Славниот Федерер за ривалите Надал и Ѓоковиќ: Ми беше чест што го делев теренот со нив!!!

Легендарниот швајцарски тенисер Роџер Федерер изјави дека би сакал најтрофесјниот светски тенисер Новак Ѓоковиќ да биде активен тенисер што подолго.

Славниот Федерер најпрвин се осврнал на ривалството со Новак Ѓоковиќ и Рафаел Надал и истакнал дека му претставува голема чест што го делел теренот со нив двајца.

- Навистина бев среќен што играв против нив 40-50 пати, па имам многу спомени од тие големи натпревари, битки. Толку пати сум одговорил на прашања за нив и можам да го кажам само најдоброто. Беше одлично што го делев теренот со нив толку години – изјави Федерер.

Надал се враќа на теренот по долгата пауза во Бризбејн, додека Ѓоковиќ ја започнува сезоната во Купот на Јунајтед. Федерер има јасна порака за своите поранешни ривали.

- Се надевам дека Рафа ќе се врати силен следната година и се надевам дека Новак ќе може да игра колку што сака, бидејќи за играта е добро што овие момци се уште се таму - додаде Роџер.

Мбапе се пошегува по повредата на носот

 Францускиот фудбалер Килијан Мбапе се огласи по повредата добиена синоќа на натпреварот против Австрија на Евро 2024 (1:0).

- Идеи за маска? – напиша Мбапе на социјалната мрежа Икс.

Дваесет и петгодишниот Французин се судри со австрискиот дефанзивец Кевин Дансо во 86. минута од натпреварот, по што заврши на тревникот.

Првично се претпоставуваше дека ќе му треба операција, но по прегледот во болницата во Дизелдорф беше одлучено повредата да се санира без оперативен зафат.

Во вториот натпревар на ЕП 2024 Франција ќе игра против Холандија на 21 јуни, истиот ден Австрија ќе се сретне со Полска. /МИА

Изгореа складишта за нафта во Ростовската област по напад со дронови

Складишта за нафта горат по напад со дронови рано утринава во градот Азов, што се наоѓа во руската Рорстовска област, соопштија руските власти.

-Според прелиминарните податоци, нема жртви, напиша гувернерот на Ростовската област, што граничи со Украина, Василиј Голубев на Телеграм.

Руското Министерство за вонредни ситуации објави на Телеграм дека десетици пожарникари се вклучени во гаснење на пожарот.

Засега западни медиуми не можат да ја потврдат информацијата и дека од Украина нема информации. Киев често вели дека ударните локации на руската енергетска, воена и транспортна инфраструктура негативно влијаат на воените способности на Москва.

Градот Азов се наоѓа на реката Дон, на околу 16 километри од Азовското Море./МИА

Најмалку тројца ранети и осум уапсени демонстранти пред резиденцијата на Нетанјаху во Ерусалим

Најмалку три лица се повредени, а осум се уапсени доцна синоќа во Ерусалим во жестоки судири меѓу демонстрантите и полицијата пред приватната резиденција на израелскиот премиер Бенјамин Нетанјаху, објавија израелските медиуми.

Според „Тајмс оф Израел“, полицијата употребила водени топови за да ги растера демонстрантите. Илјадници демонстранти излегоа на улиците на Ерусалим претходно за да го изразат својот протест против владата на Нетанјаху поради неуспехот да постигне договор за заложниците, јави ДПА.

На протест пред зградата на Кнесетот (израелскиот парламент) демонстрантите повикаа на предвремени избори, како и на договор за олеснување на ослободувањето на преостанатите израелски заложници кои се држат во Појасот Газа.

Владата на Нетанјаху ја сочинуваат неговата десничарска верска партија Ликуд, како и екстремно десничарски и ултра-религиозни коалициски партии. /МИА

притисни ентер