Свет

На Флорида апсат 11- годишник, се заканувал дека ќе убива на училиште, имал список за отстрел

Единаесетгодишно момче од Флорида е уапсено откако наводно се пофалил со своето големо количество пиштоли и планирал да изврши пукање во две различни училишта, рече шерифот.

Канцеларијата на шерифот на округот Волузија заплениле огромни количества пиштоли, ножеви и мечеви откако Карло Кингстон Дорели (11) им покажал видео од своето оружје на соучениците и се заканил со насилство, рече шерифот Мајк Читвуд.

„Напиша листа со имиња и цели. Рече дека тоа било шега“, напиша шерифот.

Поради оваа „шега“, шерифот го обвини за кривично дело заканување со масовно пукање и објави видео на кое полицајците го носат момчето во затвор со лисици на зглобовите и глуждовите.

Ја објавија и неговата полициска фотографија и фотографија од неговото оружје, објави Ен-Би-Си.

Ова доаѓа откако шерифот се закани дека ќе ги фати сите деца кои испраќаат лажни закани по смртоносното пукање во средното училиште Апалачи во Џорџија, во кое загинаа четири лица.

„Секогаш кога ќе апсиме, фотографија од вашето дете ќе биде објавена... Ќе дојдеме по вас. Ќе ве изложиме на јавен срам“, рече Читвуд на прес-конференција минатата недела, откако властите на Флорида во една ноќ примија 54 лажни пријави за претстојно пукање во училиште.

Свет

Авиокомпанијата „Емирати“ забрани пејџери и воки-токи по нападите во Либан

 Авиокомпанијата „Емирати“ од Дубаи забрани на патниците да носат пејџери и воки-токи на своите летови, откако минатиот месец беа детонирани уреди користени од либанската група Хезболах.

„На сите патници кои патуваат кон, од или преку Дубаи им е забрането да пренесуваат пејџери и воки-токи во пријавениот или рачниот багаж“, се наведува во соопштението на авиокомпанијата објавено на нејзината веб-страница.

Се додава дека сите забранети предмети ќе бидат запленети од полицијата на Дубаи како дел од засилените безбедносни мерки.

Илјадници пејџери и радио уреди кои ги користеле припадници на Хезболах експлодираа во септември. Се верува дека за нападот е одговарен Израел, иако тој не презеде одговорност.

Најголемата авиокомпанија на Блискиот Исток исто така објави дека летовите за Ирак и Иран остануваат суспендирани до вторник, додека летовите за Јордан ќе бидат обновени утре.

Летовите за Либан ќе останат суспендирани до 15 октомври поради ескалацијата на израелските напади врз Хезболах, вклучувајќи напади во близина на аеродромот во Бејрут.

Неколку други авиокомпании исто така ги суспендираа летовите за Бејрут и други регионални аеродроми поради зголемените тензии. /MИА

Живот

Синер ја запроси руската тенисерка Калинскаја

Светскиот рекет број еден, Италијанецот Јаник Синер ја запроси руската тенисерка Ана Калинскаја, пренесува „Кориере дело спорт“.

Според „Кориере“ 25-годишната спортистка добила предлог за брак на забава во Њујорк. Таа се согласила.

Врската меѓу Синер и Калинскаја стана позната во мај оваа година. Тенисерите присуствуваа на натпревари кога играше едниот партнер неколку пати во текот на сезоната.

Дваесет и тригодишниот Италијанец е победник на два Грен слем турнири (Australian Open 2024 и US Open 2024). Вкупно има 17 АТП титули (од нив 16 во сингл).

Калинскаја освои три ВТА турнири во двојки во текот на нејзината кариера.

Свет

Макрон: Приоритет е враќање на политичкото решение за Блискиот Исток

Претседателот на Франција, Емануел Макрон, денеска во интервју емитувано на радио „Франс Интер“ изјави дека „приоритет е враќање на политичкото решение“ за конфликтот на Блискиот Исток.

Францускиот претседател притоа побара прекин на испораките на оружје за Израел, кое се користи во конфликтот во окупираниот Појас Газа, пренесува порталот БФМ ТВ.

- Мислам дека денес приоритет е да се вратиме на политичко решение и да престанеме да испорачуваме оружје за водење борби во Газа, изјави Макрон./МИА

притисни ентер