Денеска предизборен молк, утре се прегласува на седум избирачки места

45 болни и изменоштени, пет лица кои се во затвор и две во старските домови денеска можат да го искористат своето право на глас на прегласувањето во седум избирачки места во петтата  и шестата изборна единица.

45 болни и изменоштени, пет лица кои се во затвор и две во старските домови денеска можат да го искористат своето право на глас на прегласувањето во седум избирачки места во петтата и шестата изборна единица, каде беа регистрирани низа нерегуларности за време на изборите на 8-ми мај. Главниот дел на прегласувањето е утре, кога своето демократско право на две избирачки места во Крушево, две во Долнени, и по едно избирачко место во Струга, Охрид и Желино ќе можат да го остварат вкупно 4521 лице. Од ДИК соопштија дека се целосно подготвени за прегласувањето на овие избирачки места каде именувани се нови претседатели и членови на избирачките одбори, откако комисијата ги разреши претходните.

„ ДИК е подготвена да се спроведат изборите како денеска, така утре, дистриубиран е доверливиот изборен материјал во текот на денешниот ден се дистрибнуираат уредите за биометриска идентификација на гласачите подготвнеи се и општинските изборни комисии и избирачките одбори за законито и регуларно спроведување на гласањето, “-Радица Тодоровска Алексовска – Портпаролка на ДИК.

Од МВР очекуваат и утрешното прегласување да помине во мирна и демократска атмосфера и апелираат доколку биде забележан било каков проблем или нерегуларност граѓаните да пријават во полиција.

„ Она што се покажа во двата изборни круга имавме мирни избори и се надеваме дека така ќе биде утре, но доколку има било каков проблем, инциденти или нарушување на гласањето да пријават граѓаните на 192, 112 или најблиската полициска станица.Апелираме до сите учесници ов изнорниот процес и граѓаните утре да имаме мирни избори како што имавме во првите два круга.“- Тони Ангеловски – Портпарол на МВР.

Во меѓувреме, во ДИК се одржа јавна седница на која се доделија Уверенијата за пратеници за потврдените пратенички мандати од изборите на 8-ми мај.

Експерти: Од 1 јули нема да се плаќаат повисоки сметки за струја доколку се укине мрежарината

Граѓаните од 1 јули нема да плаќаат повисоки сметки за струја доколку се укине мрежарината.

Граѓаните од 1 јули нема да плаќаат повисоки сметки за струја доколку се укине мрежарината која сега е дел од сметките, оценуваат дел од експертите во земјава и покрај најавите дека ЕСМ на тендерот на 20ти ќе понуди повисока цена за 5 % и ќе покрива само 85 % од потребите.

Професорот Константин Димитров за Канал 5 вели струјата е стока со пазарна цена, а Македонија мора да се фокусира на сопствено производство. Според него граѓаните го плаќаат недомаќинското работење на државни електрани, со јаглен купен од странство по високи цени, вели, расте и цената на произведената струја. Според Димитров мора да се направи резивија на работата на државни електрани.

„Сончевите колектори ако ги изгради ЕСМ за сопствени потреби ќе влијаат позитивно инаку се што е изградено си го плаќаме на берза по берзанска цена, ако е кај нас во МАкедонија, ако се користи наша површина, ако ги користи нашите дистрибутивни и преносни системи ја купуваме по берзанска цена. Немаме големо фајде од така наречено домашно производство, нас ни треба сопствено производство. “-Константин Димитров – МАЦЕФ

Од ЕСМ за Канал 5 велат дека тие правеле анализи и пресметки, но за крајната цена и количините кои ќе ги испорачаат до универзалниот снабудвач одлучувала Влада на затворена седница.

„ЕСМ е заштитник на цената на електрична енергија и испорачува електрична енергија кон ЕВН Хоум по цена и количина која ја утврдува Владата се со цел пазарните цени на струјата на берзите да не предизвикаат ценовен шок за граѓаните.“- ЕСМ

Од владата пак, не добивме одговор зошто во време кога се очекуваше пониска, беше донесена одлука државни електрани да ја продаваат струјата по повисока цена. Вчера првиот регулатор Билсимовски иако рече дека е изненаден од понудената цена бидејќи е повисока, сепак за него поголем проблем е што ЕСМ ќе покрива само 85%, останантите 15 ќе треба да се обезбедат однадвор каде цената во одредени денови е и дупло повисока.

Мицкоски го поднесе предлог составот на Владата до Собранието

Мандатарот Христијан Мицкоски до Собранието го поднесе предлог составот на Владата и имињата, биографиите на идните функционери во извршната власт. 

Тој очекува да биде оваа точка да биде ставена на дневен ред 22 23 јуни, колку што би требало максимално да трае. Во Собранието е Андријана Лазова.

Кои се останатите пораки?

Целосниот извештај погледнете го во видеото.

Речиси четворица од десет грци сметаат дека договорот од Преспа е неповолен

Последната анкета на грчката фондација „Елиамеп“ покажа дека за дури 38 проценти од Грците Договорот од Преспа е штетен.

Ни ветуваа дека по промената на името се ќе биде поинаку, но ние се уште сме во чекалната на Европската Унија, вели мандатарот Христијан Мицкоски, коментирајќи ги изјавите на медијаторот Метју Нимиц, кој вчера индиректно му порача да не живее во илузија со неговите ставови за Преспанскиот договор. Мицкоски денеска возвраќа, вели јас живеам во реалноста во која 600 илјади сограѓани живеат со 150 денари дневно.

Вистината некогаш боли и шече, зашто излажаа народ, кој што направи се за тааа илузија, како ниту еден народ што направи, се откажа од знамето, на крајот од уставното име, за жал се уште сме во чекалната, а не на масата. Треба да поведат сметка за своето поведение. , вели Мицкоски.

Договорот од Преспа е како бебе на кое сите му се смешкаме, но не направивме доволно за да го пораснеме, е оценката на Никос Коѕијас, еден од потписниците на спогодбата пред шест години. Иако во изминатите јавни настапи изнесуваше и навредливи коментари нарекувајќи не „Славомакедонци“, поранешниот грчки министер за надворешни на меѓународната конференција синоќа во Атина, јавно застана зад земјава. Тој ја повика владата на Мицотакис да ја исправи неправдата од предолгото чекање на Македонија, на чиј пат сега е испречена Бугарија.

-Решението е многу едноставно. Грчката влада треба да ѝ каже на бугарската влада: „ние никогаш нема да гласаме за вашето пристапување во Шенген зоната, ако не отстапите од ветото кон С.Македонија. Ова е добар предлог, Никола? , изјави Никос Коѕијас, поранешен министер за надворешни работи на Грција

На вчерашните маратонски панели и дебати, во организација на институтот Алексис Ципрас и фондацијата Заев повеќе учесници упатија и директни и индиректни пораки до Мицкоски и Мицотакис да останат доследни на Договорот, кој како што рече во видео обраќањето првиот човек на Обединетите Нации, Антонио Гутереш, треба да остане столб за градење доверба и разбирање.

-Преспанскиот договор е сведоштво за моќта на дипломатијата, дијалогот и компромисите. Договорот не само што го реши спорот за името, туку и ги отвори можностите за нови прилики за раст, контролирана размена и регионални партнерства. , изјави Антонио Гутереш, генерален секретар на ОН.

Неговиот личен пратеник, медијаторот Метју Нимиц, кој вчера наполни 85 години и ја прими наградата за мир Преспа, по 25 годишно посредништво меѓу Скопје и Атина вели дека постигнувањето на компромисот бил тежок, но дека уште потежок е предизвикот тој компромис да биде прифатен од идните генерации политичари во двете земји.

-Живееме во опасен период, живееме во реалниот свет, и во реалниот свет имаме договори, па луѓето кои се на власт треба да ги почитуваат тие договори. Не можеме да живееме во светот на фантазијата, не можеме да живееме во виртуелен свет. , изјави Метју Нимиц, поранешен медијатор во преговорите за името

Последната анкета на грчката фондација „Елиамеп“ покажа дека за дури 38 проценти од Грците Договорот од Преспа е штетен. 28 проценти се изјасниле дека тој е донекаде корисен, а само девет отсто дека е многу корисен.

притисни ентер