Други спортови

Струга домаќин на 13. државно и меѓународно првенство „Триатлон 3Дисциплини 2024“

Вкупно 120 натпреварувачи од осум земји ќе учествуваат на отвореното државно и меѓународно првенство „Триатлон 3Дисциплини 2024“, што утре ќе се одржи во Струга во организација на клубот „3 Дисциплини“.

Никола Кутаноски, тренер во клубот „3 Дисциплини“ вели дека се е подготвено за 13-тото државно и меѓународно првенство „Триатлон 3Дисциплини“, на кое покрај од земјава ќе учествуваат натпреварувачи од Полска, Австрија, Бугарија, Хрватска, Косово, Србија и Албанија.

Ова првенство, според него, нуди идеални услови за учество на професионалци, но и на почетници, затоа што има категории за сите возрасти и нивоа на подготвеност.

-Постојат неколку категории, најјаката е „елит“ или категорија за најподготвените, односно оние што бркаат олимписки и европски норми. Со нив стартуваат и „јуниорите“ кои исто така се висока категорија само во различна возрасна група, млади триатлонци од 16 до 18 години. По нив се кадетите од 14 до 17 години и на крај се „деца 1“ и „деца 2“, односно помлади и постари пионери, појасни Кутаноски.

Се надева дека временските услови ќе бидат на нивна страна и сите учесници ќе стартуваат во трка за најдобрите позиции.

Поради непречено одржување на натпреварите, Кутаноски информира дека патот од кружниот тек кај Евро хотел до кружниот тек кај хотелот Солферино ќе биде затворен за сообраќај в недела од 8:30 часот.

Свет

Авиокомпанијата „Емирати“ забрани пејџери и воки-токи по нападите во Либан

Авиокомпанијата „Емирати“ од Дубаи забрани на патниците да носат пејџери и воки-токи на своите летови, откако минатиот месец беа детонирани уреди користени од либанската група Хезболах.

„На сите патници кои патуваат кон, од или преку Дубаи им е забрането да пренесуваат пејџери и воки-токи во пријавениот или рачниот багаж“, се наведува во соопштението на авиокомпанијата објавено на нејзината веб-страница.

Се додава дека сите забранети предмети ќе бидат запленети од полицијата на Дубаи како дел од засилените безбедносни мерки.

Илјадници пејџери и радио уреди кои ги користеле припадници на Хезболах експлодираа во септември. Се верува дека за нападот е одговарен Израел, иако тој не презеде одговорност.

Најголемата авиокомпанија на Блискиот Исток исто така објави дека летовите за Ирак и Иран остануваат суспендирани до вторник, додека летовите за Јордан ќе бидат обновени утре.

Летовите за Либан ќе останат суспендирани до 15 октомври поради ескалацијата на израелските напади врз Хезболах, вклучувајќи напади во близина на аеродромот во Бејрут.

Неколку други авиокомпании исто така ги суспендираа летовите за Бејрут и други регионални аеродроми поради зголемените тензии. /MИА

Живот

Синер ја запроси руската тенисерка Калинскаја

Светскиот рекет број еден, Италијанецот Јаник Синер ја запроси руската тенисерка Ана Калинскаја, пренесува „Кориере дело спорт“.

Според „Кориере“ 25-годишната спортистка добила предлог за брак на забава во Њујорк. Таа се согласила.

Врската меѓу Синер и Калинскаја стана позната во мај оваа година. Тенисерите присуствуваа на натпревари кога играше едниот партнер неколку пати во текот на сезоната.

Дваесет и тригодишниот Италијанец е победник на два Грен слем турнири (Australian Open 2024 и US Open 2024). Вкупно има 17 АТП титули (од нив 16 во сингл).

Калинскаја освои три ВТА турнири во двојки во текот на нејзината кариера.

Свет

Макрон: Приоритет е враќање на политичкото решение за Блискиот Исток

Претседателот на Франција, Емануел Макрон, денеска во интервју емитувано на радио „Франс Интер“ изјави дека „приоритет е враќање на политичкото решение“ за конфликтот на Блискиот Исток.

Францускиот претседател притоа побара прекин на испораките на оружје за Израел, кое се користи во конфликтот во окупираниот Појас Газа, пренесува порталот БФМ ТВ.