Богоев при посетата на Костал: Зголемување на извозот од странските директни инвестиции

Костал вработува 1.050 лица, а минатата година остварила извоз од 130 милиони евра. 

Подобрувањето на условите за водење бизнис е клучно за проширување на производствените капацитети, извоз на производи со повисока додадена вредност и нови работни места. Царинската управа е партнер на стопанството и преку дијалог со компаниите креираме мерки и политики коишто овозможуваат поголема конкурентност на компаниите. „Костал“ е странска директна инвестиција која има одобрение за крајна употреба што подразбира дека репроматеријалите што ги увезува компанијата за потребите на процесите за производство се со намалена царинска стапка или нула царинска стапка. Исто, одобрението за одобрен извозник што го има им овозможува извоз за пократок временски рок, истакна директорот Стефан Богоев при денешната посета на фабриката за производство на делови и компоненти за автомобилската индустрија „Костал“.

Богоев заедно со директорот на Костал, Виктор Мизо, разговараа за активностите што ги презема Царинската управа како и за новите проекти коишто се реализираат со поддршка на Светска банка и ЕУ, меѓу коишто и Националниот едношалтерски систем.

„Задоволни сме што странските инвеститори препознаа во нас доверлив партнер, при што и јавно преку анкета не наведоа како орган од чија работа се најмногу задоволни. Ќе продолжиме и натаму интензивно да работиме на реализација на ветените проекти во висина од 30 милиони евра чија цел е олеснување на трговијата и транспортот и сузбивање на сивата економија и организираниот криминал“, истакна Богоев.

Директорот на Костал, Виктор Мизо кој воедно е и претседател на Советот на странски инвеститори истакна дека анализата за бизнис инвестицискиот индикатор на Советот на странски инвеститори за 2023 година, покажува дека Царинската управа е најдобра од сите државни институции, којашто секогаш има поддршка, отворена дискусија и транспарентност. Мизо информира дека на средбата од нивна страна е предложено за можна времена мерка за дополнителна хармонизација на царинските стапки за увоз на производи од трети земји, што во нивниот случаи тоа е најчесто Азија, a што ќе доведе до зголемување на конкурентноста.

Во рамки на посетата на компанијата „Костал“ воедно и беше врачен сертификат од Светската царинска организација за успешна соработка со Царинската управа, се наведува во соопштението.

„Гответе со Дракче“ - Мафин од боровници во смути

Во петок (12.04.2024) во емисијата гостин ни беше Јоце Панов)

Состојки за денешниот рецепт:

120 гр. боровници

90 гр. овесни снегулки

80 гр. грчки јогурт

50 мл. нискомасно млеко

1 лажичка мед

малку екстракт од ванила

малку цимет

по желба дозерка протеин од ванила

Погледнете како се подготвува овој рецепт:

Народна банка: Новa веб-услуга за автоматизирано преземање податоци од курсната листа

Народната банка информира дека е изработена нова веб услуга за автоматизирано преземање на податоците од курсната листа, којашто може да се користи паралелно со старата.

Старата веб-услуга, како што информира Народната банка, ќе биде достапна на веб-страницата до крајот на мај годинава и дотогаш сите корисници треба да почнат да ја употребуваат новата веб-услуга.

- Деловните банки веќе се префрлија на новата апликација и автоматизирано ја читаат Курсната листа секој ден. Оваа апликација на Народната банка за Курсната листа и за курсевите за државните органи е изработена со нови современи алатки и е достапна на следнава врска: https://www.nbrm.mk/web-servis-novo.nspx , на која има и упатство за корисниците за нејзиното користење, велат од централната банка.

Посочуваат дека воведувањето на новата услуга е во рамки на унапредувањето на ИТ-безбедноста на процесите преку примена на нови технологии што се поотпорни на нападите од дигиталниот простор.

- Постојаното јакнење на киберотпорноста, како и користењето на технологиите за подобрување на услугите кон корисниците е заложба на централната банка. Оттука, неодамна започна билатерална соработка со централната банка на Италија, проект на Европската Унија, чијашто цел е преку пренесување на искуствата да се зајакнат стандардите и најдобрите практики во Народната банка за развивање и одржување апликативен софтвер, се наведува во соопштението.

Камерон го повика Израел да не возвраќа по иранскиот напад

Британскиот министер за надворешни работи Дејвид Камерон го повика Израел да не возвраќа по иранскиот напад со беспилотни летала и ракети и рече дека потегот на Техеран речиси целосно пропаднал.

Според Камерон, фокусот треба да остане на постигнување договор за прекин на огнот во Појасот Газа.

„Доколку сте во Израел утрово, сосема со право мислите дека имате целосно право да одговорите на ова и тие (Израел) го имаат тоа. На многу начини, ова е двојна загуба за Иран. Нападот речиси целосно пропадна и тие му открија на светот дека тие се лошото влијание во регионот кои се подготвени да го направат тоа. Затоа се надеваме дека нема да има одмазда“, додаде Камерон.

притисни ентер