Хамилтон најави продолжување на соработката со Мерцедес

Седумкратниот светски првак во Формула 1, Луис Хамилтон, чиј договор со Мерцедес истекува на крајот на сезоната, најави дека ќе ја обнови соработката со германскиот тим, отфрлувајќи ги со тоа гласините дека е во преговори со Ферари.

„Мојот тим води разговори со Тото (Волф, шефот на Мерцедес) … речиси сме при крај да имаме подготвен договор. Ова е прв пат да не преговарам самиот, имам прекрасен тим зад себе“, рече Хамилтон пред претстојната трка за Големата награда на Монако.

Неговиот одговор доаѓа откако британските медиуми изминатите денови пишуваа дека се водат преговори меѓу 38-годишниот возач и италијанскиот тим Ферари, кој, наводно, бил подготвен да му понуди на Британецот договор вреден околу 48 милиони евра.

„Не сме испратиле понуда до Хамилтон. Воопшто не сме воделе разговори на таа тема“, демантираше и директорот на Ферари, Фредерик Васер, додавајќи дека секоја екипа би го посакала Хамилтон во своите редови.

Првата светска титула Хамилтон ја освои со Мекларен во 2008 година, по што од 2014 до 2020 година уште шест пати стана светски првак со германскиот Формула 1 тим Мерцедес. /МИА

Костов: Немаше никакво вознемирување од моја страна врз раководството

Со демант на информацијата дека ги вознемирувал директорката и вработените во гимназијата „Јосип Броз Тито“, попладнево се огласи Мартин Костов..

Почнувајќи од денот на инцидентот, 09.02.2024, па се до денес се пласираат лажни вести. Вќера го нарачав билбордот „ПРАВДА“, барајќи правда за мојата ќерка во училиштето. Лага е дека ќерката е префрлена во друг клас. Иако инцидентот се случил надвор од училиштето, ми вршеа притисок сам да ја отпишам бидејќи во спротивно тие ќе ја отстранат, за на крај да и изречат мерка укор пред исклучување и непримерно поведение, од каде што произлезе нашето незадоволство и идејата за билбордот „ПРАВДА“. Најодговорно изјавувам дека немаше никакво везнемирување од моја страна!, се вели во демантот на Костов.

Претходно се појави информација дека директорката, педагогот и вработени во скопската гимназија „Јосип Броз Тито“ пријавиле вознемирување од родител на ученичка во нивното училиште. Пријавата ја потврдија и од полицијата, од МВР велат се преземаат мерки за расчистување на случајот.

Кржаловски: На избирачкото ливче очекувам да се најдат 6-7 кандидати

Барањето на ДУИ за избор на претседател во Собранието, а не преку непосредни избори за дел од аналитичарите е само предизборно ветување.

Ивана Стојановска разговараше со Александар Кржаловски за очекувањата од изборниот процес..

Хрватски антикорупционери ќе контролираат средствата кои доаѓаат од или минуваат низ Албанија

Хрватски антикорупционери ќе ги контролираат средствата кои доаѓаат од или минуваат низ Албанија.

Високи хрватски функционери од секторите против корупцијата и организираниот криминал допатуваа во Тирана, каде во Специјалното обвинителство против организиран криминал и корупција, СПАК разговарале за следење, истрага и изведување пред лицето на правдата на лицата кои перат пари, вршат трансакции и пронаоѓаат компании да го реализираат тоа.

-На средбата со првиот човек на СПАК, Алтин Думани и обвинители на ова обвинителство, главниот фокус беше ставен на размената на информации, особено во справувањето со случаите на перење пари во Хрватска, особено со трансакции со недвижности, во кои се вклучени компании и средства кои доаѓаат од или минуваат низ Албанија, како и дискусии поврзани со актуелни прашања за кои СПАК и УСКОК ќе соработуваат и во иднина, стои во соопштението на СПАК.

Се оценува дека важноста на оваа посета била во дискусиите за зајакнување на соработката и олеснување на размената на најдобрите искуства, успеси и предизвици со кои се соочуваат двете институции во напорите за борба против корупцијата и меѓународниот организиран криминал.

На средбата бил анализиран Меморандумот за разбирање помеѓу СПАК-УСКОК, потпишан на 27 ноември 2020 година и постигната согласност за воспоставување одредени контакт точки.

-Исто така, на средбата со беше ставен акцент на зголемување на прекуграничната соработка во борбата против корупцијата и организираниот криминал, чија цел беше да се идентификуваат акциските чекори за посилна билатерална соработка, црпејќи знаења од споделени искуства, се нагласува во соопштението.

Исто така, претставници на Канцеларијата за борба против корупцијата и организираниот криминал на Република Хрватска (УСКОК), го споделиле своето знаење за „главните политички иницијативи и законодавни реформи преземени како дел од процесот на пристапување на Хрватска во Европската Унија“. /МИА

притисни ентер