- Не би сакал сега да откривам детали, истрагата трае, мислам дека ќе биде епски голема, епски голем криминал, но она што можам да кажам дека ова е една во низата што ќе следат во следниот период септември-октомври, изјави Мицкоски, одговарајќи на новинарски прашања пред средбата со претставници на АХК Македонија, дел од мрежата на германските комори во странство и Македонско-Германското стопанско здружение.

Минатата недела беше спроведена акција за даночно затајување во фирми во Струмица, Скопје и Гостивар. Беа приведени четири лица, а државниот јавен обвинител информираше дека е оформен предмет за даночна измама и за перење пари и дека се сослушани три лица, а за едно се предложени мерки за претпазливост.

- Првичните информации се дека станува збор за милионски суми кои што се последица на неколку кривични дела, даночно затајување, даночна измама и перење пари. Во интерес на целокупната постапка не би можел да навлегувам во детали, почитувам пресумпција на невиност, изјави во петокот министерот за внатрешни работи Панче Тошковски во Охрид.

Еден пожарникар, исто така, загина во поплавите во Долна Австрија, објави во неделата австрискиот вицеканцелар Вернер Коглер на социјалната платформа Х, додека властите ја прогласија покраината околу главниот град Виена, на границата со Чешка и Словачка, за област на катастрофа.

По неколкудневните дождови предизвикани од бурата Борис, реките од Полска до Романија се преполнети, каде во саботата беа пронајдени четворица мртви.

Четвртина милион домаќинства во Чешка останаа без струја поради дожд и силни ветрови. Чешката полиција соопшти дека трага по три лица кои биле во автомобил кој во саботата паднал во реката Стариќ кај Липово Лазна, 235 километри источно од Прага.

Едно лице загина во полската област Клоџко, за која премиерот Доналд Туск рече дека е најтешко погодената област, со евакуирани 1.600 луѓе.

„Ситуацијата е многу драматична“, изјави Туск во неделата по состанокот во градот Клоџко, кој беше делумно потопен откако водостојот на локалната река се искачи на 665 сантиметри, многу над алармантното ниво од 240.

Нивото на водата го надмина рекордното ниво забележано за време на силните поплави во 1997 година, кои делумно го оштетија градот и предизвикаа смрт на 56 луѓе во Полска.

Блискиот историски град Глухолази нареди евакуација во неделата наутро, бидејќи локалната река почна да се излева од коритото, а пожарникарите и војниците работат од саботата за да го заштитат градскиот мост.

Противпожарната служба во регионот соопшти дека до недела наутро евакуирала 1.900 луѓе и дека многу патишта се блокирани.

Повеќе од 100 милиметри дожд наврнаа во најтешко погодените области во текот на ноќта и околу 450 милиметри од средата навечер, соопшти Чешкиот метеоролошки завод.

Официјални лица во унгарската престолнина Будимпешта ја зголемија својата прогноза за пораст на водостојот на Дунав во втората половина од оваа недела на повеќе од 8,5 метри, приближувајќи се на рекордното ниво од 8,91 метри поставено во 2013 година, додека дождот продолжи да врне во Унгарија, Словачка и Австрија.

„Според прогнозите, една од најголемите поплави во последните години се приближува кон Будимпешта, но ние сме подготвени да ја совладаме“, изјави градоначалникот на Будимпешта, Гергели Карачони.

Властите во Романија соопштија дека дождот бил со помал интензитет отколку во саботата, кога во поплавите загинаа пет лица и беа оштетени 5.000 домови. Градови и села во седум окрузи низ источна Романија беа погодени, а единицата за итни случаи соопшти дека сè уште трага по две исчезнати лица.

Како што соопштија од Министерството за транспорт, на средбата биле разменети мислења и ставови за актуелните политички и економски прашања во земјава и регионот, со посебен акцент на билатералните односи меѓу двете земји.

Министерот Николоски ја истакнал добрата соработка со Франција, нагласувајќи ја поддршката што ја овозможува Франција во реализација на стратешките цели на земјава. Тој го запознал амбасадорот со владината програма и инвестициите во инфраструктурата, особено во делот на железничките и патните коридори.

- Двајцата разговараа и за реформите што се спроведуваат како дел од евро интегративниот процес на државата. Министерот на новименуваниот амбасадаор Ле Риголер му посака успешна дипломатска работа во земјава, притоа изрази благодарност за сегашната соработка нагласувајќи ја потребата од интензивирање на таквата соработка меѓу двете земји, соопштија од Министерството за транспорт.