Се огласи претседателот кој во САД отпатува со скап авион, додека неговиот народ гладува

Кенискиот претседател Вилијам Руто предизвика бес и критики откако рече дека приватниот авион со кој што полетал во САД минатата недела бил поевтин од користењето на националната авиокомпанија.

Сепак, Руто не кажа колку чинел авионот или колку ќе чинел летот на Кенија ервејс.

„Фактите кои беа објавени во јавноста се чини дека не го поддржуваат тоа“, изјави политичкиот аналитичар Херман Маџора за Би-Би-Си.

Опозицискиот политичар Еуген Вамалва за локалните медиуми изјави дека изјавите на претседателот се „непатриотски“.

Според него, претседателот наместо тоа требаше да ја искористи можноста за маркетинг на Kenya Airways.

Руто минатата недела отиде во тридневна државна посета на САД, прво такво патување на африкански лидер во повеќе од 15 години.

Додека беше во посета, Кенија обезбеди бројни инвестициски договори вредни милијарди долари.

САД, исто така, ја назначија земјата како главен сојузник иако не е членка на НАТО, зацврстувајќи ја нејзината позиција како еден од најблиските безбедносни партнери на САД во Африка.

Сепак, користењето на луксузен приватен авион за патување во САД предизвика критики дома, што го натера претседателот да одговори.

Во неделата, еден ден по враќањето во земјата, Руто се бранеше велејќи дека е „менаџер на јавни ресурси“.

„Во согласност со мојата решеност да живеам во рамките на нашите можности и да го водиме патот, цената беше помала од патувањето со Кенија ервејс“, напиша тој на X.

„Кенија ервејс“ не ја коментираше цената, но ја отфрли како лажна изјавата што циркулираше, која наводно покажува дека користењето на авиокомпанијата ќе било поевтино за претседателот.

И покрај неговото објаснување, многу Кенијци го критикуваа претседателот.

Мајора рече дека претседателот требало подобро да ја објасни ситуацијата и да ги убеди луѓето дека има право да користи приватен авион.

Тој рече дека претседателот требало „да ги земе предвид перцепциите на луѓето“ и да ги објасни предностите од користењето чартер авион, вклучувајќи ја флексибилноста, класата и безбедноста.

„Очекував такво објаснување, а не вакво објаснување од кое луѓето не се воодушевени“, додаде тој.

Некои на социјалните мрежи го критикуваа претседателот за користење на авиокомпанија во сопственост на друга држава.

„Срамота е за земјата што претседателот не може да ја користи нашата национална авиокомпанија бидејќи е прескапа“, рече Алинур Мухамед.

Пресметувајќи ги вкупните трошоци за билетите од бизнис класата за претседателот и неговата делегација, локалните медиуми пишуваат дека тоа би било далеку поевтино од изнајмување авион.

Претседателот за патувањето во САД ја искористи компанијата RoyalJet со седиште во Дубаи, а во делегацијата имаше околу 30 луѓе.

Се вели дека ќе чини околу 1,5 милиони долари за изнајмување на таков авион во споредба со 300.000 долари што се проценува дека ќе чинат билети од прва класа во авион на Кенија ервејс за целата делегација.

Во текот на викендот, Руто изјави за Гласот на Америка дека проценетите трошоци за неговото патување се „целосно претерани“.

Тој не одговори на директно прашање колку чини, но рече дека сумите што се „расфрлаат наоколу“ се смешни.

„Внимателен сум со ресурсите што ги трошам“, додаде тој.

Судирот доаѓа во услови на загриженост од критичарите дека парите на даночните обврзници се користени за финансирање на владината екстраваганција, додека даноците се зголемени со образложение дека на државата ѝ се потребни дополнителни средства.

Нова рунда дијалог меѓу Белград и Приштина на високо ниво утре во Брисел

 Нова рунда дијалог меѓу Белград и Приштина на високо ниво, во која ќе учествуваат претседателот на Србија Александар Вучиќ и премиерот на Косово, Албин Курти, ќе се одржи утре во Брисел.

Домаќин на состанокот ќе биде високиот претставник на ЕУ за надворешни работи и безбедносна политика, Жозеп Борел, а во дијалогот ќе учествува и специјалниот пратеник на ЕУ за дијалогот меѓу Белград и Приштина, Мирослав Лајчак.

На состаноците ќе се разгледа тоа што е постигнато досега во дијалогот што го води високиот претставник и ќе се фокусира на патот за напредок, соопшти Европската служба за надворешни работи.

Далиќ: Не можеме да влијаеме на пласманот во плејофот, се беше во наши раце

Селекторот на хрватската репрезентација Златко Далиќ е разочаран од пропуштената шанса неговата репрезентација вчеравечер да обезбеди пласман во осминафиналето на Евро 2024.

Хрватите одиграа 1:1 со Италија. Примија гол во 90+8.минута, неколку секунди пред последниот судиски свиреж.

- Хрватските играчи беа добри, особено во првото полувреме. Не примивме ниту еден гол, што не успеавме на натпреварите со Шпанија и Албанија. Можам само да им честитам на момците за одличната борба. На ова ЕП промашивме два пенала, примивме два гола во судиското надополнување, немавме среќа. Шансите за пласман во плејофот? Не можеме да влијаеме на ова, ситуацијата беше во наши раце. Благодарам на луѓето кои нè поддржаа, жал ми е за нив, најмногу од сè сум разочаран поради ова, изјави Далиќ на официјалната веб-страница на УЕФА.

Хрватска со два бода е трета во групата и само со теоретски шанси за пласман во следната фаза на ЕП во Германија.

Самка Ибраимовски: Не сум му се заканил на никого

Не сум му се заканил на никого, зошто Уставен суд своја одлука со иста иницијатива повторно да ја преиспитува.

Претседателот на Партијата за целосна еманципација на Ромите (ПЦЕР) Самка Ибраимоски денеска одржа прес-конференција на која се осврна на постапувањето на Уставниот суд кој пред неколку дена поведе нова постапка за член 2 и член 4 од Законот за изменување и дополнување на Законот за облигациските односи.

Според Ибраимовски, главниот проблем и прашање кое јавноста треба да го постави е како е можно еднаш Уставниот суд да отфрли иницијатива за преиспитување на законитоста и уставноста на измените на Законот за облигациски односи, а потоа истата своја одлука со иста иницијатива повторно да ја преиспитува.

- Најголемата лакрдија во оваа игра на Уставниот суд е тоа што при првото отфрлање на иницијативата беше детално образложено и појаснето зошто истата се отфрла, односно беше наведено дека законот се однесува за постапки кои се во тек и не се завршени и со вакво законско решение не се врши дискриминација ниту се кршат уставните начела. Тоа го потврди и Венецијанската комисија. Сега повторно на исти околности, Уставниот суд ја преиспитува сопствената одлука. Дали со ваквото постапување на највисокиот суд во државата, односно судот кој е чувар на Уставот, а со тоа и на супрематните вредности на едно општество, граѓаните ќе чувствуваат правна сигурност или пак ќе се создаде правна конфузија? Односно атомска бомба за граѓаните. Дали со ваквото постапување Уставниот суд се става на позиција на Собрание, на позиција на Влада, и како што се менуваат Уставните судии, така и ќе се менуваат стратегиите на судот, па ќе се менуваат закони и слично, истакна Ибраимовски.

Според него, Уставниот суд треба да поведе сметка за состојбата на народот, а не на одредени групи на интерес.

- Сите мои реакции овој изминат период се токму поради гласините дека големите бизнис и банкарски олигарси вршат притисок за овие измени да не профункционираат, заради тоа што директно засегаат во нивниот интерес, а за сметка на граѓаните. Единствено гласот на народот е оној кој треба да ги опомене сите институции, па дури и Уставниот суд дека тука се за народот, токму заради тоа гласно и јавно зборувам овој период на оваа тема. Зошто за ургентно за важечки уставен закон, поставувам прашања до уставните судии, или сакате да ја замајувате јавноста и да го поништите законот со тоа што ќе нанесете атомска бомба и ќе го упропастите сопствениот македонски народ, односно 200 илјади блокирани сметки. Ќе има проблеми нормално ќе останат луѓе без куќи, без плацови, без станови и ќе живеат под шатори и приколки. Затоа уште еднаш зошто ургентно за еден важечки закон кој веќе еднаш е одлучено и дел од судиите потврдија дека дел од судиите е разгледан овој закон и не треба повторно да се разгледува, рече Ибраимоски.

На новинарско прашање дали е точно дека се заканувал на уставните судии, за што пишуваа одредени медиуми, Ибраимовски посочи дека бил повикан во полиција, но тоа било за прашање поставено на социјалната мрежа Фејсбук и дека не се заканил на никого.

- Јас сум поставил само едно прашање - што ако настанат убиства? Сум го пренел гласот на народот, што ми пишуваат мене, во мојот инбокс, каде кажуваат дека: „ќе земам пиштол“ и дека: „ќе отепам некого“ или „јас ќе се отепам“. Тоа е мое едно поставено прашање, кој ќе одговара за настанати убиства ако се случат, ништо посебно закани сум имал кон судиите. Јас лично не сум се заканил нити на Ана Павлова Данева, нити на претседателот на судот. Претседателот на судот, гласаше во првиот состав, кога се одлучуваше за овој закон. Сега во второто прегласување тој гласаше против својата самостојна одлука. Дали нешто не е во ред и дали има индиции тоа треба да се позанимава јавниот обвинител затоа што овој закон е спас за народот што не се почитува веќе една година и има правосилни пресуди добиени што не ги почитуваат извршителите. Ова е една голема игра меѓу извршителите, олигарсите, судиите, истакна Ибраимоски.

Минатата 2023 година со измената на законот за облигациски односи се регулира висината на казнената камата и висината на трошоците кои треба да ги платат луѓето за заостанати долгови, што беше оценето од Ибраимоски како крај на огромните камати.

притисни ентер