Македонија

Мицкоски: Државата е уморна од билатерални пречки на патот кон ЕУ

Премиерот Христијан Мицкоски на денешните средби со челниците на ЕУ во Брисел, кажал дека државата направи премногу отстапки и реформи на европскиот пат и дека Македонија е уморна од билатерални пречки.

Македонија е жртва на билатерални проблеми и не може повеќе да прифаќа ултиматуми околу евроинтегративниот процес. Ова е пораката на премиерот Христијан Мицкоски од средбата со претседателот на Советот на ЕУ Шарл Мишел и работниот ручек со претседателката на ЕК Урсула фон дер Лајен за планот за раст на Западен Балкан денеска во Брисел. Мицкоски е дециден дека процесот на интеграција во Унијата мора да се темели на оценка за постигнувањата а не на билатерални прашања кои како што вели, ќе бидат одлучувачки фактор.

„Речиси две и пол децении откако го почнавме овој евроинтеграционен процес сме жртви на билатерални проблеми, односно на билатеризација на претпристапниот процес. Она што таму го кажав е дека ние сега се бориме да почнеме преговори во коишто ние ќе ги зајакнеме институциите и ќе ги збогатиме капацитетите. Поради прашања кои се поврзани во средниот век не можеме да се развиваме како држава во 21 и 22 век. “

Пред средбата со Мишел, Мицкоски присуствуваше на работниот ручек на фон дер Лајен на кој меѓу другите беа и албанскиот премиер Еди Рама и српскиот претседател Александар Вучиќ а на кој главна тема беа реформиските агенди на земјите од Западен Балкан. Мицкоски рече дека меѓу другото порачал и дека земјава е подготвена на конструктивност и фокусираност за исполнување на оваа стратешка цел и ако има желба кај Брисел тогаш има и начин.

„Ние бевме понижени на овој пат. Ќе ве потсетам во името на европските вредности променивме знаме, банкноти, устав неколку пати, име. Што се не направивме за да покажеме дека сакаме да бидеме дел од европското семејство. Некој ќе ми каже дека е ова правилото на еден глас, ве молам, тоа е ултиматум. Јас сум подготвен со секого да разговарам.“

На работната посета во Брисел во придружба на Мицкоски се и министрите за надворешни работи и надворешна трговија Тимчо Муцински и за европски прашања Орхан Муртезани.

Мицкоски, според најавите попладнево ќе има средби и со еврокомесарот за проширување и соседска политика Оливер Вархеји како и со првиот човек на Генералниот директорат за соседство и преговори за проширување, Јан Копман. Со Планот за раст за Западен Балкан кој ЕК го усвои во ноември лани ЕУ планира да додели околу 6 милијарди евра за земјите од овој регион во периодот од 2024 до 2027 година. Од нив, Макеоднија може да добие околу 750 милиони евра гранотив и поволни заеми, но тие се условени со реформската агенда..

Свет

Авиокомпанијата „Емирати“ забрани пејџери и воки-токи по нападите во Либан

Авиокомпанијата „Емирати“ од Дубаи забрани на патниците да носат пејџери и воки-токи на своите летови, откако минатиот месец беа детонирани уреди користени од либанската група Хезболах.

„На сите патници кои патуваат кон, од или преку Дубаи им е забрането да пренесуваат пејџери и воки-токи во пријавениот или рачниот багаж“, се наведува во соопштението на авиокомпанијата објавено на нејзината веб-страница.

Се додава дека сите забранети предмети ќе бидат запленети од полицијата на Дубаи како дел од засилените безбедносни мерки.

Илјадници пејџери и радио уреди кои ги користеле припадници на Хезболах експлодираа во септември. Се верува дека за нападот е одговарен Израел, иако тој не презеде одговорност.

Најголемата авиокомпанија на Блискиот Исток исто така објави дека летовите за Ирак и Иран остануваат суспендирани до вторник, додека летовите за Јордан ќе бидат обновени утре.

Летовите за Либан ќе останат суспендирани до 15 октомври поради ескалацијата на израелските напади врз Хезболах, вклучувајќи напади во близина на аеродромот во Бејрут.

Неколку други авиокомпании исто така ги суспендираа летовите за Бејрут и други регионални аеродроми поради зголемените тензии. /MИА

Живот

Синер ја запроси руската тенисерка Калинскаја

Светскиот рекет број еден, Италијанецот Јаник Синер ја запроси руската тенисерка Ана Калинскаја, пренесува „Кориере дело спорт“.

Според „Кориере“ 25-годишната спортистка добила предлог за брак на забава во Њујорк. Таа се согласила.

Врската меѓу Синер и Калинскаја стана позната во мај оваа година. Тенисерите присуствуваа на натпревари кога играше едниот партнер неколку пати во текот на сезоната.

Дваесет и тригодишниот Италијанец е победник на два Грен слем турнири (Australian Open 2024 и US Open 2024). Вкупно има 17 АТП титули (од нив 16 во сингл).

Калинскаја освои три ВТА турнири во двојки во текот на нејзината кариера.

Свет

Макрон: Приоритет е враќање на политичкото решение за Блискиот Исток

Претседателот на Франција, Емануел Макрон, денеска во интервју емитувано на радио „Франс Интер“ изјави дека „приоритет е враќање на политичкото решение“ за конфликтот на Блискиот Исток.

Францускиот претседател притоа побара прекин на испораките на оружје за Израел, кое се користи во конфликтот во окупираниот Појас Газа, пренесува порталот БФМ ТВ.