Технологија

Научниците со сензационално отритие- „меѓуѕвезден тунел“ во близина на Сончевиот систем

Астрономите велат дека пронашле „меѓуѕвезден тунел“ во нашето соларно соседство што може да доведе до други ѕвездени системи.

Како што е опишано во новата студија објавена во списанието Astronomy & Astrophysics, тунелот постои како дел од огромна структура на топол гас со радиус од стотици светлосни години што го опкружува нашиот Сончев систем и е познат како Локален врел меур (LHB). Уште повеќе, наодите сугерираат дека може да биде поврзан со близок, уште поголем балон, пишува Futurism.

Користејќи опсежни податоци собрани од телескопот eROSITA, првата опсерваторија на Х-зраци лоцирана целосно надвор од атмосферата на Земјата, истражувачите генерирале 3Д модел на целиот LHB, потврдувајќи некои карактеристики што астрономите ги предвиделе, но и откривајќи сосема нови.

- Она што не го знаевме е постоењето на меѓуѕвезден тунел кон Кентаур, што создава празнина во постудената меѓуѕвездена средина - вели во изјавата коавторот на студијата Мајкл Фрајберг, астроном од германскиот институт за вонземска физика, Макс Планк. - Оваа област јасно се издвојува благодарение на значително подобрената чувствителност на eROSIT и сосема поинаквата истражувачка стратегија во споредба со ROSAT - претходникот на вселенскиот телескоп.

Постоењето на LHB, или едноставно Локален балон, првпат било предложено пред повеќе од педесет години за да се објасни присуството на рендгенска позадина. Бидејќи просторот помеѓу ѕвездените системи е исполнет со дифузни облаци од гас и прашина познати како меѓуѕвездена средина - материјалот што се кондензира за да формира ѕвезди - овие емисии на Х-зраци со ниска енергија требаше да се апсорбираат долго пред да можеме да ги откриеме.

Но, што ако нашиот космички крај е празен поради некоја причина? Тоа би бил локалниот балон. Астрономите веруваат дека се формирал пред околу четиринаесет милиони години, кога серија супернови го разнеле целиот меѓуѕвезден материјал во близина, создавајќи шуплина со ширина од околу 1.000 светлосни години. Како доказ, денес можеме да ги видиме остатоците од тие супернови.

Идејата се соочи со предизвици; Пред неколку децении, се појави хипотеза дека интеракцијата помеѓу сончевиот ветер и надворешната атмосфера на нашата планета може да произведе слични емисии на Х-зраци, според истражувачите. Но, идејата беше дополнително поддржана во последниве години со набљудувања на млади ѕвездени јата кои се формираат на работ на овој меур.

Авторите сугерираат дека меѓуѕвездениот тунел можеби е дел од цела мрежа на меѓуѕвездена средина која се протега низ Млечниот Пат, формирана од експлозии на енергија ослободена од ѕвездите.

Покрај меѓуѕвездениот тунел, деталното моделирање на Локалниот балон откри температурен градиент низ структурата, при што северниот регион е значително потопол од јужниот.

Ова сугерира дека можеби имало понови супернови кои го прошириле меурот и повторно го загреале неговиот материјал, можеби во последните неколку милиони години.

Автомобилизам

Форд ја претстави новата Пума во електрична верзија (ВИДЕО)

По примерот на глобално успешниот Mustang mach-E, Ford лансираше помал автомобил.

Според најавите, изборот паднал на Puma, актуелниот продажен претставник на Ford на Стариот континент. Откако ја напуштија идејата Форд во Европа да стане целосно електричен до 2030 година, многумина мислеа дека и електричната Пума ќе биде одложена.

Новитетот пристигна и за разлика од другите два големи теренци, овој нема основа од Volkswagen. Puma Gen-E е целосно производ на Ford и визуелно е целосно базиран на бензинскиот оригинал.

Единствениот веднаш забележлив визуелен новитет е затворената предна решетка, моделирана по претходно споменатиот Mustang Mach-E. Листата на новитети завршува со нов дизајн на бандажи, редизајн на задниот спојлер и воведување нови бои во палетата.

Нема многу филозофија во однос на возењето. Има само еден избор, а тоа е електромоторот поставен напред со моќност од 123,5 kW (168 КС) и вртежен момент од 290 Nm.

Напојуван од батерија со капацитет од 43 kWh, обезбедува опсег од 376 km според WLTP или 364 km за Premium верзијата со поголеми тркала.

Се полни со моќност до 100 KW, што значи дека се доволни 23 минути за полнење на батеријата од 10 до 80% капацитет. Да кажеме и како електричната Puma спринтува до 100 km/h за осум секунди и вози до 160 km/h.

Нема значителни промени во кабината. Интересно е само тоа што Premium изданието носи богата опрема како што е B&O аудио систем. Дополнително се наплаќаат многу, но не и кога се во прашање придобивките како товарен простор од 574 литри назад и 43 литри напред.

Ford Puma Gen-E се произведува во романските погони, а во Германија започнува со цена од 36.900 евра.


Свет

Трамп: Ќе ја завршам војната во Украина, доколку можам- помошта за Украина ќе биде помала

Новоизбраниот американски претседател Доналд Трамп изјави дека ќе ја заврши војната во Украина доколку може, додавајќи дека Украина може да очекува да не добие толку голема воена помош од САД кога ќе се врати на функцијата.

Тој во Париз приватно се сретна со францускиот претседател Емануел Макрон и со украинскиот претседател Володимир Зеленски, кои на социјалните мрежи објавија дека разговарале за постигнување „праведен мир“ во војната на Украина со Русија, објави NBC.

Зеленски се приклучи во последните 10 минути од состанокот, изјави претставник на транзицискиот тим на Трамп.

Трамп рече дека нема да се обврзе дека САД ќе останат во НАТО, но доколку членките ги платат своите обврски, тој апсолутно ќе ја зачува американската улога во Алијансата. Трамп победи на претседателските избори, кои се одржаа на 5 ноември, пред кандидатот на демократите и американска потпретседателка, Камала Харис.

Тој ќе ја преземе функцијата претседател на 20 јануари 2025 година на церемонијата на инаугурација.

Култура

Археолозите тврдат дека го откриле саркофагот на Свети Никола (ФОТО)

Археолошките истражувања во турскиот град Демре доведоа до откривање на варовнички саркофаг, во кој можеби бил погребан ранохристијанскиот епископ Свети Никола.

Саркофагот е долг околу два метри, а бил закопан на длабочина од 1,5 метри. Има подигнат капак со закосени рабови, во согласност со погребните обичаи во областа.

Саркофагот е откриен во анексот на црквата Свети Никола, која била изградена во VII век, а од 1989 година е „под лупа“ на археолозите, пренесува The Sun.

Се верува дека овде некогаш почивал епископ, познат во христијанството како Никола Мирлиски и Николај Чудотворец. Светецот кој бил инспирација за создавање на ликот на Дедо Мраз, починал во 343 година.

Големото откритие е дел од проектот „Наследство за иднината“, предводен од професорката Ебру Фатма Финдик, а инициран од турското Министерство за култура и туризам.

„Нашата најголема надеж е да го најдеме натписот на саркофагот. Ова би помогнало да се разјасни кој е закопан во него и точниот период од кој потекнува. Очекуваме во наредните недели да најдеме повеќе индиции“, изјави Финдик.

Локацијата на гробот на Свети Никола долго се шпекулира, а откривањето на саркофагот им даде нова надеж на истражувачите. Истовремено, привлече големо внимание од локалните и светските медиуми, но и верниците.

„Откривањето на саркофагот може да укаже дека ова е навистина светата област што ја бараме. Ова е значајна археолошка потврда на историските извори за последното почивалиште на Свети Никола“, додаде Финдик.

Врз основа на древните животи, во кои се зборува за дарот на Свети Никола на трите ќерки на сиромашен човек, настанал обичајот да се даваат подароци за Божиќ. Во портата на црквата Свети Никола во градот Мири, каде некогаш почивале неговите мошти, е поставена статуа на светецот во ликот на Дедо Мраз, а до неа и вреќа со подароци со детски фигури.

Во 1087 година моштите биле пренесени и складирани во базиликата Свети Никола во Бари. Подоцна, дел бил преземен од морнари и пренесен во Венеција, за време на Првата крстоносна војна. Тие се погребани во црквата на манастирот Свети Никола на островот Лидо.

Со испитување на коскените фрагменти од двете локации, истражувачите утврдиле дека припаѓаат на иста личност, но дали се работи за Свети Никола, се дебатира и денес.

притисни ентер