанок на персоналот. Тиериг изјавил дека оваа бројка е зачудувачки и дека статистички гледано, секој работник дома веќе има сет од пет шолји за кафе Икеа.

Овој настан предизвика смеа и аплаузи кај присутните, но Тириг сериозно предупреди дека ќе го отстрани приборот за јадење од собите за одмор доколку не престанат кражбите. Овој инцидент е само еден од низата проблеми со кои се соочува фабриката од почетокот на производството во 2022 година.

Фабриката е предмет на многу контроверзии од нејзиното основање. Откако Германија победи на натпреварот од осум други земји од ЕУ за локацијата на првата европска фабрика на Тесла, почнаа критиките за негативното влијание врз животната средина. Изградбата на фабриката вклучуваше расчистување на стотици хектари шума и загриженост за контаминација на подземните води.

Во 2022 година, германското списание „Штерн“ објави напис во кој се наведува сериозни прекршувања на прописите за безбедност и здравје на работниците, како и на законите за животна средина. Фабриката на Тесла забележала три пати повеќе итни случаи од фабриката на Ауди во Инголштад.

Неодамна фабриката беше место на еколошки протести против планираното проширување, кое доби зелено светло по долга политичка борба. Одлуката на Илон Маск да ја намали работната сила во фабриките ширум светот за 10 отсто резултираше со отпуштање на многу привремени и со скратено работно време работници, што предизвика дополнителна загриженост за долгорочното влијание на фабриката врз германската економија.

Работниците се соочуваат со екстремен притисок, малтретирање и фрустрација поради големиот број безбедносни несреќи, според Јанес Бојерт, секретар на синдикатот ИГ Метал. На состанокот на персоналот, Михаела Шмич, шеф на Работничкиот совет, се спротивстави на тврдењата на синдикатот, сметајќи дека синдикатот врши несоодветно влијание врз своите членови.

Оваа ситуација во фабриката Тесла во Германија ја покажува сложеноста на предизвиците со кои се соочуваат светските компании при поставувањето и водење производствени капацитети во странски земји.

Фудбал

Аталанта победи на девет натпревари по ред во Серија А

Аталанта вчеравечер го победи Милан (2:1) на домашен терен во натпревар од 15. коло на Серија А.

Тимот од Бергамо ја продолжи својата победничка серија на девет натпревари, повторувајќи го својот рекорд поставен од февруари до јули 2020 година.

Аталанта моментално води во италијанското фудбалско првенство со 34 бодови. Наполи кој заостанува два бода утре ќе се соочи со Лацио./МИА

Македонија

Обвинение за телесна повреда при семејно насилство

Основното јавно обвинителство Скопје поднело обвинителен предлог против едно лице за кривично дело – телесна повреда.

Како што соопшти државното Јавно обвинителство, доказите обезбедени во текот на претходната постапка ја потврдуваат основаноста на сомненијата дека обвинетиот на 1 декември во попладневните часови, во семејната куќа во Љубанци, вршел семејно насилство, при што телесно ја повредил поранешната сопруга со која по разводот на бракот продолжиле да живеат во заедничко домаќинство.

-Тој и пришол од зад грб, со рацете ја зграпчил за вратот и ја стегал, па ја удирал со тупаници и ја кубел за косата. Имајќи предвид дека обвинетиот е претходно осудуван, му се води и друга постапка за истородно дело, а оштетената повеќепати ја напаѓал, јавниот обвинител оцени дека постои реална опасност тој да се обидува да го избегне кривичниот прогон ако биде пуштен на слобода, информира ЈОРСМ.

Затоа до Основниот кривичен суд Скопје доставил предлог за продолжување на претходно определената мерка притвор со цел негово обезбедување во текот на постапката.

Македонија

Претрес во Кичево, пронајдена дрога

Полициски службеници од СВР Охрид вчера во 13.10 часот во Кичево го лишиле од слобода З.Т.(29) од Кичево.

Како што информира МВР, при претрес во неговиот дом, извршен по судска наредба, полициските службеници пронашле и одзеле кеса со марихуана, пари и други предмети.

-По целосно документирање на настанот, против него ќе биде поднесена соодветна пријава, соопшти Министерството за внатрешни работи.