Галант: Хамас го прекрши договорот за враќање на уште 15 жени и 2 деца

Израелскиот министер за одбрана Јоав Галант го обвинува Хамас за прекршување на договорот за примирје со Израел, рече тој на денешната прес-конференција.

„Хамас експлицитно го прекрши договорот што го постигнавме со САД, Египет и Катар“, рече Галант.

Примирјето меѓу Израел и Хамас пропадна откако Хамас вети дека ќе ги врати преостанатите 15 жени и две деца, но не го исполни, рече Галант.

Галант се осврна и на тврдењето на Хамас во средата дека две мали деца - 4-годишниот Ариел и 10-месечниот Кфир Бибас - биле убиени во израелски воздушен напад, наведувајќи дека претходно биле фотографирани живи, објави Си-Ен-Ен.

„Хамас вети дека ќе донесе жени и деца; останаа 17. Ни требаат сите 17, две деца од семејството Бибас и 15 жени“, рече Галант.

„Ова е нивна обврска бидејќи се договоривме“, рече тој.

Си-Ен-Ен претходно објави дека преговорите меѓу Израел и Хамас пропаднале, откако Израел продолжил да инсистира на ослободување на група жени, а Хамас одбил, според извор запознаен со разговорите. Како што преговорите застанаа во ќорсокак околу жените, Хамас се заложи за почеток на преговори за ослободување на мажите - веројатно за различен сет на услови, според изворот. Израел ја отфрли таа идеја, инсистирајќи дека е императив прво да бидат ослободени сите жени.

Израелските и американските власти веруваат дека Хамас продолжува да држи како заложници голем број жени на возраст од приближно 20 до 30 години - многу од нив киднапирани од музичкиот фестивал Нова - претходно објави CNN.

Хамас инсистираше на тоа дека некои од преостанатите жени што ги држеле како заложници се сметаат за дел од израелските одбранбени сили, што Израел го негира.

Министерот за одбрана додаде дека операциите на израелските одбранбени сили во Газа ќе продолжат.

„Градот Газа е повеќе од половина од моќта на Хамас“, рече Галант. Имаме уште работа таму. Ќе продолжиме да дејствуваме насекаде околу Појасот Газа“.

На прашањето дали израелското бомбардирање на Газа може да влијае на преостанатите заложници, Галант изрази дека „агресивната акција“ преземена од ИДФ е неопходна.

„Ние земаме сѐ во предвид“, рече тој.

Манчестер јунајтед загуби од Фулам и ја прекина серијата од пет победи

 Манчестер јунајтед попладнево загуби на домашен терен од Фулам со 2:1 во натпреварот од 26. коло на англискиот фудбалски шампионат. 

„Црвените ѓаволи“ ја прекинаа серијата од пет победи во низа во сите натпреварувања.

Првиот гол го постигна дефанзивецот на гостите Калвин Баси во 65. минута. На минута пред крајот на основните 90, Хари Мегваер го израмни резултатот. Алекс Ивоби им донесе победа на лондонскиот тим во седмата минута од судиското надополнување.

Манчестер јунајтед се наоѓа на 6. позиција во Премиер лигата со 44 бодови. Фулам има 32 бода и се наоѓа на 12. место.

На другите досега завршени натпревари од ова коло:

Астон вила – Нотингем Форест 4:2

Брајтон – Евертон 1:1

Кристал Палас – Барнли 3:0. /МИА

Телото на Навални вратено на неговата мајка

Телото на рускиот опозиционер Алексеј Навални и е вратено на неговата мајка, соопшти неговата портпаролка Кира Јармуш на социјалната мрежа Икс.

Погребот се уште се чека. Не знаеме дали властите ќе се мешаат да се спроведе како што сака семејството и како што заслужува Алексеј. Ќе ве известиме штом има новости“, соопшти Јармуш. Најпознатиот политички противник на Владимир Путин ненадејно почина во затвор пред една недела, а неговата мајка со денови бараше властите да и го предадат телото.

Бербок ја посети Украина Одеса на годишнината од војната

Германската министерка за надворешни работи Аналена Бербок отпатува во јужниот украински пристанишен град Одеса, на денот кога руската инвазија врз Украина влегува во третата година.

Германската министерка пристигна во градот придружувана од нејзиниот украински колега Дмитро Кулеба во посета која првично беше чувана во тајност од безбедносни причини.

Ова е шесто патување на Бербок во Украина од почетокот на руската инвазија на 24 февруари 2022 година.

Двајцата министри присуствуваа на состаноците на Генералното собрание на ОН и Советот за безбедност на ОН во петокот во Њујорк по повод одбележувањето на втората годишнина од почетокот на војната. Двајцата дипломати пристигнаа заедно во Берлин утрово со авион на германската влада. Оттаму, Бербок и Кулеба полетаа за Молдавија од каде отпатуваа по копно до Одеса, јави ДПА. /МИА

притисни ентер