Други спортови

Тајсон го откри името на човекот од кого му е страв: Проклетство, се плашам од тој тип...

Мајк Тајсон е познат како еден од најдобрите боксери на сите времиња, а рингот го сподели со бројни великани како Евандер Холифилд и Ленокс Луис.

Сепак, Тајсон го спомна името на човекот од кого се плаши и доста ја изненади публиката.

„Железниот Мајк“ изјавил дека се плаши од поранешниот „ловец“ Мик Фоли. Имаше искуство во WWE организацијата, а гледал и некои борби, а посебно се сеќава на онаа меѓу Фоли и Андертејкер.

Гробарот го фрлил од кафезот висок пет метри, по што тој паднал на грб на масата на репортерката и ја скршил. Тој продолжил да се бори, повторно се качил на кафезот, а по уште едно фрлање од Андертејкер, ја проби горната ограда на кафезот и повторно падна на грб. Фоли таа вечер заврши со скршени ребра, внатрешно крварење, изместена вилица и изместено рамо.

- По ѓаволите, се плашам од тој тип... Тој ја доживува смртта секој ден од својот живот. Скока на секакви го*на, налетува на камиони и коли, и сепак е нормален. Ја скрши секоја коска во телото, и тој е нормален тип. Само не знам зошто толку многу не се сака себеси, го избра потешкиот начин да заработи - изјави Мајк Тајсон во гостувањето во подкастот Impaulsive.

Свет

Авиокомпанијата „Емирати“ забрани пејџери и воки-токи по нападите во Либан

 Авиокомпанијата „Емирати“ од Дубаи забрани на патниците да носат пејџери и воки-токи на своите летови, откако минатиот месец беа детонирани уреди користени од либанската група Хезболах.

„На сите патници кои патуваат кон, од или преку Дубаи им е забрането да пренесуваат пејџери и воки-токи во пријавениот или рачниот багаж“, се наведува во соопштението на авиокомпанијата објавено на нејзината веб-страница.

Се додава дека сите забранети предмети ќе бидат запленети од полицијата на Дубаи како дел од засилените безбедносни мерки.

Илјадници пејџери и радио уреди кои ги користеле припадници на Хезболах експлодираа во септември. Се верува дека за нападот е одговарен Израел, иако тој не презеде одговорност.

Најголемата авиокомпанија на Блискиот Исток исто така објави дека летовите за Ирак и Иран остануваат суспендирани до вторник, додека летовите за Јордан ќе бидат обновени утре.

Летовите за Либан ќе останат суспендирани до 15 октомври поради ескалацијата на израелските напади врз Хезболах, вклучувајќи напади во близина на аеродромот во Бејрут.

Неколку други авиокомпании исто така ги суспендираа летовите за Бејрут и други регионални аеродроми поради зголемените тензии. /MИА

Живот

Синер ја запроси руската тенисерка Калинскаја

Светскиот рекет број еден, Италијанецот Јаник Синер ја запроси руската тенисерка Ана Калинскаја, пренесува „Кориере дело спорт“.

Според „Кориере“ 25-годишната спортистка добила предлог за брак на забава во Њујорк. Таа се согласила.

Врската меѓу Синер и Калинскаја стана позната во мај оваа година. Тенисерите присуствуваа на натпревари кога играше едниот партнер неколку пати во текот на сезоната.

Дваесет и тригодишниот Италијанец е победник на два Грен слем турнири (Australian Open 2024 и US Open 2024). Вкупно има 17 АТП титули (од нив 16 во сингл).

Калинскаја освои три ВТА турнири во двојки во текот на нејзината кариера.

Свет

Макрон: Приоритет е враќање на политичкото решение за Блискиот Исток

Претседателот на Франција, Емануел Макрон, денеска во интервју емитувано на радио „Франс Интер“ изјави дека „приоритет е враќање на политичкото решение“ за конфликтот на Блискиот Исток.

Францускиот претседател притоа побара прекин на испораките на оружје за Израел, кое се користи во конфликтот во окупираниот Појас Газа, пренесува порталот БФМ ТВ.

- Мислам дека денес приоритет е да се вратиме на политичко решение и да престанеме да испорачуваме оружје за водење борби во Газа, изјави Макрон./МИА

притисни ентер