Живот

Паника во град во Холандија- од понеделникот избегала отровна кобра, поставени се стапици

Во тек е потрага по отровна кобра во холандскиот град Лејлистад, која што во понеделникот побегнала од живеалиштеот, објави холандскиот NL Times.

Можно е животното се уште да е некаде во куќата, но сопственикот не успеал да ја најде.

Во градот се поставени стапици за змии, а кучињата трагачи го бараат отровното животно.

Општината ги советува луѓето од околината да ги затворат прозорците и вратите, да ги чуваат домашните миленици во затворени простории и да не ги пуштаат надвор без поводник.

„Шансата да бидете каснати не е голема, но доколку се случи, каснувањето може да предизвика болка, оток и симптоми на невролошки колапс“, велат од општината.

Кобрата (вид Aspidelaps scutatus) е долга околу 50 сантиметри и генерално избегнува конфронтации.

И покрај тоа, на граѓаните им е препорачано да не се обидуваат да ја фатат доколку ја видат.

Експерт за змии на некои места ќе ги испрска тротоарите, за да може да го види отпечатокот на змијата ако помине.

Во Холандија, сличен инцидент се случил во Тилбург, во ноември.

Тогаш отровната зелена мамба избегала, но неколку дена подоцна била пронајдена зад ѕид од гипс на поткровјето на куќата на сопственикот.

Други спортови

„Макпетрол“ го освои 50 медал на најсилните карате натпреварувања

Пласманот на Стефан Стојановиќ на првата позиција на Светската младинска лига во Венеција е јубилеј за карате клубот „Макпетрол“. 

За скопската екипа ова е успех од особено значење затоа што е 50 одличје освоено на најсилните натпреварувања организирани од Светската карате федерација (WKF). Овие медали се од највисоко рангирани натпревари: светски златни лиги, светски премиер карате лиги, светски купови за млади и светски премиер лиги, серија А. натпревари.

Во витрините на карате клубот „Макпетрол“ досега има 11 златни, 13 сребрени и 26 бронзени медали. Импозантните статистики со право го ставаат овој спортски колектив како историски најтрофеен и најуспешен македонски карате-клуб. Ако на тоа се додадат седум освоени медали од официјални светски шампионати и 18 медали од Светските универзитетски првенства, тогаш скопската екипа има вкупно 75 одличја со префиксот „светски“.

Натпреварувачката 2024 година за „Макпетрол“ беше успешна. Круна е освоениот златен медал на каратистот Стефан Стојановиќ, на Светската карате лига во Венеција. Претходно тој во Пореч на Светската младинска лига беше финалист и освои сребрен медал, а на Официјалното Светско првенство во Венеција, освои бронзен медал. Континуитетот на освојување медали на светски натпревари придонесоа тој да биде најуспешен млад спортист на Македонија за 2024 година. Во сениорска конкуренција Петар Заборски освои бронзен медал во Атина, на Светската 1 Премиер карате лига серија А, а тоа придонесе бројот на освоени медали од овој тип на натпревари оваа година да се заокружи и да стане историски.

Свет

Парламентарни и претседателски избори во Гана

Во Гана денеска се одржуваат претседателски и парламентарни избори, а гласачките места се отворени од 7 часот наутро.

Претседателот на Гана, Нана Акуфо-Адо ќе се повлече од функцијата следниот месец, откако имаше два мандати според Уставот.

Во изборната трка се 12 кандидати, но најмногу вниманието е насочено кон ривалите, потпретседателот Махамуду Бавумија, кој е поддржан од Новата патриотска партијана Акуфо-Адо, и поранешниот претседател Џон Драми Махама од Националната демократска партија./МИА

Свет

Црвено предупредување во Велика Британија, милиони луѓе повикани да останат во своите домови

Црвеното предупредување за „опасност по живот“ беше издадено за поголемиот дел од Велс и делови од југозападна Англија, бидејќи Дара, четвртата бура во сезоната, стигна до Велика Британија, откако претходно ја зафати Ирска.

Владата испрати СМС порака до околу три милиони луѓе, предупредувајќи ги за претстојните бури и советувајќи ги „да останат во своите домови ако е можно“, нагласувајќи дека не е безбедно да се вози во услови на невреме, објави рано изутринава „Скај њуз“, а црвеното предупредувањето ќе трае до 11 часот.

Лондонската полиција соопшти дека бурата Дара може да донесе брзина на ветерот до 145 километри на час.

Црвеното предупредување е едно од деветте предупредувања кои се во сила викендов, вклучително и две портокалови предупредувања за ветер.

Предупредувањето за ветер важи речиси за цела Велика Британија, а ќе биде во сила до утре наутро.

Бурата Дара веќе предизвика големи проблеми во снабдувањето со електрична енергија, пишува „Гардијан“.

Според извештаите од Националната мрежа, повеќе од 12.600 домаќинства во централна и југозападна Англија, како и повеќе од 20.000 домаќинства во Велс, останале без струја.

Исто така, на веб-страницата на Електродистрибуција на Северна Ирска, се наведува дека тие во моментов не можат да проценат кога би можело да продолжи снабдувањето со електрична енергија./МИА

притисни ентер