Чудовиште избегало од кафез и го убило сопственикот

Кристофер Вард (34) од Колорадо, кој како хоби чувал отровни влекачи, бил убиен од својот миленик.

Нападот на отровниот гуштер кој го нарекуваат „чудовиштето Гила“се случил на 12 февруари, а полицијата на кобниот ден нешто пред полноќ добиле повик од девојката на Кристофер, Медлин, објави Би-Би-Си.

Таа рекла дека Кристофер имал каснување од животното по телото, а кога пристигнала полицијата било откриено дека го каснал неговиот миленик Винстон, отровен гуштер од родот Heloderma suspectum.

Медлин рече дека била во друга соба кога го слушнала Кристофер како зборува нешто неразбирливо. Кога влегла во собата, го видела Кристофер на земја и видела дека гуштерот е закачен за неговата рака. Погледнала во правец на кафезот каде што го чувале Винстон и сфатила дека гуштерот успеал да побегне.

Полицијата соопшти дека Медлин повикала полиција кога Кристофер почнал неконтролирано да повраќа и да го губи здивот. Починал четири дена подоцна од последиците од каснувањето и труењето.

Еден ден откако Кристофер го претрпел фаталното каснување, полицијата и претставници на Animal Control влегле во домот на младиот човек и пронашле уште два отровни гуштери.

Како што е соопштено, во куќата биле пронајдени и 26 видови пајаци.

„Вард чувал и тарантула како домашно милениче во куќата“, соопшти полицијата.

Тие рекоа дека влекачите биле префрлени во установа за рехабилитација на дивиот свет во Јужна Дакота.

Воедно посочија дека чувањето отровни гуштери е незаконско.

Според Здружението на зоолошки градини во Сан Диего, каснувањата од гуштер Heloderma suspectum ретко се фатални кај луѓето.

„Тој гуштер е отровен, а отровот се создава во жлездите во долната вилица на гуштерот. Кога гуштерот ќе касне, малите бразди во забите помагаат отровот да тече во пленот. Каснувањето е многу силно, а гуштерот може да не го ослободи стисокот неколку секунди. Може дури и да џвака за отровот да навлезе подлабоко во раната. Каснувањето е болно за луѓето, но ретко предизвикува смрт“, пишува организацијата на својата веб-страница.

Уапсени 17 припадници на затворска полиција во Идризово

Обвинителството за гонење на организиран криминал и корупција информираше утринава дека се уапсени 17 припадници на затворската полиција во КПУ Идризово. 

Акцијата ја спроведе МВР во координација со ОЈОГОКК , а доаѓа по претресите извршени во Идризово пред неколку дена.

Уапсените затворски полициајци веќе се спроведени во Кривичениот суд, а Обвинителството најави повеќе детали во текот на дејнот.

Милијардерот Бил Гејтс со нова девојка на црвениот тепих

Еден од најбогатите луѓе на светот, 68 годишниот милијардер Бил Гејтс се појави на доделувањето на наградите „Breakthrough“ во Лос Анџелес во друштво на својата девојка, 60-годишната Пола Херд . 

Пола е вдовица на поранешниот извршен директор на „Oracle“, Марк Херд.

Гејтс се разведе од сопругата Мелинда во мај 2021 година по 27 години брак, а разводот беше финализиран во август истата година. Бил и Пола само една година по разводотна милијардерот беа видени заедно а врската ја потврдија во 2023 година.

ЦУК: 23 пожари на отворено, два се уште се активни

Изминатото деноноќие евидентирани се 23 пожари на отворен простор, од кои два се уште се активни, соопшти Центарот за управување со кризи (ЦУК).

-Регионалниот ЦУК Тетово, известува дека пожарот кој започна пред неколку дена кај село Ѓермо, Општина Тетово е се уште активен. Пожарот сега се наоѓа над село Селце на оддалечен и тешко пристапен терен, а гори букова шума, ливади и меѓни стебла и ниска вегетација, информираат од ЦУК.

Според последните информации добиени од одговорни лица од НП Шар Планина и ТППЕ Тетово пожарот е се уште активен и има тенденција да се шири. Вчера поради настапување на ноќта екипите во 19:10 часот се повлечени од терен, а со интервенција е продолжeно денеска во раните утрински часови.

-Регионалниот ЦУК Битола, известува дека пожарот кој беше активен над село Велушина на ден 13.04.2024 година во текот на ноќта беше изгаснат, но на ден 14.04.2024 година дошло до негово повторно активирање и во моментот со пожарот е зафатен папрат, смрека и шума над село Остерец на Баба Планина. Во текот на денот во негово гаснење интервенирале четири лица од ЈП Национални шуми-подружница Кајмакчалан од Битола и четворица пожарникари со две противпожарни возила кои поради настапување на ноќ се повлечени од терен. Според последните информации пожарот е на непристапен терен и горат суви лисја и гранки. Нема опасност по населени места и НП Пелистер. За настанот се известени релевантните субјекти од Системот за управување со кризи (СУК), се наведува во соопштението.

Во ЦУК имало вкупно 1 973 повици на Единствениот повикувачки број за итни случаи 112 во последното деноноќие, од коишто „реални“ повици биле 55,45 отсто, а 44,55 проценти биле за други потреби на граѓаните што не биле итни. Кон полиција биле упатени 55,78 отсто, кон итната медицинска помош 30,35 отсто, а кон пожарникарите 10,40 отсто од реалните повици кон 112 во ЦУК.

ЦУК апелира и потсетува, да не се пали вегетација на отворено и да редовно да се чистат локалните одводни канали.

притисни ентер