Наставничка од САД се запалила со четирите мали деца, му оставила порака на сопругот (ВИДЕО)

Полицијата во Мисури пронашла тела на четири деца кои мајка им ги запалила додека спиеле, а потоа ги проголтал пламенот.

Страшна семејна трагедија се случила ноќта помеѓу 19 и 20 февруари во домот на Бернадин Пруснер, а во пожарот загинале деветгодишните близначки Ели и Ива, петгодишниот Џексон и двегодишната Мила, објави Еј-Би-Си Њуз.

Се сомнева дека Бернадин се решила на овој грозоморен потег по кавгата со поранешниот сопруг за старателството над Ели и Ива.

Извори од истрагата наведуваат дека во куќата била пронајдена проштална белешка во која Бернадин јасно објаснил дека ќе се убие себеси и децата.

Бернадин, која работела како учителка и била обожавана од сите на работа, објави фотографија од своите деца на Фејсбук неколку дена пред трагедијата и напиша: „Ние против целиот свет. Благословена сум што сум нивна мајка. Живејте го секој ден како да ви е последен“.

Вечерта пред да се убие себеси и децата, таа објавила уште еден емотивен статус.

"Сите мои деца мирно спијат во своите кревети. Знам дека ги сакам толку многу што ќе направам сѐ за нив. Ова е мојот најубав момент", напишала Бернадин.

Потоа, се верува дека влегла во спалната соба и го запалила душекот од брачниот кревет каде што спиеле малите.

Пожарот околу 4 часот утрото го забележале соседите кои се обиделе да влетаат во куќата, но не можеле бидејќи вратата била заклучена. Најпрво поверувале дека пожарот настанал случајно, па во паника ги повикале Бернадин и децата со надеж дека ќе ги разбудат. Никој не се посомневал дека мајката сè испланирала однапред.

Малку порано Бернадин започнала кампања за собирање хуманитарна помош бидејќи, како што навела во објава на страницата GoFundMe, се нашла во тешка ситуација по битката за старателство со таткото на близначките.

Како што се испоставило, двојката се развела во 2017 година со заедничко старателство, но таткото на децата отишол на суд во 2023 година, откако Бернадин донела одлука да се пресели во предградијата на Сент Луис. Во списите на случајот, таткото изразил загриженост дека неговата поранешна сопруга ќе биде поблиска со нејзината мајка, која ја опишал како „психотична“.

Таа наводно имала проблеми и со вториот сопруг, кој е татко на Џексон и Мила.

Татковците не сакале да зборуваат за медиумите и побарале сите да ги остават на мир за да ги оплакуваат своите деца.

Видео: Хезболах истрела десетици ракети врз северен Израел

Либански Хезболах објави дека го погодил северниот дел на Израел со десетици ракети Катјуша, гаѓајќи артилериски позиции.

Во соопштението, либанската група рече дека истрелала десетици ракети Катјуша врз артилериските позиции на Израелските одбранбени сили во северен Израел.

На северот на земјата се огласија неколку сирени за предупредување за ракети. На социјалните мрежи се појави видео на кое се гледа како неколку пресретнувачи на ракети „Железна купола“ погодуваат очигледен ракетен бараж.

– Во знак на поддршка на палестинскиот народ и отпорот во Газа и во светло на израелската агресија врз различни села во јужен Либан, Исламскиот отпор продолжи со нападите врз ционистичките окупациски локации во близина на границата со Либан – соопшти претходно Хезболах. /МИА

Покетино: Многу е тешко кога немате борбен состав

Менаџерот на Челси, Маурисио Покетино пред натпреварот на „сините“ во Лондон против Евертон во понеделник, зборуваше за големиот број повредени во составот, а неодамна во „амбулантата“ влегоа и Енцо Фернандез и Аксел Дисаси.

-Овие двајца не тренираат, не знаеме дали ќе можат да играат. Праведно е да се има борбено подготвен состав. Не можеме да докажеме дека сме добар тим и дека можеме да се бориме за големи работи. Многу е тешко кога немате борбено подготвен состав. Сакаме да ја зголемиме конкуренцијата меѓу играчите, но тоа не е оправдување, изјави денеска менаџерот на Челси.

Тој, исто така, се наврати на ремито 2-2 со Шефилд Јунајтед минатиот викенд.

-Кога се соочуваме со тимови како (Манчестер) Сити, Манчестер Јунајтед, Тотенхем или Ливерпул, тимот покажува добар квалитет. Проблемот е што не сме постојани. Кога анализираме, недостигот на зрелост навистина се покажува, но само со текот на времето можеме да го постигнеме вистинскиот баланс, истакна тренерот.

Покетино особено ја пофали академијата на Челси.

-Ги каниме младите играчи секоја недела да тренираат со нас, тоа е одлична можност за нив. Челси има една од најдобрите академии во Англија, ако не и во светот. Наша одговорност е да се грижиме за овие момчиња и да им обрнеме внимание. Еден ден ќе имаат можност да играат во тимот, само треба да продолжат да тренираат, да бидат доследни. Можеме да го видиме нивниот развој од натпреварувањето со постарите играчи, додаде Покетино. /МИА

Алегри: Целта е Јувентус да биде во ЛШ, а потоа управата ќе одлучи за мене

 Тренерот на Јувентус, Масимилијано Алегри повторно призна дека не знае дали ќе остане на чело на тимот и следната сезона. Во принцип, тој е врзан за клубот до летото 2025 година, но според многумина, тој сега ќе си замине.

-Целта е место во ЛШ, бидејќи се работи за 100 милиони евра. А за мојата иднина, како и секогаш, клубот ќе одлучи што е најдобро. Пред почетокот на сезоната, пред нас беа поставени две цели: пласман во ЛШ и освојување на Купот на Италија. Сега е важно да останеме заедно и да се бориме. Местото во ЛШ е приоритет и од финансиски причини не можеме да дозволиме да бидеме изоставени од турнирот, потсети Алегри.

Вчера сопственикот на Јуве, Џон Елкан прецизираше дека актуелната сезона е „нула“ за клубот под водство на новиот спортски директор Кристијано Џунтоли. Пред една година тој уверуваше дека Алегри е клучна фигура за иднината на тимот од Торино.

-Работата во Јуве ќе продолжи и во наредните години со новиот директор Џунтоли. Задачата беше да внесеме фудбалери од школата во тимот и мислам дека тоа го исполнивме, убеден е тренерот.

Во следното коло во Серија А, Јувентус за противник ќе го има градскиот ривал Торино.

-Треба да работиме напорно овој месец. Многу е важно да имаме шанси до самиот крај. А особено откако Торино има 15 „суви мрежи“ во текот на сезоната, што значи дека дозволуваат по еден гол на два меча. Ова дерби е секогаш посебно, заклучи Алегри. /МИА

притисни ентер