Мицкоски: Нема да дозволам ВМРО-ДПМНЕ да стане тоа што е СДСМ

Нема да дозволам ВМРО-ДПМНЕ да стане тоа што е СДСМ, ниту пак ќе дозволам „Вреди“ да стане тоа што беше ДУИ. 

Ќе има работа, но и одговорност, порача лидерот на ВМРО-ДПМНЕ и мандатар Христијан Мицкоски од Велес, на прославата на која партијата одбележа 34 години постоење. Мицкоски пред членството вети дека новата Влада наместо со штетни договори, ќе ја води Македонија напред со многу труд, борба со криминалот и корупцијата и достоинствен живот за сите граѓани. „Немаме сто дена, ниту грејс период… Не може никој од вас да има приватни бизнисни и да води институции – порача Мицкоски.

-Во изминатиот период кога се договараше оваа влада внимателно ги следев оние пораки од одредени политички центри од новата опозиција дека премногу им се дало на коалицијата Вреди што е ноторна измислица, замислете тие кои коленичеа во Речица кои 7 години беа главни измеќари на ДУИ нам кои повративме најмалку три четвртини од позициите кои ги изгубија ни велат дека сме дале премногу. Се додека албанските и другите коалициони партнери работат по закон и во интерес на државата ќе бидеме еднакви партнери во Владата, изјави Мицкоски.

Лидерот на ВМРО-ДПМНЕ упати повик и до СДСМ за национално единство за најважните државни прашања, им посака побрзо да се консолидираат во успешна опозиција и покрај длабоката поделеност во партијата кажа дека во него имаат партнер за иднината на државата.

-Им подавам рака за македонско национално единство за сите важни прашања за државата. Посакувам да ги надминат огромните проблеми и да седнеме на маса да разговараме за иднината на нашата татковина. Секако ова никако не треба да го сфатат како амнестирање од одговорноста за криминалите, но значи дека во нив ќе гледам партнер со кого имаме одговорност поради сегашните и идните генерации да работиме на создавање на единствени државни позиции кога станува збор за суштинските прашања од важност за Македонија, изјави Мицкоски.

ВМРО-ДПМНЕ според Мицкоски во изминатите 34 години имала многу светли моменти кои ги направиле горди, но имало и моменти кога се грешело и кои нанесувале штета. Но, како актуелен претседател кажа дека ќе се однесува со еднаква почит кон секој претходен претседател на ВМРО-ДПМНЕ - и кон Љубчо Георгиевски и кон Никола Груевски, како што рече без оглед на тоа колку се далечни или блиски нивните ставови со она што е ВМРО-ДПМНЕ денес.

Дали е возможно ГТЦ да го врати стариот сјај?

Откако во Градскиот трговски центар падна клима, а со неа и дел од плафонот, повторно се отвора прашањето во каква состојба е некогашниот архитектонски симбол на Скопје и каква ќе биде неговата иднина?

Директорот на ГТЦ Ѓоко Трајчевски за Канал 5 објаснува дека станува збор за дуќан кој е затворен повеќе од 10 години, па најверојатно поради корозија држачите од климата попуштиле. Тој вели дека тие се немоќни да сторат било што, бидејќи дуќаните се приватни и одрќувањето е одговорност на сопствениците.

-Над кровот поставена е надворешна единица клима пред повеќе од 10 години, претпоставуваме држачите попуштиле и климата паднала и затоа се срушил и кровот, а дуќанот е затворен повеќе од 10 години. Апелирам до сите сопственици на деловен простор да си ги проверат надворешните единици односно држачите, доколку се кородирани, оштетени да не дојде до вакви ситуации да си ги променат,- - Ѓоко Трајчевски – директор на ГТЦ.

Овој настан е само последен во низа кој најдобро ја покажува тажната состојба во која се наоѓа нашиот архитектонски бисер ГТЦ, што е најстар трговски центар во поранешна Југославија.

Се повеќе продавници се празни, а немасто луксузни брендови се почесто го гледаме ова. (инсерт затоврена продавница)

Најгорниот кат на тровскиот е речиси празен што е целосно несфатливо, имајќи предвид дека ГТЦ се наоѓа во најстрогиот и најатрактивниот дел од градот. Наместо граѓани тука шетаат бездомни животни за кои трговскиот центар станал засолниште.

Во некогашниот омилен трговски центар на скопјани голем дел од дуќаните зјаат празни и затворени, а тоа најдобро може да се забележи со искачување кон горните катови.

За запуштеноста и нефукционалноста на објектот сведочат и искршените плочки, празните жадрињери и несреденото зеленило , распаднатата плафонска ламперија од која висат извлечени кабли. Не работат и дел од ескалаторите, а во делови низ објектот можат да се забележат и отпадоци.

Граѓаните кои ги анкетиравме се сеќаваат на трговскиот центар како еден од главните симболи на градот, за кој порано пишуваа познати светски архитекти како објект со кој можеме да се гореедме..

- Кога трговски го пуштија порано беше актракција за нас скопјаните, убаво фино се на едно место имавме, после Нама што ни беше претходно. Меѓутоа сега е празен, сега е запуштен и не се одржува како што треба, а инаку е многу фунционален во однос на другите, има прилази од сите страни затоа го гуштавме и не дававме да му се смени изгледот..

- Треба да се поправи, да се реновира, да се дотера. Метропола нели сакаме да биде Скопје? Па тоа личи на метропола? Неможеш долу да отидеш до тоалет.

Изграден пред 51 година, ГТЦ сега нема ни дел од славата која некогаш ја имаше. Во годините по осамостојувањето нанапред беше затоврен со импровизиран покрив, дел му беше срушен за изградба на монтажен лифт. План за негова обнова имаше Владата на Грувски, со цел тој да се обнови целосно и да има баркна фасада. Тоа беше повод за протести и гушкање на ГТЦ. За жал освен неколку дневно гушкање, по прмената на Власта, за него не беше направено буквално ништо.

Зошто непалските работници „исчезнуваат“ од Македонија?

Иако беа најавени како решение за проблемот со недостиг на работна сила во земјава, сезонските работници се почесто си заминуваат од Македонија.

Полициските билтени во последниот период се полнат со случаи на како што пријавуваат газдите „исчезнати“ работници од работните места.

Според познавачите, ваквата ситуација не треба воопшто да не изненадува и е показател дека за многумина странци, Македонија е само билет кон поразвиените земји од Западна Европа.

А токму увозот на сезонски работници се наметна како потреба уште на почетокот на минатата година. Некогашниот вицепремиер за економски прашања, Фатмир Битиќ, уште тогаш порача дека увозот на работници е потребен доколку земјава сака забрзан економски раст.

-Просечната плата кај нас стигна 550 евра, платата каде што одат да работат е 1100 евра, а земјите од кои што ќе доаѓаат најверојатно работници во рударство и градежништво, е просечна 200 евра. Така да, тоа е природен циклус на движење на работна сила за подобро. Сметам дека луѓето од регионот првично би требало да се искористат, а потоа оставаме отворено,- Фатмир Битиќи.

Во последните четири месеци, регистрирани биле триесетина „исчезнувања“ на работници од Непал од земјава.

Фон Дер Лајен реизбрана за претседателка на Европската комисија

Урсула фон дер Лајен останува на чело на Европската комисија, со 401 глас од европратениците ја доби подршката да ја води Комисијата и во наредните пет години. 

Во свето речиси едно часовно обраќање во кое ги претстави нејзниот план и визија за вториот мандат порача дека проширувањето на Унијата ќе биде меѓу клучните приоритети и дека приемот на нови земји претставува морална, историска, политичка и геостратешка одговорност на Европа. Осврнувајќи се на земјите од регионот, но и на Украина, Грузија и Молдавија, Фон фер Лајен потенцираше дека зачленувањето се темели на заслуги, но посочи дека ќе ги поддржат кандидатските земји со инвестиции во текот на спорведувањето на реформите.

“Пристапувањето секогаш ќе биде процес базиран на заслуги и ќе обезбедиме сите земји да бидат подготвени за членство. Западниот Балкан, Украина, Молдавија и Грузија го направија нивниот слободен избор. Тие избраа слобода наместо угнетување, тие избраа демократија наместо зависност и некои од нив платија многу висока цена за овој избор. Затоа ние мора да го направиме нашиот избор и да искажеме посветеност дека нивната иднина ќе биде слободна и просперитетна во нашата Европска унија“, рече Фон дер Лајен во обраќањето.

Инаку во Фон Дер Лајен во обраќањето ја акцентираше и безбедноста на континентот повикувајќи на формирање на европска одбранбена унија и јасно стави до знање дека Европа и понатаму ќе стои рамо до рамо со Украина. Фон дер Лајен повика и на запирање на крвопролевањето во Газа, а во нејзиниот говор не изостана ниту осуда за неодманешната посета на Орбан во Москва. Реизборот на Фон дер Лајен за претседателка на ЕК, сепак не течеше мазно и беше одбележан со краток инцидент во кој романската европратеничка Дијана Шошоака со довикуавње од место ја прекина дебатата, проади што беше остранета од паралменатранта сала во Стразбур.

На изборот на Фондер Лајен преходеше и реизборот на Роберта Мецола, која во вторникот ја доби подршката од европратениците да престедава со Европскиот парламент и во наредните две ипол години. Претходно за нов претседател на Европскиот совет беше избран и поранешниот португалски премиер Антонио Кошта.

притисни ентер