Живот

ОН: Над 14 милиони луѓе ги напуштиле своите домови во Украина за две години од руската инвазија

Обединетите нации соопштија денеска дека повеќе од 14 милиони луѓе ги напуштиле своите домови во Украина во текот на двете години од руската инвазија, а речиси 6,5 милиони сега живеат надвор од земјата како бегалци.

Меѓународната организација за миграција (ИОМ) на ОН посочи дека покрај бегалците во странство, околу 3,7 милиони луѓе остануваат раселени во Украина. Над 4,5 милиони луѓе се вратиле дома до денес, или од странство или од раселувањето низ земјата.

„Уништувањето е широко распространето, загубата на животи и страдањето продолжуваат. Меѓународната организација за миграција на ОН ја пофалува Владата на Украина и украинскиот народ за нивната сила и издржливост, како и соседите на Украина кои ги прифаќаат тие што бараат безбедност. Остануваме целосно посветени на ублажување на човечкото страдање и помагање за закрепнување, се вели во соопштението на генералниот директор на Меѓународната организација за миграција на ОН, Ејми Поуп.

Агенцијата на Обединетите нации соопшти дека поддржала 6,5 милиони луѓе во Украина и во 11 земји во источна Европа кои се домаќини на бегалци.

Свет

Видео: Експлозија и пожар во зграда во Хаг, 20 луѓе се заробени во урнатините

Најмалку 20 луѓе се заробени во урнатините откако силна експлозија уништи трикатна станбена зграда во населбата Маријахоев во Хаг.

Експлозијата се случила утрината во 6 часот и 15 минути, по што избувнал пожар и делови од зградата се урнале, а пет до седум станови биле целосно уништени, пишува „АН-Ел Тајмс“.

Спасувачките служби, вклучително и специјалистички тимови за урбано пребарување и спасување, четири кучиња чувари и градежни инженери дошле на местото каде се случи експлозијата.

Досега најмалку четири лица се спасени и пренесени во блиските болници.

Експлозијата предизвика сериозна штета и на околните згради, а неколку улици во областа беа затворени од безбедносни причини.

Истрагата за причините за експлозијата е во тек. /МИА

Свет

Во Тбилиси приведени 50 демонстранти, полицијата употребила водени топови и солзавец

Грузиската полиција денеска соопшти дека 50 лица се уапсени во текот на деветтата ноќ од протестите во Тбилиси. 

Од нив 48 лица се приведени поради непослушност и вандализам, додека други двајца се уапсени под обвинение за учество во насилни групи.

Протестите се одржуваат поради најавата на владејачката партија дека ќе ги суспендира на четири години преговорите за приклучување кон Европската Унија.

Полицијата и за време на синоќешните протести употреби водени топови и солзавец и интервенирала со специјални единици за да ги задуши протестите, а демонстрантите повторно возвратија фрлајќи разни предмети, како и со огномет и петарди. Демонстрантите се движеа низ центарот на градот, јавија медиумите.

Според властите, од почетокот на масовните протести се уапсени вкупно 341 демонстрант. Речиси 150 полицајци се повредени./МИА

Свет

Портокалово предупредување во Франција поради бурата Дара, во прекин железничкиот сообраќај

Метеоролозите сметаат дека вкупната количина на снег ќе достигне и до метар и половина на планините.

Во Франција е објавено портокалово предупредување поради бурата Дара и опасност од силен ветер, снег и мраз, а поради најавените временски услови, церемонијата на свеченото отворање на реновираната париска катедрала Нотр Дам ќе се одржи во внатрешноста на објектот.

Француската метеоролошка служба денеска предвидува силни налети на ветер во главниот град, а попладне врнежи од дожд пропратени со ветрови со брзина од над 70 километри на час, поради што вечерашната музичка програма по повод отворањето на катедралата ќе биде изменета, а најавениот свечен концерт ќе биде одложен, јавува телевизијата БФМ.

Вкупно 15 провинции се во состојба на готовност, од кои девет на северозападниот брег и уште две на југоисточниот дел поради силниот ветер, додека четири на југозапад се ставени во состојба на готовност поради снег и можни лавини.

Девет провинции во северозападна Франција, меѓу кои и Ла Манш, Сен Маритим и Па де Кале, меѓу другите, се ставени под портокалова тревога поради силните ветрови.

Поради силните ветрови, Француските железници соопштија дека услугите на регионалните железнички линии ќе бидат целосно прекинати за викендот, а услугите на некои линии во Бретања, Нувел-Аквитанија и регионот Лоара ќе бидат откажани или изменети.

На југозападниот дел на Франција, во четири провинции е вклучен портокалов аларм поради снег и мраз.

Метеоролозите сметаат дека вкупната количина на снег ќе достигне и до метар и половина на планините.

На пониските, од околу 800 метри, се предвидува снег меѓу 15 и 30 сантиметри, додека на повисоките од 1.200 до 1.400 метри, снегот може да достигне висина од 70 сантиметри до еден метар.

Овие снежни врнежи придружени со силен ветер може да предизвикаат опасни снежни наноси и да го зголемат ризикот од лавини во регионот, посочуваат метеоролозите.

Метеоролозите предупредуваат дека откако ќе помине бурата Дара, ќе следи многу нестабилно време, со обилни врнежи од дожд во текот на попладневните часови, што ќе го зголеми ризикот од дополнителни временски непогоди.

На удар од невремето Дара е и Велика Британија./МИА

притисни ентер