Фудбал

Мордиќ ја прифати понудата на Реал, останува таму уште една година

Фудбалерот на Реал Мадрид, Лука Модриќ ја прифати понудата за продолжување на соработката, па и следната сезона ќе го носи дресот на „бланкос“.

Имено, според шпанскиот весник „Марка“, актуелниот договор на Модриќ истекува за еден месец, а се очекува наскоро да парафира нов, со што ќе се обврзе на едногодишна соработка.

- Реал му понуди на Модриќ продолжување на договорот со значително помала плата. Лука го прифати бидејќи сака да ја заврши кариерата во Реал. Неговата амбиција е да биде капитен на Реал Мадрид и сака да влезе во историјата со освојување нови трофеи и особено уште една Лига на шампиони - објави Марка.

Голем интерес за Модриќ покажаа клубови од Саудиска Арабија, но тој реши да остане во Реал, со кој досега има освоено пет европски трофеи, четири шампионски титули на Шпанија и два Копа дел Реј.

Исто така, тој беше добитник на Златната топка во 2018 година.

Досега дресот на „бланкос“ го има облечено на 531 натпревар, а успеа да постигне 36 голови и да запише заслуга за 86 гола.

Македонија

Претрес во Кичево, пронајдена дрога

Полициски службеници од СВР Охрид вчера во 13.10 часот во Кичево го лишиле од слобода З.Т.(29) од Кичево.

Како што информира МВР, при претрес во неговиот дом, извршен по судска наредба, полициските службеници пронашле и одзеле кеса со марихуана, пари и други предмети.

-По целосно документирање на настанот, против него ќе биде поднесена соодветна пријава, соопшти Министерството за внатрешни работи.

Македонија

При претрес во Ресенско, пронајдена дрога и приведен дилер

Полициски службеници од ОВР Ресен и од СВР Битола вчера во 19.30 часот го лишиле од слобода Е.А.(51) од ресенското село Грнчари.

МВР соопшти дека по добиена наредба од Основен суд Битола, бил извршен претрес во домот и помошни простории, сопственост на Е.А. во с. Грнчари.

-При претресот биле пронајдени и одземени саксии со марихуана, кеси со марихуана, семки и гранки од канабис, дробилка, различни предмети за одгледување канабис. По документирање на настанот, против Е.А. ќе биде поднесена соодветна пријава, информира МВР.

Свет

Новоизбраниот американски претседател Трамп пристигна во Париз

Новоизбраниот претседател на САД, Доналд Трамп, изутринава пристигна во француската престолнина Париз, јавија француските медиуми, истакнувајќи дека ова е негово големо враќање на светската политичка сцена.

Трамп е меѓу повеќе од 2.000 почесни гости на денешното свечено отворање на реставрираната катедрала Нотр Дам.

Ова е прво патување на Трамп во странство по неговата победа на претседателските избори во САД на 5 ноември.

На церемонијата по повод отворањето на катедралата се очекува да присуствува и актуелниот американски претседател Џо Бајден./МИА