Здравје

Што се случува со организмот ако секој ден пиеме чај? Постојат три несакани ефекти

Многу луѓе уживаат во пиењето чај и од тоа прават вистински мал ритуал.

Традицијата на пиење чај не е поврзана само со Кина и Велика Британија, чајот после водата е вториот најконсумиран напиток во светот. Чајот има бројни придобивки, а доколку го консумирате секојдневно, првите промени ќе ги забележите по една недела.

Подобрување на здравјето на срцето и крвниот притисок

Една од најважните придобивки од редовното консумирање чај е подобрување на здравјето на кардиоваскуларниот систем. Според студиите, чајот, особено зелениот и црниот, е богат со флаван-3-оли, природни соединенија кои помагаат во регулирањето на крвниот притисок. Две шолји чај дневно може значително да го намалат крвниот притисок и ризикот од срцеви заболувања.

Намалување на ризикот од одредени видови на рак

Редовното пиење чај може да обезбеди заштита од одредени видови канцер, особено од карцином на усната шуплина. Полифенолите присутни во чајот делуваат како моќни антиоксиданси кои можат да ги неутрализираат слободните радикали, спречувајќи оштетување на клетките и инхибирање на растот на канцерогените клетки.

Подобрување на вниманието и концентрацијата

Зелениот чај содржи аминокиселина Л-теанин, која заедно со кофеинот може да го подобри вниманието и концентрацијата. За разлика од кафето, ефектот е поблаг и подолготраен, што овозможува да се постигне состојба на будност без чувство на вознемиреност или нервоза.

Зајакнување на имунолошкиот систем

Полифенолите присутни во зелениот и црниот чај помагаат во зајакнувањето на имунолошкиот систем. Редовното пиење чај може да ја зголеми отпорноста на организмот на инфекции и да му помогне на телото да се бори против воспалителните процеси.

Намалување на ризикот од кардиоваскуларни заболувања

Пиењето две или повеќе шолји црн чај дневно може значително да го намали ризикот од смрт поради кардиоваскуларни болести, мозочен удар или исхемиски болести на срцето.

Оваа заштитна улога на чајот е поврзана со неговата способност да ја подобри циркулацијата и да го намали воспалението во телото.

Потенцијални несакани ефекти од пиењето чај

Иако чајот дава бројни здравствени придобивки, тој има и несакани влијанија.

Промена на бојата на забите: Црниот чај може да предизвика промена на бојата на забите поради високата содржина на танини. Додавањето малку млеко во чајот може да го намали овој ефект.

Проблеми со спиењето: Ако сте осетливи на кофеин, чаевите со висока содржина на кофеин може да го попречат квалитетот на спиењето. Во овој случај, се препорачува пиење на билни чаеви кои не содржат кофеин.

Апсорпција на железо: Танините и оксалатите во чајот можат да ја намалат апсорпцијата на железо од храната. Ако имате ниско ниво на железо, пијте чај помеѓу оброците наместо за време на оброците.

Чајот е одлично средство за смирување, но и зајакнување на целиот организам. Сепак, не треба да претерувате со него, пренесува eatingwell.com.

Свет

Сиријците го прославуваат падот на режимот на Асад: Конечно можеме да дишеме (ВИДЕО)

Новинарите на Би-Би-Си отидоа во Сирија, откако бунтовниците го соборија владеењето на Башар ал Асад во Сирија, а првото нешто што го слушнаа на улиците беше шкрипење на автомобили и громогласно пеење.

Имало и такви кои вееја победнички знамиња. Веста во текот на ноќта дека Дамаск падна и сирискиот претседател побегна, поттикна некои Сиријци во Либан да побрзаат кон Масна, граничниот премин најблиску до нивниот главен град.

Планот беше да се интервјуираат луѓе кои сакале да ја преминат границата, но решиле да продолжат во Дамаск. Таму сретнале човек по име Хусен кој видно плачел. Тој за Би-Би-Си изјави дека е поддржувач на претседателот Башар ал Асад и дека многу се плаши.

„Не знаеме ништо за тоа што ќе се случи внатре. Може да нѐ убијат, тоа е хаос. Секој што работел со режимот или војската вели дека ќе им дадат безбеден излез, но никој не знае. Ако тоа не е точно, тие ќе ги платат последиците“, рече Хусен, кој со семејството пристигнал на граничниот премин со Либан, но не носеле документи.

Кога влегоа во Сирија, патот кон Дамаск беше ширум отворен. Кога се приближуваа до главниот град, можеа да видат знаци на војската што се повлекува - армиски џипови и тенкови, напуштени. Воени униформи се фрлаат по патиштата каде војниците ги скинале, пишува Би-Би-Си.

На улиците имало сообраќај, но дуќаните се затворени. Луѓето се собрале на централниот плоштад Омајад, воодушевени од извонредниот крај на повеќе од петдецениското авторитарно владеење на режимот на Асад. Вооружени лица пукале во воздух, а имало и повредени.

Цивилите се возеле наоколу со своите автомобили, светкајќи знаци за мир, велејќи дека работите ќе бидат многу подобри сега кога Асад го нема. Една постара жена плаче.

„Благодарам, благодарам“, извика таа како да се моли. и додаде: „Тиранинот падна, тиранинот падна!“. Многумина во нејзиното семејство умреле под власта на Асад, рече таа, некои во затвор.

Пријдов на пар со четири мали деца, чии родители беа доста среќни. Велат дека се неописливо среќни и дека не можат да веруваат дека тоа го доживеале.

„Тоа е неописливо чувство. Многу сме среќни. После сите години диктатура што ги живеевме во животот! Бевме во затвор во 2014 година и сега сме надвор фала богу. Победивме поради нашиот народ, нашите борци и сега сме во моментот каде што ќе ја изградиме најголемата Сирија!“, рече тој.

„Ги покануваме нашите сестри и браќа кои ја напуштија земјата да се вратат. Нашите срца и домови се отворени за вас“, апелира тој до своите сограѓани.

Забава

Кети Пери прошета по црвениот тепих во провокативен фустан (ФОТО)

Пејачката Кети Пери го привлече вниманиетот во гламурозен, светкав сребрен фустан додека позираше на црвениот тепих на балот во Capital Jingle Bell.

Пејачката се одлучи за смел фустан со светки без градник под него додека се подготвуваше да настапи во лондонската О2 Арена на втората вечер од годишната божиќна екстраваганција на радио станицата.

Кејти ја истакна својата фигура во фустанот, кој имаше шлицови од страна и впечатлив шлиц до бутовите. Косата ѝ беше пуштена и брановидна, а аутфитот го комплетира со високи потпетици.

Таа за настапот носеше црвен топ без прерамки и мини здолниште. Го заокружи ансамблот со привлечни високи чизми од вештачко крзно до колена и мрежести чорапи.

Инаку, Пери се прослави со хитовите како I Kissed a Girl, Firework и Roar, кои ја лансираа на врвот на светските топ листи. Во текот на нејзината кариера таа освои бројни награди, меѓу кои и за жена на годината од Билборд. Таа беше номинирана и за 13 Греми.

Пејачката е свршена со актерот Орландо Блум, ѕвездата на „Господарот на прстените“, а ја имаат и четиригодишната ќерка Дејзи.

Свет

Над 26 лица се отруле со јаглерод моноксид во камп во Швајцарија

Најмалку 26 лица, од кои 17 се хоспитализирани, се отруени со јаглерод моноксид во кампот Гисвил во Швајцарија.

Според првичните информации, синоќа во еден шатор имало прекумерна акумулација на јаглерод моноксид, а околу 22 часот и 30 минути неколку лица ненадејно се онесвестиле или се пожалиле дека се чувствуваат лошо, соопшти денеска кантоналната полиција во Обвалден, пренесе Велт.

После тоа групата од 35 лица веднаш излегла на чист воздух. Според податоците на полицијата, затруени се вкупно 26 лица, од кои 17 се хоспитализирани.

Причината за зголемената акумулација на јаглерод моноксид ја истражува кантоналната полиција заедно со Институтот за судска медицина во Цирих, се вели во соопштението.

Инцидентот предизвика масовно распоредување на служби за итни случаи, а заедно со противпожарната служба беа распоредени спасувачки служби од најмалку седум кантони, два спасувачки хеликоптери и неколку полициски патроли.

притисни ентер