Истражување: Србите имаат 50 отсто словенско потекло

Остатокот е на генетиката на старобалканско население.

Денешните Срби имаат околу 50-60 отсто словенско потекло, а останатото е генетиката на старобалканското население измешано со доселеници од Анадолија, од урбаните центри како Константинопол и Ефес, покажале резултатите од истражувањата за потеклото на Србите и другите балкански народи, јави дописникот на МИА од Белград.

Тие резултати под наслов „Геномската историја на Балканот од римската граница до словенските миграции“ беа објавени во угледниот светски магазин „Cell“.

Користејќи ги најновите геномски технологии и истражувајќи ја античката ДНК на Балканот, тим на истражувачи од Србија, Шпанија и САД го покажаа континуитетот на гените на денешното српско и старобалканското население уште од бронзеното доба.

Истражувањето го иницираа истражувачите од Биолошкиот факултет во Белград, професорите Миодраг Грбиќ, Жељко Томановиќ, дописен член на САНУ и професор Душан Кецкаревиќ, како и истражувачите од Археолошкиот институт Илија Микиќ, Миомир Корач и Снежана Голубовиќ, во соработка со Универзитетот во Барселона и Харвард.

Со анализа на древната ДНК на повеќе од 30 локалитети, истражувањето покажува пресек на генетски промени и миграции на населението на Балканот, низ повеќе од два милениуми.

Утврдена е ДНК секвенцата на повеќе од 140 скелети од периодот од 1 до 10 век од Србија, Македонија, Бугарија, Романија, Албанија и Грција.

По првпат беа секвенционирани и геномите на модерната популација.

Според професорот Миодраг Грбиќ, потврдено е дека во VI и VII век имало масовни словенски преселби кои оставиле длабока генетска трага кај сите народи на Балканот.

И Хрватите, Романците и Бугарите имаат околу 50-60 отсто од словенската генетика. Одејќи кон Грција, тој процент паѓа на само четири до 20 проценти на грчките острови.

-Различните јазици, религијата и култура укажуваат на демографски и културни процеси во текот на милениумите на историјата, иако тие се генетски многу блиски, изјави професорот Душан Кецкаревиќ

Тој додава дека анализата на денешниот геном покажува најголема генетска блискост на Србите, Хрватите и Романците. /МИА

Во куќа во Англија се најдени тела на три деца- биле убиени со нож, покажа обдукцијата

Во неделата три мали деца се пронајдени мртви во куќа во Бристол. Обдукцијата покажала дека децата починале од повреди со нож.

Полицијата на местото на настанот пристигнала во 00:40 часот по локално време, по добиена пријава за можен инцидент. Полицајците ги пронашле телата на деветмесечниот Мохамед Баш, тригодишниот Жури Баш и седумгодишниот Фарес Баш.

42-годишната жена е уапсена под сомнение за убиство. Не е соопштено дали таа е во крвно сродство со жртвите. Таа се уште е во болница, каде што се лекува од повреди кои не се опасни по живот, пишува Би-Би-Си.

„Истрагата од страна на Единицата за истраги за големи злосторства е во тек. Се спроведува сеопфатна истрага за да се утврди што доведе до загуба на животи“, рече главниот инспектор Викс Хејворд-Мелен.

„Загубата на толку мали деца, кои имаа цел живот пред себе, е навистина потресна. Специјалните офицери за врска продолжуваат да му даваат поддршка на семејството“, додаде таа.

Американската војска следи сомнителен балон над западниот дел на САД

САД следат балон на голема височина што лета над западните делови на земјата, изјавија официјални лица за CBS news.

Воен авион го забележал балонот и „пресудил“ дека не е закана, но не се знае неговото потекло и намена.

Претходно денеска извор изјави дека балонот летал над Колорадо. Неговото присуство ги загрижило официјалните лица, па војската испратила авион за истрага, објави CBS news.

Франција протера радикален имам веднаш по пристигнувањето во земјата

Француските власти вчера протераа туниски имам обвинет за проповедање омраза кон жените и Евреите, објави министерот за внатрешни работи Жералд Дарманин.

Махџуб Махџуби, имам во малиот град Бањолс-сур-Сезе на југот на Франција, бил вратен во Тунис за „помалку од 12 часа по неговото апсење“, порача Дарманин во објава на X, порано Твитер, пренесе Би-Би-Си.

Тој додаде дека овој пример докажува како неодамна донесениот закон за имиграција „ја прави Франција посилна“. Законот, кој ги заострува условите за миграција, се смета за дел од одговорот на владата на подемот на екстремната десница во француските анкети. На ова остро се спротивставија партиите на левицата.

„Цврстината сега е правило“, рече Дарманин, кој остро го критикуваше, како што рече, „радикалниот имам кој даваше неприфатливи коментари“.

Во официјалната одлука за протерување, се наведува дека во своите проповеди во февруари тој дал „ретроградна, нетолерантна и насилна“ слика за исламот што поттикнува однесување против француските вредности, дискриминација на жените, „тензии со еврејската заедница“ и „џихадистичка радикализација“.

Имамот, исто така, „го нарече еврејскиот народ непријател“, се вели во пресудата, исто како што Маџуби повика на „уништување на западното општество“. Адвокатот на имамот, Самир Хамрун, рече дека ќе поднесе жалба на протерувањето. Минатата година, Франција протера еден марокански имам и еден Алжирец, кои беа службеници во џамијата, која што била затворена во 2018 година.

притисни ентер