Рецепти

Кифлички

Сите мислат дека кифличката е неозбилна. Некој тврдат дека е и непотребна. Ние веруваме дека е ненадминлива.

Обиди се само да замислиш дали постои нешто што толку совршено лежи во рака, како кифличка? Со другата рака можеш да држиш и шоља кафе, чашка јогурт, џојстик или книга. Со кифличка можеш да правиш што и да посакаш, она ти е идеален сопатник, неа можеш лесно и да ја споделиш.

Кифличките имаат и своја езотерична страна.

Доказ за тоа се оние кои добро ги прават. Тоа се алхемичарки и магионичари. Тета-Марикините или Баба-Десините кифлички се езотерични тајни, чии рецепти во рацете на непросветлените се претвораат во добри, но не и баш толку добри кифлички.

Како во тие рецепти да постои некоја тајна состојка која не се запишува.

Обрати внимание кога ќе ги пофалиш нивните кифлички. Тие никојпат не кажуваат дека знаат да ги подготвуваат, туку скромно ќе го пофалат својот шпорет или брашно – “Ви благодарам, но тоа не е до мене, туку добро ми беше брашното…”

Сега и тебе те воведуваме во тајната.

Состојки:

  • Брашно 1кг
  • Млеко 1л.
  • Квасец 40гр свеж + 1 сув
  • Зејтин 150мл
  • Сол 1 лажица
  • Шеќер 2 лажици
  • Јајца 2
  • Семки од сончоглед
  • Сусам
  • Семки од тиква
  • Моцарела
  • Тиквички
  • Чадена сланина
  • Путер
  • Љубов

Подготовка:

1. Го замесуваш тестото и го делиш на 6 или 8 топчиња. Топчињата се покриваат со кеса да стасаат. Додека тие земаат душа, се прашуваш дали да исецкаш материјал за руска салата сега, или да чекаш до нова година.

2. Со сукало го растегннуваш секое топче во круг и делиш на 6 или 8 дела.

3. Полниш по желба со сланина, тиквички, песто и моцарела, завиткуваш и редиш во тепсија обложена со хартија за печење. Така наредени, ги оставаш да стасаат околу 45 минути.

4. Потоа ги мачкаш со жолчка од јајце, малку зејтин и наросуваш по желба со семки.

5. Печеш 18-20 минути на 180 степени, откако претходно рерната е загреана на 200 степени.

6. Правиш список за руска салата.

Македонија

Гласаат членовите на ИО кои заминуваат во странство за претседателските избори во дијаспората

Гласањето за претседателските избори почнува со членовите на 31 избирачки одбор кои треба да го спроведат гласањето во странство.

Тие денеска пред заминување во странство гласаат во просториите на државната изборна комисија станува збор за 191 лице.

Во дипломатските претставништва и конзуларни канцеларии во вторник, на 23 април, на ден пред седмите претседателски избори во земјата, од 7 до 19 часот по локално време, врз основа на прифатените 2.571 пријави на наши државјани, гласање треба да се спроведе во триесеттина градови во странство.

Гласање за парламентарните избори на 8 мај нема да се спроведе бидејќи немаше доволен број пријавени наши државјани.

ДИК продолжува со организацијата на двојните избори. Се дистрибуира недоверливиот материјал, додека утре ќе започне дистрибуцијата на доверливиот материјал

Инаку, вкупно 942 набљудувачи, странски новинари и преведувачи се акредитирани за следење на претседателските избори на 24 април.

Култура

Проекција на „Големата вода и „Црвените булки над ѕидовите“ во Кинотека

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Во рамки на концептот на Кинотеката насловен „Разлики кои не обединуваат“, на 25 април ќе биде прикажан долгометражниот игран филм на Иво Трајков „Големата вода“ снимен во 2004 година, а следниот ден, 26 април, „Црвените булки над ѕидовите“ од 1976 година во режија на Димитер Анагности.

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Како што соопштија од Кинотеката, овие филмови се, пред сè, избрани поради своите „сличности и паралели“ во тематиките, како и во нивната филмска обработка и пристап.

-Но, исто така, битно е да се истакне и дека „Црвените булки на ѕидовите“ неодамна е дигитализиран во 4К резолуција, а „Големата вода“ оваа година го прославува дваесетгодишниот јубилеј од својата премиера. И, се разбира, дека филмот „400 удари“ на Трифо, според францускиот филмски магазин „Cahiers du cinema“ (Каје де Синема) е повеќе од ремек-дело и станува збор за еден од најaмблематичните филмови во поствоениот период на француската филмска продукција, потенцираат од Кинотека. /МИА

Формула

Верстапен ја освои пол-позицијата за ГН на Кина

Возачот на Ред Бул, Макс Верстапен, ја освои пол-позицијата во квалификациите за Големата награда на Кина.

Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.

Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.

На спринтот победи Верстапен.

Големата награда на Кина од Формула 1 шампионатот ќе почне утре од 9 часот по македонско време. /МИА

притисни ентер