Над 90.000 работници во Мерцедес ќе добијат по 7.300 евра бонус

Mercedes објави дека, врз основа на прелиминарните резултати за финансиската 2023 година објавени денеска, се очекува вработените кои ги исполнуваат условите да добијат бонус за споделување профит до 7.300 евра.

Како знак на благодарност за нивните перформанси и ангажман во изминатата година, Mercedes-Benz повторно го споделува успехот на компанијата со своите вработени.

Износот на споделување на добивката е независен од степенот на плата, а конечниот износ зависи од утврдувањето на конечните резултати за последната финансиска година во март 2024 година. Шемата за споделување на добивката е доброволна придобивка што ја нуди компанијата, а околу 91.000 квалификувани вработени во Германија ќе го добијат со априлската плата.

„Минатата година, нашите вработени уште еднаш покажаа во предизвикувачко опкружување дека компанијата може да се потпре на нив. Како знак на благодарност за исклучителните перформанси и високата флексибилност што ја покажаа нашите колеги во 2023 година, нивната исклучителна посветеност повторно ќе биде почестена со бонус за споделување профит кој се очекува да биде рекорден износ.

Успешниот бонус за споделување профит не само што ја наградува посветеноста и напорната работа на нашите вработени, туку и нивната лојалност и решителност да ги надминат предизвиците и да ги постигнат целите“, рече Ергун Лумали, претседател на Советот за општи работи на Mercedes-Benz Group AG.

Вработените на тарифната скала во Mercedes-Benz имаат корист од споделувањето на добивката од 1997 година. За финансиската 2022 година, вработените кои ги исполнуваат условите веќе добија бонуси до максимален износ од 7.300 евра.

Порно ѕведата Миа Калифа лансира колекција танги со марихуана (ФОТО)

Не долго откако Миа Калифа првпат ја лансираше својата нова линија на накит и додатоци, Шејтан, таа почна да се појавува на модните недели и да прави бројни договори.

За да ја прослави 420 година, Калифа лансира специјално издание со Шејтан: тангата 420.

Тангата доаѓа во две бои, зелена и црна, а на задната страна има декорација во форма на лист марихуана. Ремените се прилагодливи и погодни за различни големини на телото.

„Треба да ме ангажирате како плус сајз модел за ова“, „Врискам, плачам, купувам“, „Едвај чекам“, „Сакам“, „Ми требаат“, „Ве молам донирајте за оние од нас кои не можеме да си ги дозволиме“, , „Слатко“ се дел од коментарите на објавата на брендот на Инстаграм.

Sheytan е лансиран во јули 2023 година, така што брендот е сè уште млад.

"Никој не ги знае роковите што си ги поставивте за себе! Бидете трпеливи, дури и ако тоа значи да направите нешто подоцна за да го направите производот совршен", рече Миа Калифа, пренесува HypeBae.

БУГАРИЈА: Системската медиумска манипулација кај дел од бугарските медиуми продолжува

Кога човек ќе помисли дека има некаква позитивна промена во бугарскиот мајнд сет кај дел од нивните медиуми визави Македонија, веднаш истите медиуми се демантираат преку нивните лаги и манипулации.

Бугарскиот портал Faktor.bg со самосатисфакционен наслов објави тешка лага која наводно се појавила во последниот извештај на Американскиот Стејт департмент за Македонија за 2023 год во кој се вели:

„Стејт департментот го попари Скопје: во Република Македонија има систематско насилство врз Бугарите“

па продолжуваат со сочна лага за наводен цитат од овој извештај во кој велат:
„Во Република Македонија има систематско расно и етничко насилство и дискриминација врз Бугарите. Така се вели во извештајот на Стејт департментот за човековите права кај нашиот југозападен сосед за 2023 година“

Ова е крајно манипулативен екстракт од делот за „Системско расно ИЛИ етничко насилие и дискриминација“
Во извештајот на Стеј Департментот Бугарите во Македонија се споменуваат само во овој дел и тоа:

„Министерот за правда ги затвори бугарските културни клубови „Цар Борис III“ и „Иван (Ванчо) Михајлов“, повикувајќи се на законот од 2022 година со кој се бара од организациите именувани по фашистички поддржувачи или соработници да си ги сменат имињата. Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија.

Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза.“
Во текстот на овој бугарски медиум воопшто не се нотира дека е затворен клубот Ванчо Михајлов а спрема неговиот претседател покренато е обвинение за ширење на расна и етничка нетолеранција како и ксенофобија.“

Како што се наближуваат двојните избори во Македонија на 8ми мај, нервозата кај официјална Софија и дел од нивното медимското миље драстично расте, па затоа се сретнуваат вакви манипулативни и клеветнички текстови во кои не се штеди ниту Америка ниту Македонија.

Линк до извештајот на Американскиот Стејт Департмент за Македонија ( страна од 33-35 )
Веста објавена во бугарски Фактор

Рускиот суд ја одби жалбата на американскиот новинар, кој е во затвор за наводна шпионажа

Рускиот суд денеска ја отфрли последната од серијата жалби на новинарот на „Волстрит журнал“, Еван Гершкович, против притворот под обвинение за шпионажа.

Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а бил уапсен на задача во рускиот град Екатеринбург.

Руските власти тврдат дека тој се обидувал да дојде до тајни информации кои требало да ѝ ги пренесе на американската влада, но новинарот, весникот во кој работи и американската влада негираат дека тој е шпион.

Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.

Минатомесечното рочиште беше затворено за печатот, но денеска на новинарите им беше дозволено да го снимат Гершкович додека тој стои во стаклена кутија во судницата и им се смешка на колегите од медиумите.

Рускиот претседател Владимир Путин изјави дека во одреден момент Гершкович би можел да биде ослободен во замена руски затвореник, но таков договор се уште не е постигнат.

притисни ентер