Димитриевски: Време е граѓаните да ја земат судбината во свои раце и да направат промена

Претседателскиот кандидат Максим Димитриевски, од  Движењето ЗНАМ – За наша Македонија, вечерва се обрати пред граѓаните на Битола.

„Македонија низ својата историја водела многу борби, имала препреки и проблеми, но македонскиот народ секогаш знаел да изнајде соодветно решение и да стави крај на тоа што го тишти. Во овој момент најголемиот проблем се оние што народот ги бира во континуитет од 30 години. Тамам ќе ги смениш едните, ќе дојдат дабетер другите. И дојде време, невреме кадешто граѓанинот е на дното, а елитата на врвот. Си седат по кабинетите и си се договараат со својот вечен партнер ДУИ за ситните цели“, рече Димитриевски и додаде:

- По дваесет години потпишавме Меморандум за соработка со Здружението на бранителите „Братство 2001“ за да може да тргне работата за нивните права. Жално е ова што се случува“, рече Димитриевски. „Сакам да ветам дека како иден Врховен командант ќе се заложам да се остварат нивните права. Македонија во оваа 2024 година има можнност да избира помеѓу веќе виденото и нешто ново, Движењето ЗНАМ –За наша Македонија, кое доаѓа од граѓаните, е со граѓните и ќе биде со граѓаните.

Да ја направиме Македонија маскимална и да го дадеме својот максимум за наша Македонија, зашто друг а држава немаме“, потенцира тој. Димитриевски порача дека со него како Претседател на државата и со Движењето ЗНАМ, никогаш повеќе ниту еден Македонец нема да мора да бега од своето парче земја и продолжи: „Мора да сме свои на своето и да бидеме како и другите во оваа држава, граѓани од прв ред. Доста гледаме како ДУИ ги врти околу малиот прст и заедно и со едните и со другите градат биетничко општество.

Е има и други!

Оваа држава ја направил македонскиот народ. И затоа Македонецот треба да се крене, да се одважи да каже - Доста е! Време е за суштинска промена. Време е граѓанинот да ја земе судбината во свои рвце“, рече тој.

„Јас ќе бидам Претседател кој доаѓа од вас граѓаните, ќе биде со вас, граѓаните и ќе работи за вас, граѓаните. Бидете одважни, не потпаѓајте на притисоци, зашто сите се видени. Сите се веќе прочитан буквар. Суштинските промени доаѓаат со Движењето ЗНАМ и бројот седум“, рече Димитриевски вечерва, пред граѓаните на Битола. На митингот пред битолчани се обрати и носителката на кандидатската листа за пратеници од ИЕ 5, госпоѓа Весна Бендевска. Таа рече дека ЗНАМ ја гледа Македонија како држава со силна економија, со производство, со храна доволна за сите. Земја во која се изедначени минималната плата и минималната пензија.

„ Ќе ги укинеме сите етнички клучеви и квоти. Во Македонија нема веќе да има енклави кои нема да плаќаат сметки. Сите имаат еднакви права, но и обврските се исти за сите. Движењето ЗНАМ нема да прифаќа уцени ниту од внатре ниту од надвор, рече Бендевска и додаде:

„Битола се буди и ги води сите. Време е да го дадеме својот максимум за наша Македонија“. Караванот на претседателскиот кандидат Максим Димитриевски денеска ги посети и Ресен, Новаци и Могила.

Инаку денеска Движењето ЗНАМ– За наша Македонија и Здружението на Воени ветерани и Воени инвалиди „БРАТСТВО 2001“ Битола потпишаа Меморандум за соработка и реализирање на повеќе договорени цели од интерес на челновите на Здружението.

Меморандумот го потпишаа Претседателот на ЗНАМ и негов кандидат за Претседател на државата, Максим Димитриевски и Претседателот на Здружението, Владо Томески.

Нови разорни бури и торнада во делови од САД- во претходниот налет загинаа 20 лица

Во текот на претходниот викенд, централниот и југоисточниот дел на САД беа погодени од бран разорни бури и торнада.

Најпогодени се Оклахома, Арканзас, Тексас и Кентаки.

Уништени се стотици објакти. За жал, загинаа најмалку 20 луѓе.

Во овој момент, нова серија разорни бури се формираат над средните делови на САД, особено над Оклахома и Тексас.

Торнада се очекуваат и во текот на денот во јужните и источните делови на Оклахома и североисточниот дел на Тексас, а најголема опасност има во пограничната област на овие сојузни држави.

Сирените веќе се огласија во многу населби поради заканата од торнада.

Овој моќен систем со грмотевици ќе помине и над Далас, во поширокото подрачје со закана од торнада.

Дејвид Бекам стана заштитно лице на кинеската компанија Али Експрес пред почетокот на Еврото

Дејвид Бекам се потпиша како главен амбасадор на AliExpress, онлајн платформата за малопродажба во сопственост на кинескиот технолошки гигант Alibaba.

Соопштението доаѓа во пресрет на почетокот на Европското фудбалско првенство кое започнува следниот месец.

Компанијата не откри колку му плаќа на поранешниот капитен на Англија.

Во март, AliExpress договори ексклузивно партнерство со платформата за е-трговија со европското фудбалско тело УЕФА. Според договорот, фудбалската суперѕвезда која стана претприемач ќе биде заштитно лице на промоцијата Score More на AliExpress, која ќе се одвива за време на натпреварите, пренесува Ројтерс.

- AliExpress им помага на навивачите уште поблиску до УЕФА ЕУРО 2024 ова лето, нудејќи им големи награди додека акцијата се одвива на теренот - рече Дејвид Бекам.

AliExpress им се придружува на другите големи кинески компании кои исто така направија слични спонзорства, вклучувајќи го производителот на електрични возила BID и електронскиот гигант Vivo.

Инаку, откако ги остави настрана копачките пред повеќе од една деценија, Бекам се поврзува со многу брендови и големи спортски настани.

Според УЕФА, Евро 2020 имаше вкупна глобална телевизиска публика во живо од 5,2 милијарди. Финалето кое Англија го загуби на пенали, според објавата го гледале 328 милиони луѓе.

Mercedes, BMW и VW се откажаа од амбициозен план- последиците ќе бидат големи

Целта беше амбициозна: Mercedes-Benz планираше да произведува само е-автомобили од 2030 година.

Целта беше амбициозна: Mercedes-Benz планираше да произведува само е-автомобили од 2030 година, а веќе во следната година германскиот производител планираше да продаде ист број чисти е-автомобили и plug-in хибриди како оние возила со мотор со внатрешно согорување.

Но, Мерцедес е многу далеку од постигнување на таа цел. Стратегијата „Само електрични“ ја „погреба“ лично шефот на Мерцедес, Ола Калениус, веќе во февруари оваа година, а компанијата од Штутгарт го суспендираше воспоставувањето на нова платформа само за електрични возила.

„Во наредните години ќе ги има и двете: електрични автомобили и ултрамодерни електрифицирани модели со внатрешно согорување. И ако побарувачката е доволно висока, ќе биде длабоко во 2030-тите“, рече Келениус пред две недели на Генералното собрание на компанијата – и со тоа всушност уште еднаш јавно ја призна можеби најголемата погрешна пресметка во поновата историја на Мерцедес, пишува Дојче веле.

Имено, бројките на продадени електрични возила стагнираат. Уделот на целосно електричните автомобили во вкупниот број регистрирани нови возила во првиот квартал од годинава во Мерцедес изнесува околу десет проценти - исто како и лани. Со хибридите, е-автомобилите во Mercedes имаат удел од околу 10% во глобалниот биланс, што е многу далеку од прокламираната цел (50%) до 2025 година.

И ова има последици: компанијата го запре развојот на нова платформа за електрични возила. Во автомобилската индустрија, платформите се нешто како градежни комплети, врз кои се создаваат нови автомобили. Досега платформите за електрични возила и класичните модели со внатрешно согорување беа исти - без разлика дали беа бензински, дизел, електрични модели или хибриди, се работеше на иста подвижна лента, основната конструкција беше иста за сите модели , а во зависност од типот на возилото, во нив е вграден соодветен погон.

Платформата „MB.EA-Large“ требаше да го промени тоа: за прв пат требаше да овозможи дури и големи луксузни модели да се склопуваат од темел во верзија со е-мотор и тоа со зголемување на ефикасноста, на пример во доменот на подобра, посилна батерија. Тоа беше амбициозен проект, инвестиција во иднината на компанијата - но и скап проект. Премногу скап за сегашните податоци за (слабата) продажба на електрични модели.

За јавниот медиумски сервис SWR од Mercedes беше потврдено дека компанијата во секој случај сака да инвестира во е-мобилност во иднина. Во моментов, како што е официјално соопштено, под прашалник е само споменатата платформа, но не и е-автомобилите како такви. Mercedes, како што е потврдено, ќе продолжи со понатамошен развој на батерии, мотори или софтвер.

Mercedes всушност само го следи трендот во автомобилската индустрија. Дури и BMW, по сопствено признание, не се откажува од моторите со внатрешно согорување, слична е ситуацијата и со VW. И тоа и покрај фактот што бројките на Volkswagen (продадени возила) се значително подобри од оние на Mercedes. Дали е загрозен крајот на планираната зелена транзиција во секторот за е-мобилност?

Производителите на автомобили реагираат само на желби на клиентите, вели автомобилскиот експерт Фердинанд Дуденхофер во интервју за tagesschau.de. А клиентите во моментов се несигурни, и тоа многу - поради политичките дејствија, вели тој. „Има многу негативни пораки кои доаѓаат од политичкиот домен, поради овие пораки клиентите станаа повнимателни“, вели Дуденхофер.

Како пример, тој го наведува наглото суспендирање на субвенциите за е-автомобили од федералната влада непосредно пред Божиќ минатата година. Односно, медиумската помпа што уследи по најавата на шефицата на Европската комисија, Урсула фон дер Лајен, дека треба да се преиспита веќе донесената забрана за продажба на бензински и дизел мотори од 2035 година во Европската унија. Сето тоа негативно се одразува на продажбата на е-возила, додава германскиот експерт.

А дополнително, во автомобилската индустрија владее неизвесност поради заканувачкиот трговски конфликт со Кина. САД веќе воведоа казнени тарифи од 100% за е-возилата од Кина, поради можно нарушување на пазарната конкуренција. Во ЕУ има се погласни барања да се следи примерот на Американците. Експертите, од друга страна, предупредуваат на можноста за таканаречена „спирала на казнени тарифи“: доколку Кина воведе и специјални царини, тоа би можело да има значителни последици за германските производители на автомобили. Имено, Кина е можеби најважниот единствен пазар во моментов - особено во секторот за електромобилност.

притисни ентер