Како Владата ветивме фуриозен почеток и домаќинско работење. Тоа се реализира. Доаѓаат првите резултати, според Државниот завод за статистика, раст на бруто домашниот производ во третото тромесечје односно месеците јули, август и септември од 3 проценти, наведуваат во соопштение денеска од Владата.

Раст на БДП од 3 проценти за македонската економија, велат дека е највисок споредбено со земјите од регионот и Европа. Споредбено само пет земји членки на ЕУ имаат повисока стапка на раст во третиот квартал, додека пак во регионот помала стапка на раст во третиот квартал има две земји членки на ЕУ, тоа се Грција и Бугарија од 2,4 проценти. Романија е во негативно салдо -0,3 проценти, додека пак Словенија има 1 процент. Негативни се стапките на раст на Естонија, Австрија, Латвија, Германија и други држави.

- Како Влада очекуваме раст на БДП и во четвртиот квартал со што на годишно ниво би се доближиле од 3 проценти, што е многу повеќе од предвидените 1,8 проценти на Светска Банка. Како Влада преземаме активности и насочени сме кон реализација на капитални инвестиции, како и привлекување на странски директни инвестиции се со цел да ја придвижиме економијата и да поттикнеме економскиот развој. Ветивме и се обврзавме како Владата дека ќе ја трансформираме Македонија напред, стои во сопштението.

Овие бројки, дополнуваат, се показател дека Владата работи посветено, одговорно и ги реализира ветувањата дадени пред граѓаните.

- Економијата е најважниот сегмент на работата на Владата. Продолжуваме посветено!, соопшти владината прес-служба.

Најстудено изутрина е на Попова Шапка каде се измерени - 4 степени Целзиусови, по што следуваат со -1 Лазарополе, 0 Маврови Анови и Крушево, 1 Тетово, Крива Паланка, 2 Скопје-Петровец, Скопје-Зајчев Рид, Битола, Прилеп и Берово, 3 Охрид и Дебар, 4 Претор, Штип, Виница, Куманово, Велес и Кавадарци, 5 Демир Капија и Струмица и 6 степени во Гевгелија.

Како што информира Управата за хидрометеоролошки работи (УХМР), најмногу дожд, 19 литри на метар, во изминатите 24 часа наврна во Гевгелија и Дебар, 15 во Струмица, 13 во Битола и Крушево, 12 во Прилеп и Берово, 11 во Крива Паланка, Пожаране и Пожар-Радовиш, 10 во Тетово, Охрид, Штип и Тополчани, 9 во Маврови Анови и Лазарополе, 8 во Претор и Велес, 7 во Виница, 6 во Попова Шапка Кавадарци, 5 во Скопје-Петровец и Куманово, 4 во Демир Капија, 1 во Скопје-Зајчев Рид.

На Попова Шапка има 47 сантиметри снег, 36 во Маврови Анови, а Крушево 12.

Времето денеска ќе биде променливо облачно, по одделни котлини со појава на магла и ниска облачност. Попладне и во вечерните часови во југоисточните делови ќе има слаб локален дожд. Ќе дува слаб до умерен ветер од јужен правец. Максималната температура ќе достигне од 7 до 14 степени.

Во Скопје променливо облачно, претпладне со појава на магла. Ќе дува слаб до умерен ветер од јужен правец. Максималната температура ќе достигне до 9 степени.

-Силите на ЦЕНТКОМ на 8 декември нанесоа неколку десетици прецизни воздушни удари со цел уништување на камповите на милитантите на ИД, се вели во соопштението објавено на „Икс“.

Во текот на операцијата биле нанесени удари по над 75 цели со активирани (стратешки бомбардери) Б-52, (ловците) Ф-15 и (јуришните воздухоплови) А-10.

Во соопштението се додава дека ударите се нанесени „да се оневозможат операции на терористичките групации и да се гарантира дека ИД нема да се обиде да ја искористи тековната ситуација во земјата во своја полза “.

Членовите на опозициските вооружени групи на 27 ноември започнаа напади врз позициите на владините сили во провинциите Алепо и Идлиб. До викендоt, тие успееја да заземат неколку круни градови, а вчера наутро влегоа во Дамаск, по што воените сили кои се потчинуваа на претседателот Башар Асад се повлекоа од престолнината. Асад истo така ја напушти земјата и според некои извештаи сега се наоѓа во Москва.