Родители кои ги контактиравме велат дека дел од децата се уште немаат асистенти, поради тоа што нивните асистенти се уште трае обуката.

Елена Јакимовска Павлеска, мајка на дете со аутизам, најалармантна е состојбата кај првачињата. Нејзиниот син, петооделенецот Огнен за кој што информиравме на почетокот на учебната година, имаше среќа да ја добие повторно истата асистентка од лани. Според Павлеска, родителите се во неизвеснот кога ќе заврши процесот на обука на останатите избрани асистенти, со што и нивните деца ќе можат непречено да ја следат наставата.

Министерката за образование Весна Јаневска најави дека целата ситуација треба да се реши до крајот на минатата недела и дека се работи на системско решение.

Од ресурсниот центар „Златен Сремец“ за Канал 5 велат дека постапката за избор на кандидати за асистенти по јавен оглас е во тек и дека штом ќе заврши, избраните кандидати ќе поминат задолжителна обука по што ќе бидат распоредени во основните училишта.

Во Ненавременото обезбедување образовни асистенти проблем препозна и Комисијата за спречување и заштита од дискриминација од каде реагираа на доцнењето во ангажирањето на образовните асистенти и апелираше до Министерството за образование и наука (МОН) да ја исполни својата обврска

Средните училишта, образовни асистенти ќе добијат најрано од јануари следната година, според најавите од надлежните институции.

Според него иако треба да има политичка одлука, мандатот на градоначалниците може да им го земе само оној кој им го дава.. По предлогот од претседателот на ЗЕЛС и градоначалник на Кисела Вода Орце Ѓорѓиевски градоначалник да може да се отповика преку локален референдум, Таравари смета дека тоа претставува рационализирање, со цел постојано да нема вонредни локални избори.

-Има случаеви кога некои градоначалници иако се избрани од народот не фукционираат како што треба. Јас мислам дека градоначалникот на Кисела Вода се повикува највеќе на градоначалничката на Град Скопје која е промашена инвестиција, меѓутоа тоа е тоа народот никогаш не греши и кога ќе избере некого кој што не е како што треба така да мој став личен е дека треба да има политичка одлука, но народ ги избира и народ може да ги разреши,- вели министерот за здравство Арбен Таравари.

Професорот по управно право Борче Давитковски иницијативата смета оценува за добра. Вели измените се неопходни, бидејки со вака конституираниот Закон за локална самоуправа градоначалниците не се политички одговорни пред никого и се единствени фукционери кои се неменливи. Давитковски објаснува дека постојат различни модели за остварување на иницијативата, а според него најдобро би било граѓаните да одлучуваат за разрешување на градоначалник преку референдум со цензус.

-Иницијативата е одлична, ова требаше одамна да се стори бидејки еве 22 години како поминаа од носење на Законот каде градоначалниците останаа политички неодговорни пред никого. Треба и други членови да се сменат односно една сериозна измена на Законот за локална самоуправа и да не дојде до овие судири како што има до сега градоначалник-совет. Законот се носи со 2/3 мнозинство но мислам дека ќе се одважат сите политички чинители оваа иницијатива за сеопфатни законски измени со цел да добиеме ефикасен закон, истакна професор Борче Давитковски.

Ѓорѓиевски во интервју за РСЕ, оценувајки дека моќта на првите луѓе во општините е преголема и треба да се ограничи, најави дека тим од актуелни градоначалници веќе работи на Законските измени, со цел на граѓаните што поскоро да им се врати можноста активно да бидат вклучени во одлуки кои ги засегаат и да имаат можност да го разрешат оној градоначалник кој не ги исполнил нивните очекувања.

За Канал 5 вели дека ингеренциите во овој случај се само кај претседателката на комисијата за социјална политика Илире Даути, а тој лично не го крши Деловнкот. За да се решат сите недоречености кои се злопотребуваат од страна на пратениците, најави дека ќе бара да се разгледуваат во собраниската комисија за деловнички прашања. Меѓу нив, и за Законот за бранители кој Даути од „Европскиот фронт“ одбива да го стави на дневен ред.

-Деловникот во член 126 не вели дека „ако претседателот на комисијата одбива да стави конкретен закон“, туку „ако претседателот на комисијата не свика седница“. Со тоа што Илире Даути свика седница во рамки на роковите, не можам да свикам, деловникот ми го одзема правото да интервенирам и да назначам друг пратеник да ја води седницата. Во овие четири месеци увидовме неколку недоречености како овој со Законот за бранители, како двојната функција на Талат Џафери, и уште неколку други прашања кои наскоро планирам да ги решиме преку комисијата за деловнички прашања - тие да одлучуваат и да носат заклучоци за следната измена на собранискиот деловник,-Африм Гаши – претседател на Собрание.

За законот со кој се уредуваат правата на припадниците на безбедносните сили и нивните семејства сите партии на Албанците се против бидејќи не вклучувал права и за борците на ОНА. Министерот Арбен Таравари од коалицијата „Вреди“ смета дека сега воопшто не е време да се отвора ова прашање.

-Не знам зошто се драматизира Законот за бранители. Ова е седми пат законот е носен 2002, 2005, 2007, 2009, 2013, 2015, и сега мислам дека не е моментот да се разговара на такви теми. Така да, мислам дека таа точка сега за сега нема да се третира, нема ни да помогне, меѓутоа ништо трагично зошто толку драматизираат овие партии опозициски, посебно албански-Арбен Таравари – министер за здравство, коалиција „Вреди“.

Во владината коалиција темата за бранителите досега не била отворена. Премиерот Мицкоски го повтори неговиот став дека од него имаат поддршка, но за собранискиот заплет ја прозва претседателката на комисијата Даути.

-Не, не сме разговарале на оваа тема. Ние јасно сме го кажале нашиот став во минатото, бранителите ја имале, ја имаат и ќе ја имаат мојата поддршка,-Христијан Мицкоски – премиер на Македонија.

Новинар: Но Илире Даути не го става законот на комисиска седница, практично законот е во фиока.

Мицкоски: Ќе треба да ја прашате Илире Даути... Па треба да го стави на дневен ред.

Предлог-измените за законот ги предложи Славјанка Петровска од СДСМ, а за гласањето на дневниот ред доби поддршка и од пратениците на ВМРО-ДПМНЕ. Со нив се предвидува еднократен надоместок за нематеријална штета од 80.000 евра за семејствата на загинатите војници и полицајци од 2000та до денес.