Живот

Домашниот миченик и го спасил животот

Спиела и во 4 часот наутро врз неа скокнал нејзиниот волчјак, кучето почнало да ‘ржи и лае, не била ни свесна дека најлошото допрва доаѓа

Пам Менсфилд во 2013 г. вдомила кученце од расата германски овчар, не била ни свесна што би можело да се случи неколку години подоцна.

Пем Менсфилд (74) денеска не би била жива ако не било нејзиното куче по име Џипси. Имено, оваа баба има дијабетес тип 1, поради што мора редовно да го контролира нивото на шеќер во крвта и да прима инсулин. Во спротивно, може да падне во дијабетична кома која може да биде фатална.

Сепак, Пем не размислувала за сето тоа кога во 2013 година зела кученце од расата германски овчар, не знаејќи дека кучето еден ден ќе ѝ го спаси животот.

- Спиев во креветот кога во четири часот наутро Џипси почна како луда да скока по мојот кревет. Таа лаеше и ‘ржеше, и ми ја влечеше ноќницата, ме лижеше по лицето и не се откажуваше. Се обидов да ја смирам и да заспијам, но таа не се откажа. Упорно ме туркаше и не ми даваше повторно да заспијам... Во еден момент само помислив: „Што по ѓаволите се случува?“. Кучето никогаш не се однесувало така и не се откажуваше додека не бев целосно будна - се присетила Пем.

Дури тогаш сфатила дека не се чувствува добро и веднаш го зела апаратот за мерење на нивото на шеќер. Ја фатила паника кога ги видела вредностите, бидејќи сфатила дека мора итно да земе инсулин. Ја делеле минути од состојбата на дијабетична кома и ако продолжела да спие, којзнае што ќе ѝ се случело.

- Тоа беше еден од полошите напади што сум ги имала. Немав никаква причина да се разбудам среде ноќ. Не бев ни свесна дека шеќерот ми паднал под границата. Не знам што се случи, но знам дека ако не ме разбудеше Џипси, ќе паднев во кома и ќе умрев – додала таа.

Откако си дошла на себе, Пам сакала да стане и да оди во тоалет, но кучето не дозволувало.

- Не ми дозволуваше да станам од креветот. Таа е исклучително заштитнички настроена кон мене, никогаш не сум имала куче како неа. Ја сакам, таа ми е како член од семејството – изјавила Пем со солзи во очите.

Дури и кога инсулинот се вратил во нормала, кучето не ја оставало ни за момент.

- Легна до мене во креветот, со часови не мрдаше. Кога станав, таа внимателно одеше зад мене како да се плашеше да не паднам. Таа е толку прониклива и грижлива, и се чини дека ме познава многу добро, додала Пем.

По неколку дена, таа му кажала сè на ветеринарот, кој ѝ објаснил дека кучето веројатно ги намирисало кетоните во нејзиниот здив додека спиела, супстанца која се создава кога телото не добива доволно гликоза.

-Џипси не беше дресирана за такви работи, реагираше инстинктивно во желбата да ме заштити и ми го спаси животот - заклучила Пем.

Инаку, Пем е вдовица која живее сама и благодарение на нејзиното куче може да ужива во играта со своите внуци, пишува Метро.

Дијабетичната кома е состојба опасна по живот која се јавува кај луѓе со дијабетес кои имаат сериозно нерегулирано ниво на шеќер во крвта. Имено, дијабетичната кома се заканува кога некој со дијабетес има прениско ниво на шеќер во крвта (хипогликемија) или превисоко ниво на шеќер (хипергликемија).

Симптомите се:

оневозможен говор

проблеми со видот

поспаност

слабост

главоболка

немир

паѓање во кома

Живот

Момче си го ризикува животот за да дојде до мистериозен објект од Google Earth (ВИДЕО)

Младиот истражувач Џош, активен на социјалните мрежи, ја користел апликацијата Google Earth додека го проучувал југозападниот британски брег кога наишол на „мистериозен објект“.

Морал да ја задоволи својата љубопитност, па си ги спакувал работите и тргнал на пат.

Огромниот „предмет“ што го забележал во осамениот залив - еден од многуте на брегот на Корнвол - бил заглавен покрај стрмна карпа. Младиот човек бил подготвен за секој предизвик, но и свесен за опасноста.

„Не можев да одолеам, морав сам да проверам. Но, не дозволувајте природната убавина да ве измами. Овој брег е смртоносен со преку 130 регистрирани бродоломи“, рече Џош.

Тој ја документирал својата авантура и покажал каде се спуштил за да му пријде на „мистериозниот објект“. Многу ризикуваше, но на крајот ја доби својата награда.

Кога доволно се приближил, сфатил дека гледа во дел од заглавен брод! Очигледно со години скапува на брегот, пренесува Daily Star.

Џош решил да ја истражи внатрешноста и не зажалил. Нашол неколку соби, многу 'рѓосани скали и предмети.

„Самото спуштање до потонатиот брод е приказна сама по себе. Опасни карпи, со бранови кои се удираат во основата. Имав неверојатна сцена пред мене“, изјави урбаниот истражувач.

Тој ги предупреди луѓето да бидат внимателни доколку одлучат да одат во такви авантури.

„Истражувањето на остатоците може да биде опасно. Овие области се нестабилни, со стрмни карпи и несигурна почва. Јас сум обучен професионалец и секогаш давам приоритет на безбедноста. Избегнувајте да влегувате во остатоците“, нагласи тој.

@joshtheintern Exploring a huge shipwreck I found on Google Earth! While scrolling through Google Earth, I stumbled across what looked like a massive shipwreck tucked away in a secluded cove along England's stunning coastline. Naturally, I couldn’t resist the urge to go check it out for myself! The hike to the wreck was breathtaking. The rugged coastal cliffs, with waves crashing below, created a dramatic and awe-inspiring backdrop for the journey. I also got very lucky with the weather which made the hike even better! Exploring shipwrecks can be dangerous. These areas are unstable, with sharp edges and deteriorating structures. I’m a trained professional, and my actions are not meant to be recreated. Always prioritize safety and avoid entering or climbing shipwrecks. #adventure #shipwreck #exploring #urbex #abandonedplaces ♬ Paris - 3Hzwave

Неговото видео стана вирално на TikTok, при што еден гледач сугерира дека Џош ги обиколил остатоците од германскиот товарен брод RMS Mulheim, кој се насукал на 22 март 2003 година.

Регион

Мицотакис се премисли: Не купуваме 12 француски воени авиони, ќе купиме американски Ф-35

Грција одлучи да не набавува дополнителни борбени авиони Dassault Rafale за нејзините воздухопловни сили (HAF), туку да остане со бројот од 24 од овие авиони, што, според владата во Атина е доволно, откри грчкиот премиер Киријакос Мицотакис.

Мицотакис навести дека дополнителна причина за таа одлука може да лежи во фактот што Атина ќе се одлучи за дополнителни 20 авиони Lockheed Martin F-35 Lightning II, покрај 20-те авиони најавени во јули 2024 година, како дел од договорот вреден 3,5 милијарди долари.

Ваквиот развој на настаните ја изненади стручната јавност, имајќи предвид дека во мај беше објавено дека Грција може, покрај постоечките 24 Rafale F3R, да нарача уште 10 до 12 понови модели од типот F4.

На флотата од 18 Rafale EG со едно седиште и шест Rafale DG со две седишта, во суштина требаше да се додаде уште една ескадрила на француски борбени авиони за да се одржи нивото на сила додека постариот F-4 Phantom II, Mirage 2000-5 Mk.2 и некои од постојните F-16, според списанието The Aviationist.

Овие планови беа мотивирани и од можната продажба на постари авиони Мираж на индиските воздухопловни сили, кои исто така размислуваа за набавка на ист тип на авиони од Катар.

Целата програма, судејќи според зборовите на Мицотакис, е откажана. Премиерот на Грција даде интервју за Defence Review за време на посетата на воздухопловната база Танагра во близина на Атина, каде што се сместени сите грчки Рафали во рамките на 114-то борбено крило.

Мицотакис рече дека во моментов нема намера да се активира договорната клаузула со Франција за купување на уште шест авиони Рафал.

„Имаме 24 и веруваме дека тие се апсолутно доволни, во комбинација со одлуката што ја донесовме да набавиме 20 авиони Ф-35 во првата фаза“, рече грчкиот премиер, кој и самиот беше член на ХАФ пред 30 години. „Ф-35 се авиони кои работат многу добро и соработуваат со Ф-16“, заклучи тој.

Атина се согласи во јули 2024 година да купи најмалку 20 авиони Ф-35, во вредност од 3,5 милијарди долари, со опција за уште 20, со што вкупната флота ќе достигне 40 авиони, а испораката треба да започне до 2028 година. Ова ја прави Грција 19-та земја во светот да се приклучи на програмата Ф-35 и 12-та европска нација што ќе го користи овој авион. Спомнувањето на „првата фаза“ имплицира идни планови за дополнителни 20 авиони, за да стигнат до флота од 40 американски авиони F-35.

Забава

Дилета Леота го засени ждребањето на ФИФА во Мајами (ВИДЕО)

Во Мајами се одржува ждрепката за Светското клупско првенство 2025 година, а главна ѕвезда на вечерта е познатата спортска новинарка Дилета Леота.

Имено, таа е една од водителите на церемонијата, односно водителката, а кога влезе, сите присутни останаа без зборови, а сите погледи беа вперени во Дилета.

На свеченоста се присутни и фудбалските легенди како Алесандро Дел Пјеро и Роналдо Луис Назарио де Лима, а секако таму е и претседателот на ФАФА Џани Инфантино.

На Светското клупско првенство ќе учествуваат 32 најдобри селекции во светот, а ќе се одржи во летото 2025 година.

притисни ентер