Мецола: Евроизборите покажаа дека проевропските сили може да продолжат да соработуваат

Изборите за европскиот парламент покажаа дека демократијата е жива и дека проевропските сили може да продолжат да соработуваат.

Изборите за европскиот парламент покажаа дека демократијата е жива и дека проевропските сили може да продолжат да соработуваат, изјави вечерва претседателката на претходниот состав на Европарламентот, Роберта Мецола пред почетокот на неформалната средба на шефовите на држави или влади на земјите членки на која ќе се разговара околу изборот на највисоките функционери во Унијата.

- Резултатите од евроизборите мора да бидат земени предвид при изборот на претседателот на Европската комисија и можам да потврдам дека мнозинството од политичките групи во Европскиот парламент го поддржуваат процесот за избор на водечките кандидати, изјави Мецола.

Таа додаде дека ЕП е подготвен на соработка Советот на ЕУ во спроведување на постапката за избор на претседателот на Европската комисија, согласно Договорот на Европската Унија и утврдените процедури.

- Очекува добар напредок вечерва, за да можеме да почнеме да работиме, додаде Мецола, воедно потврдувајќи дека ја поднела својата кандидатура за претседател на Европскиот парламент и во новиот мандат.

Холандскиот премиер во заминување Марк Руте при пристигнувањето на средбата изјави дека кога ќе го погледне целиот пакет на имиња на кандидати за носителите на водечките функции во ЕУ мисли дека е можно брзо да се постигне консензус. Руте нагласи дека Урсула фон дер Лајен е одличен кандидат за претседател на Европската комисија, но дека за сите функции ќе се решава во пакет, додавајќи дека вечерва сепак нема да биде донесена никаква одлука.

- Очекувам дека на овој неформален состанок ќе постигнеме консензус, а формалната одлука ќе биде донесена следната недела, истакна Руте.

Ирскиот премиер Сајмон Харис, исто така, истакна дека вечерва нема да бидат донесени никакви одлуки, туку само ќе започнат дискусиите за избор на носителите на водечките функции во ЕУ.

- Тие одлуки се надевам ќе бидат донесени до крајот на овој месец. Мислам дека е важно брзо да ги разјасниме овие работи. Треба да го направиме тоа како што треба, но исто така треба да го направиме со одреден степен на ефикасност, додаде Харис.

Данската премиерка Мете Фредериксен изјави дека се уште е рано да се говори за конкретни имиња, при тоа нагласувајќи дека таа не е во игра за ниту една функција, иако се споменуваше како кандидатка за претседателка на Советот на ЕУ.

- Важно е донесеме брза одлука. Сосема сум сигурна дека ќе најдеме добри решенија, изјави Фредериксен, додавајќи дека од нејзина и од данска перспектива, Фон дер Лајен во досегашното раководење со Европската комисија „направила добра и одлична работа“.

Словачкиот претседател Петер Пелегрини при пристигнувањето на средбата изјави дека Словачка ќе биде конструктивна при изборот на водечките кандидати.

- Бараме единство. Треба да бидеме многу внимателни кој ќе ги претставува Европската Унија и Комисијата на меѓународно ниво. И за тоа треба да разговараме, да не правиме уште поголема тензија отколку што е во реалноста, треба да имаме човек кој ќе може да ја смири ситуацијата, која сега е крајно под огромна тензија, рече Пелегрини.

Фон Дер Лајен реизбрана за претседателка на Европската комисија

Урсула фон дер Лајен останува на чело на Европската комисија, со 401 глас од европратениците ја доби подршката да ја води Комисијата и во наредните пет години. 

Во свето речиси едно часовно обраќање во кое ги претстави нејзниот план и визија за вториот мандат порача дека проширувањето на Унијата ќе биде меѓу клучните приоритети и дека приемот на нови земји претставува морална, историска, политичка и геостратешка одговорност на Европа. Осврнувајќи се на земјите од регионот, но и на Украина, Грузија и Молдавија, Фон фер Лајен потенцираше дека зачленувањето се темели на заслуги, но посочи дека ќе ги поддржат кандидатските земји со инвестиции во текот на спорведувањето на реформите.

“Пристапувањето секогаш ќе биде процес базиран на заслуги и ќе обезбедиме сите земји да бидат подготвени за членство. Западниот Балкан, Украина, Молдавија и Грузија го направија нивниот слободен избор. Тие избраа слобода наместо угнетување, тие избраа демократија наместо зависност и некои од нив платија многу висока цена за овој избор. Затоа ние мора да го направиме нашиот избор и да искажеме посветеност дека нивната иднина ќе биде слободна и просперитетна во нашата Европска унија“, рече Фон дер Лајен во обраќањето.

Инаку во Фон Дер Лајен во обраќањето ја акцентираше и безбедноста на континентот повикувајќи на формирање на европска одбранбена унија и јасно стави до знање дека Европа и понатаму ќе стои рамо до рамо со Украина. Фон дер Лајен повика и на запирање на крвопролевањето во Газа, а во нејзиниот говор не изостана ниту осуда за неодманешната посета на Орбан во Москва. Реизборот на Фон дер Лајен за претседателка на ЕК, сепак не течеше мазно и беше одбележан со краток инцидент во кој романската европратеничка Дијана Шошоака со довикуавње од место ја прекина дебатата, проади што беше остранета од паралменатранта сала во Стразбур.

На изборот на Фондер Лајен преходеше и реизборот на Роберта Мецола, која во вторникот ја доби подршката од европратениците да престедава со Европскиот парламент и во наредните две ипол години. Претходно за нов претседател на Европскиот совет беше избран и поранешниот португалски премиер Антонио Кошта.

Средба на министерката Јаневска со турскиот амбасадор Улусој

Со потпишувањето на протокол за соработка во областа на науката, технологијата и иновациите, што треба да се случи до крајот на календарската година, Македонија и Турција уште повеќе ќе ги зацврстат добрите билатерални односи.

Со потпишувањето на протокол за соработка во областа на науката, технологијата и иновациите, што треба да се случи до крајот на календарската година, Македонија и Турција уште повеќе ќе ги зацврстат добрите билатерални односи, обезбедувајќи нови можности академскиот кадар и наставно – научната фела во двете земји.

Оваа тема беше во фокусот на денешната средба помеѓу министерката за образование и наука Весна Јаневска и турскиот амбасадор Фатих Улусој, на која двете страни изразија задоволство од добрите досегашни односи меѓу државите и очекувања за взаемно делување и во иднина.

Министерката Јаневска на состанокот информираше за тековните активности на министерството во насока на обезбедување поквалитетен образовен систем. Сподели и дека над 8000 ученици следат настава на турски наставен јазик во македонските училишта и дека грижата за квалитетно образование на турската заедница, како и за сите останати во државата, ќе продолжи да биде интензивна и подеднаква во иднина. Информираше и за активностите кои се веќе започнати во министерството, а се дел од новата програма за работа на институцијата.

Честитајќи и на министерката за именувањето на позицијата, амбасадорот Улусој изрази подготвеност за соработка и нови иницијативи во сите образовни сегменти.

Министерство за образование и наука

Какви ефекти ќе донесе буџетската дупка и јавниот долг од 68% од БДП?

Зголемувањето на дефицитот на 720 милиони евра е загрижувачка вест, стигнаа првите оценки од економските експерти по вчерашното презентирање на ребалансот на буџетот.

Со прекројувањето на државната каса се обезбедија повеќе пари за плати, околу 66 милиони и за пензии 80 милиони евра. Домашните експерти сугерираат дека со ова може да се доведе во ризик развојната компонента на буџетот.

-Понатамошното преземање на двете обврски и на двете категории, плати и пензии, дополнително ја става во ризик развојната компонента на буџетот и доколку не се преземат ригорозни чекори во следниот процес на планирање на буџетот, ние имаме сериозни притисоци по основ на развојната компонента,- Благица Петрески – „Фајнанс тинк“ .

Петрески има забелешки и за проекциите на капиталните инвестиции. Очекува за следното планирање на годишниот буџет да да има посериозен план и да се води сметка за намалување на задолжувањата, за кои вели дека сега се неопходни за бизнисот и отплата на старите долгови.

-Ние и од претходната анализа на 8 годишен тренд на буџетот, забележавме сериозни слабости во процесот на планирање, особено во капиталните расходи кадешто имаме хронична подреализација што упатува на потенцијална можност на нереално надувување на капиталните расходи во процесот на планирање и нивно понатамошно кратење со ребаланс.

Клучните препораки за следниот период е да имаме посериозно планирање во делот на буџетот, но и да се преземат поригорозни чекори во делот на фискалната консолидација,- Благица Петрески – „Фајнанс тинк“ .

Денеска на домашниот пазар пак имаме ново задолжување со државни обврзници од речиси 48 милиони евра за тековните реализации на буџетот, прво по формирање на новата влада. Според информациите од берзата, овие хартии од вредност се без девизна клаузула, со единечна номинална вредност од 10 илјади денари и каматна стапка од 5,6 отсто.

Инаку освен договорениот заем од Унгарија од пола милијарда, Владата најави дека на почеток на следната година ќе бара нов заем оттаму за да отплати еврообврзница од претходната власт, а министерката Димитриеска Кочоска рече дека во спротивно ќе треба да се земе нова еврообврзница која би била со повисоки камати.

Со ребалансот јавниот долг ќе достигне 68 посто од БДП. Корекции има и кај растот - од првично проектираните 3,4 отсто на 2,1 отсто.

притисни ентер