Совети за помалку стресно прво родителство

За оние кои претходно не биле родители, обично родителството е вистински предизвик. 

Сепак, како и со многу работи во животот, се учи и од грешките. Следат неколку такви грешки типични за новопечените родители околу воспитувањето на децата.

Несподелување одговорности

Бебињата се создаваат и израснуваат благодарение на двајца. Доколку ја има оваа можност, логично би било и двајцата родители да учествуваат во грижата за детето. Така и мајката и таткото ќе го добијат слободното време.

Не уживате во моментот?

Во напорот да се биде „совршен“ родител, често се заборава уживањето во мигот. Внимавајте да не го доживеете сознанието дека Вашето дете пораснало без „да знаете“ и да се сеќавате како тоа се случило.

Неоправдани стравови

Честопати новите родители, просто, постојано мислат на најлошото - што ако се случи тешко породување, компликации, непроспиени ноќи итн.? Иако внимателноста и умерената, разумна претпазливост се нормална, природна работа, опседнатоста со сѐ најлошо што би можело да се случи е сосема погрешно. Тоа е еден вид параноја.

Паника поради ситниците

Почетните фази на родителството обично се хаотични и обележани со паника. Меѓутоа, мора да се опуштите, бидејќи човечки е и да се погреши, и да се научи нешто ново, а паниката само ќе ја влоши секоја нова неочекувана случка.

Го игнорирате партнерот?

Кога станува збор за врската меѓу партнерите, родителството може да го земе својот данок. Многумина се толку опседнати со грижата за своето новороденче, така што забораваат на потребите на партнерот.

Не се грижите за себе?

Можеби една од најчестите грешки е игнорирањето на сопствените потреби - за време и по бременоста. Сосем е во ред да се биде и малку себичен.

Верувате во сѐ што советуваат другите луѓе

Сосема е јасно и очекувано дека се учи многу од луѓето кои се поискусни во животниот предизвик наречен прво родителство. Но, не му верувајте секому и во сѐ што ќе ви кажат. Секој случај е приказна сама за себе. /МИА

Бесмира Ејупи заминува на неколкумесечна испомош во конзулатот во Бон,потврдија од МНР

Иако пред две години не успеа да стане конзул во Њујорк, поради притисокот од јавноста, поранешната ТВ презентерка Бесмира Ејупи сепак доби шанса да замине во странство, овој пат на испомош во дипломатско конзуларното претставништво во Бон, Германиј.

Иако пред две години не успеа да стане конзул во Њујорк, поради притисокот од јавноста, поранешната ТВ презентерка Бесмира Ејупи сепак доби шанса да замине во странство, овој пат на испомош во дипломатско конзуларното претставништво во Бон, Германија, потврдуваат од МНР за Канал 5. Министерот Бујар Османи пред напуштање на владиниот кабинет, освен за Бесмира Ејупи, потпишал решенија за испраќање и на други вработени во министерството на неколкумесечна испомош во ДКП-ата каде во летните месеци имало зголемен обем на конзуларни услуги.

„ Во текот на летните месеци во конзуларните претставништва каде има зголемен обем на работа поради тоа што нашата дијаспора патува дома се праќаат вработени од МНР на неколку месеци испомош за да се олесни издавањето на документи на шалтерите на конзуларните претставништва. “ – велат од МНР.

Освен решенија за испраќање на лица за испомош во ДКП-ата, пред напуштање на владиниот кабинет, министерот Османи пред две недели распишал и интерени конкурси за испраќање на околу 15-тина нови дипломати во дипломатско – конзуларните претставништва на Македонија ширум светот. Од МНР за ова велат дека станува збор за редовни административни циклуси, а дали ќе завршеле конкурсите зависело од новиот шеф на дипломатијата.

Ваквата одлука на Османи наиде на критика од Македонскиот дипломатски синдикат, од каде веднаш по распишувањето на огласот за Канал 5 изјавија дека процедурата за избор на нови дипломати во нормални услови трае од 1 до месец и половина, така што некоректно е, сега да се распишува конкурс во време кога за десетина дена очекуваат нов министер.

„Сметаме дека е некоректно и према колегите но и политички некоректно на 10 дена пред доаѓање на нов министер, министерот во заминување да носи одлука за тоа кој диполмати се соодветни за одредени места.-изјави Веле Трпевски – претседател на МДС .

Во меѓувреме, техничкиот премиер Талат Џафери на Фејсбук се пофали дека во галеријата уметнички слики на досегашните премиери во Владата ќе стои и негов портрет а објави и заедничка фотографија со авторот на портретот, на лпгп му се заблагодари на како што пишува маестралното сликање на неговиот премиерски портрет ..

Џафери е третиот технички премиер и согласно договорот од Пржино со владата ќе раководи до изборот на новиот владин кабинет што треба да се случи за една недела

Мареј по петти пат на Олимписки игри

Двократниот олимписки првак, од Лондон 2012 и Рио де Женеиро 2016, британскиот тенисер Анди Мареј ќе настапи ова лето во Париз на своите петти Олимписки игри, објави попладнево британскиот олимписки Комитет.

Мареј, кој се очекува да се збогува со професионалниот тенис по Игрите во Париз, во моментов е рангиран на 97 место на АТП листата.

Во машкиот тим на Велика Британија за олимпискиот турнир се и капитенот Иан Бејтс и тенисерите Џек Дрејпер, Камерон Нори и Ден Еванс. Кејти Болтер ќе биде единствената британска тенисерка во Париз.

За Велика Британија во машки двојки ќе играат Џо Салесбери и Нил Скупски.

Олимпискиот тениски турнир на програмата е од 27 јули до 4 август.

Драма на ЕУРО: Германската полиција застрела маж со секира во близина на фан зоната во Хамбург

Германската полиција денеска застрела маж со секира во близина на фан зоната за време на поворкта од холандските навивачи пред дуелот со Полска. 

Нема информации дали некој е уапсен при оваа акција на германската полиција.

Четири истрели одекнаа во близина на Рипербан во Хамбург, каде се собраа навивачи од Холандија и Полска пред денешниот меч на нивните селекции на ЕУРО 2024.

Според медиумите, напаѓачот имал и молотов коктел.

притисни ентер