Други спортови

Игор Стефановски – Иџе победи во својата група на Европскиот шампионат во ридски патеки

Најдобриот македонски автомобилист и трикратен европски првак Игор Стефановски – Иџе заврши третопласиран на последната трка во рамки на Европското шампионат на ридски патеки која изминатиот викенд се одржа во хрватскиот град Бузет.

Најдобриот македонски автомобилист и трикратен европски првак Игор Стефановски – Иџе заврши третопласиран на последната трка во рамки на Европското шампионат на ридски патеки која изминатиот викенд се одржа во хрватскиот град Бузет, што му беше доволно да го потврди првото место во групата 1 во ова европско натпреварување.

Стефановски во објава на социјалните мрежи истакна дека овој голем успех не е само негов личен, туку и на целата држава.

„Овој успех не е само мој, туку на цела Македонија. Благодарност до сите кои беа со мене низ овој пат, до мојот неверојатен тим,тимот на Ферари, до моите спонзори и до сите вас кои ни давате безрезервна поддршка во сето ова“, напиша Стефановски на својот Фејсбук профил.

Стефановски, кој сезонава настапуваше со Ферари 488 Челинџ Ево, го освои првото место во групата пред Чехот Рони Братшчи и Хрватот Домагој Перековиќ.

Македонија

Без вода дел од Чаир

Поради дефект на водоводната мрежа, без вода од 10:30 часот се корисниците на улиците „Петре Георгиев“ и „Чаирска“.

ЈП Водовод и канализација - Скопје соопшти дека водоснабдувањето ќе биде прекинато до санирање на дефектот.

Фудбал

Бонучи: Гвардиола сакаше да ме донесе во Манчестер сити

Поранешниот дефанзивец на италијанската фудбалска репрезентација Леонардо Бонучи зборуваше за тоа како можеше да заигра во Премиер лигата во 2016 година.

- Кога решив да го напуштам Јувентус во 2017 година, Манчестер сити и ПСЖ ме бараа. Тие ги испратија своите финансиски понуди, но јас сакав да останам во Италија и решив да се приклучам на Милан. Гвардиола веќе сакаше да ме види во Манчестер сити во летото 2016 година, изјави Бонучи за „Sky Sports“.

Бонучи го напушти Јувентус во 2017 година и се пресели во Милан. Една година подоцна, дефанзивецот се врати во клубот од Торино.

Последни два клуба пред да ја заврши кариерата во мај годинава, на Бонучи беа Унион Берлин и Фенербахче.

Живот

Модни трендови: „Рециклирање“ облека и модни додатоци

Светски актуелната тема што ги диктира модните трендови оваа година е зачувување на природата. Веќе не е доволно, се вели, да се рециклира ѓубрето и да се користат хартиени чаши наместо пластични.

За да се биде дел и од големата мода, треба да се потпрете на одржливи, еколошки практики. Затоа денес и дизајнерите рециклираат.

За сезоната есен/зима 2024 година, овие трендови вклучуваат создавање гардероба со користење стари материјали на нов начин и додатоци направени од неочекувани предмети...

Сѐ тоа беше претставено на еден од најголемите модни настани, насловен „Кој е следен“ (Who's Next), којшто слави 30-годишнина во Париз. Имено, „Порта де Версај“ двапати секоја година во француската престолнина пречекува дизајнери, уметници, стилисти и модни иноватори во оваа индустрија. Целта е разменување идеи и дефинирање на трендовите за следната сезона, во смисла - новитети, аксесоари, чевли, чанти, накит, кожни производи.

Многу од дизајнерите црпат инспирација од сопственото културно наследство - историја, традиции, митологија, урбани легенди, филмови, книги...

За сметка на „брзата мода“, каде што трендовите брзо се менуваат и покрај последиците за околината, сега има раст на „бавната мода“ - назад кон мајсторството и индивидуалноста на дизајнерот во однос на оригиналниот производ, објави порталот „24 часа“.

Но, и додатоците се еколошки. Дизајнерите ги покажаа своите дела направени од природни или рециклирани материјали. Во оваа категорија, и бугарскиот бренд за кожни производи „Мија“, на пр. остава свој белег и печат, претставувајќи индивидуален стил инспириран од минимализмот, архитектурата и геометријата. Кожните чанти можат да одат со облека од секоја сезона.