Македонија

Народната банка не знае детали од разговорите меѓу банките и Владата за унгарскиот заем

Народната банка не знае детали од разговорите меѓу банките и Владата за унгарскиот заем и воопшто не е вклучена во овој процес. Ќе може да излезе со став откако ќе има подетални сознанија, рече денеска гувернерката Анита Ангеловска-Бежоска. 

-Не сме вклучени во овој процес. Не ги знаеме деталите од разговорите. Кога ќе имаме подетални сознанија за разговорите и договорот меѓу банките и Владата, тогаш ќе можеме да излеземе со наш став, рече Ангеловска-Бежоска, одговорајќи на новинарски прашања, откако ги презентираше есенските макроекономски проекции.

Во врска со најавите на Владата за дополнителни задолжувања, гувернерката напомена дека намалувањето на буџетскиот дефицит е клучно за стаблизирање на јавниот долг. Во оваа насока ги повтори препораките на меѓународните финансиски институции: постепена фискална консолидација, постепена монетарна акомодација во линија со фискалната консолидација и интензивирање на структурните реформи.

-При нашите проекции ја земаме предвид најновата фискална стратегија која беше неодамна донесена и која предвидува патека на фискална консолидација, односно од буџетски дефицит 4,9 проценти оваа година, негово постепено намалување и сведување на околу три отсто во 2027 година. Нема дилема дека намалувањето на буџетскиот дефицит е клучно за стаблизирање на јавниот долг, подвлече Ангеловска-Бежоска.

Уште еднаш порача и дека стабилноста на јавните финансии е клучна од два аспекта: за среднорочна одржливост на јавниот сектор (за да може државата да го подготви и изгради својот капацитет за справување со натамошни, идни шокови), како и за поддршка на монетарната политика. Колку фискалната политика е попрудентна, тоа, напомена гувернерката, создава поголем простор за релаксирање на монетарната политика, односно посоодветни услови за обезбедување финансиска поддршка на компаниите и на граѓаните преку пониски каматни стапки.

Останува потребата, дополни, од водење прудентни домашни макроекономски политки за да нема нов бран инфлациски притисоци.

-Сите политки кои влијаат на агрегатната побарувачка, може да влијаат на инфлацијата. Имајќи ја предвид големата отвореност на нашата економија, големото учество на цените на храната и енергијата во нашиот инфлациски индекс, нешто над 50 отсто, јасно кажува дека глобалниот контекст и геополитичките ризици кои може позначајно да влијаат на цените на примарните производи, остануваат клучен ризик. Останува потребата од водење прудентни домашни макроеконосмки политки кои може да влијаат на агрегатната побарувачка, особено политките на пазарот на труд, но и интензитетот со кој би се спроведувале стуктурните реформи, објасни Ангеловска-Бежоска.

Според есенските проекции на Народната банка, девизните резерви достигнаа 4,9 милијарди евра што е нешто над четиримесечен увоз на стоки и услуги што се оценува како сосема соодветно ниво и во линија со монетраната стратегија на одржување стабилен девизен курс на домашната валута во однос на еврото.

Во однос на странските директни инвестиции, проекциите на среден рок се 4 отсто од БДП.

-Ова е слично ниво како во изминатите две години или малку пониско од тие 4,3 проценти во просек. Остварувањата продолжуваат да бидат солидни и првата половина од оваа година, беа подобри и од нашите очекувања. Приватните трансфери лани надминаа две милијарди евра, беа историски највисоки, па среднорочно сме попретпазливи и очекуваме нивно стабилизирање, рече дувернерката.

Македонија

Став на СДСМ за случајот РЕК ("Адитив")

СДСМ го поддржува секој чекор насочен кон расчистување на евентуални злоупотреби на јавните ресурси и потенцијалната корупција. 

Одговорноста и транспарентноста се темелите врз кои ја градиме довербата на граѓаните во институциите. Никој не смее да биде над законот.

Бараме од институциите брза, транспарентна и темелна истрага која ќе ја утврди вистината.

Доколку постои вина, истата треба да се санкционира во согласност со законите.

Ги повикуваме Министерството за внатрешни работи, Обвинителството и сите релевантни институции да постапуваат професионално и без селективност.

СДСМ останува доследен на принципите на транспарентно и одговорно владеење, поттикнување на борбата против корупцијата и градење институции кои работат во интерес на граѓаните, се наведува во партисакото соопштение.

Свет

Сириските бунтовници пронашле голем склад со дрога со кој управувал братот на ал-Асад

Според извештаите, овие незаконски операции биле надгледувани од Махер ал Асад, брат на поранешниот претседател Башар ал Асад.

Безбедносните сили на новата сириска Влада денеска соопштија дека пронашле голем магацин за производство и складирање на дрога, вклучително и каптагон, наркотик наводно шверцуван од режимот на поранешниот претседател Башар ал Асад во богатите земји од Персискиот Залив, заработувајќи милијарди долари.

Според извештаите, овие незаконски операции биле надгледувани од Махер ал Асад, брат на поранешниот претседател Башар ал Асад. Се проценува дека во 2021 година сириската Влада заработила најмалку пет милијарди долари од продажбата на каптагонот, односно три пати повеќе од заработката на мексиканските картели, пишува „Дејли Меил“.

Сепак, производството на каптагон, кој исто така се нарекува фенетилин, наводно речиси во целост е запрено откако Асад побегна во Русија и исламистичките бунтовници ги зазедоа главните фабрики за каптагон во крајбрежните области на Сирија.

Неименуван европски функционер изјави дека производството на овој наркотик е намалено за 90 отсто, а останале само „мали, расфрлани“ лаборатории за производство на каптагон.

Безбедносниот аналитичар Николас Кроули предупреди дека намалувањето на шверцот и производството на наркотици можеби нема да потрае и тој очекува ирачките милиции поврзани со Корпусот на гардата на Исламската револуција на Иран да го искористат вакумот и повторно да ја покренат илегалната трговија.

Каптагон се смета за супстанца што ја користат борците, бидејќи им помага да се чувствуваат посилни и помалку уморни, а израелските медиуми тврдат дека борците на Хамас го консумирале овој наркотик непосредно пред нападот врз Израел на 7 октомври минатата година. /МИА

Свет

Глобалната организација за забрана на хемиското оружје свика состанок за ситуацијата во Сирија

Организацијата за забрана на хемиско оружје утре ќе одржи итен состанок на кој ќе се разговара за ситуацијата во Сирија, поради загриженоста за резервите на токсични хемикалии во таа земја. 

Организацијата завчера и порача на Сирија дека е должна да ги почитува правилата за заштита и уништување на опасни супстанции, откако бунтовниците влегоа во Дамаск викендот и го соборија режимот на претседателот Башар ал Асад.

Состанокот го свика извршниот совет на организацијата за да се разговара за актуелната ситуација во Сирија, како и за статусот на тековните истраги во земјата.

Режимот на Асад негираше дека користел хемиско оружје, но Оорганизацијата најде докази кои сугерираат дека Сирија постојано користела гас против цивили за време на граѓанската војна. Претходно оваа година беше откриено дека Исламската држава користела отровен гас иперит во борбите во градот Мареу во 2015 година.

САД соопштија дека ќе ја признаат и поддржат новата сириска Влада која се откажува од тероризмот, ги уништува залихите на хемиско оружје и ги штити правата на малцинствата и жените. /МИА

притисни ентер