Технологија

Технолошки гигант во служба на војската на САД- Интел потпиша договор со Пентагон

Американскиот производител на чипови Интел доби 3,5 милијарди долари федерални грантови за производство на полупроводници за Министерството за одбрана на САД и потпиша правно обврзувачки договор со Пентагон.

Американскиот производител на чипови Интел доби 3,5 милијарди долари федерални грантови за производство на полупроводници за Министерството за одбрана на САД и потпиша правно обврзувачки договор со Пентагон, пишува Блумберг повикувајќи се на анонимни извори.

Официјалната одлука за финансирање би можела да биде објавена веќе оваа недела, велат изворите.

Интел доби средства во рамките на проектот „Безбедна енклава“, кој обезбедува производство на најнапредните чипови за потребите на американската војска и разузнавачките служби.

Познато е дека Интел ќе произведува чипови за Пентагон во Аризона и некои други сојузни држави на САД, но засега не е јасно за кои полупроводнички модели станува збор.

Договорот покажува дека владата во Вашингтон му верува на Интел за успешно извршување на плановите на Пентагон и покрај тековните проблеми на компанијата, додава њујоршката агенција.

Интел минатиот месец објави многу неповолен извештај за прогнозата на заработката и приходите, а акциите на компанијата паднаа за дури 61 отсто оваа година.

Свет

Веројатниот наследник на лидерот на Хезболах, Каани исчезна по израелските напади на Бејрут

 Есмаил Каани, командантот на иранските сили Кудс кој отпатува во Либан по атентатот на лидерот на Хезболах, Саид Хасан Насралах, не се огласил од минатонеделните напади на Бејрут, изјавија денеска двајца високи ирански безбедносни функционери.

Еден од официјалните лица изјави дека Каани бил во јужните предградија на Бејрут за време на нападот кој наводно бил насочен кон високиот функционер на Хезболах Хашем Сафиедин, но не се сретнал со него.

Сафиедин се смета за веројатен наследник на Насралах, кој беше убиен во израелски напад на 27 септември.

Ирански официјален претставник изјави дека Иран и Хезболах не успеале да стапат во контакт со Каани, шефот на странското воено разузнавање на иранската револуционерна гарда или силите Кудс. Соединетите Држави го убиле неговиот претходник Касем Сулејмани во напад со беспилотно летало во Багдад во 2020 година.

Силите Кудс, прекуокеанскиот огранок на Иранската револуционерна гарда, ги надгледуваат односите со милитантните сојузници на Техеран низ Блискиот Исток, како што е Хезболах.

Командантот на иранската револуционерна гарда, бригадниот генерал Абас Нилфорушан, беше убиен заедно со Насрала во неговиот бункер кога израелски бомби го погодија на 27 септември.

Регион

Земјотреси со јачина од 4,4 степени регистрирани во близина на Атина и на Крит

Засега нема информации за повредени или причинета материјална штета.

Два земјотреси со јачина од 4,4 степени според Рихтер, на две различни локации, едниот во близина на Атина, другиот во морскиот дел југоисточно од Крит, беа регистрирани рано утрово, јави дописничката на МИА од Атина.

Според податоците од Геодинамичкиот институт на Националната опсерваторија, земјотресот во близина на Крит беше кусо пред 9 часот по локално време, а вториот, 23 минути подоцна со епицентар четири километри југозападно од градот Тива, во близина на Атина, што беше почувствуван и во грчката метропола.

Засега нема информации за повредени или причинета материјална штета.

Фудбал

Погба може да ја продолжи кариерата во САД или Саудиска Арабија

 Фудбалерот од средниот ред на Јувентус, Пол Погба, може да ја продолжи кариерата во Саудиска Арабија или САД, пренесува инсајдерот Николо Шира.

Неколку клубови од овие земји веќе покажале интерес за 31-годишниот Французин.

На 4 октомври Судот за спортска арбитража (CAS) го намалил периодот на дисквалификација на Погба поради кршење на антидопинг правилата од 4 години на 18 месеци. Суспензијата на играчот ќе важи до март 2025 година.

На 5 октомври беше објавено дека Јувентус ќе го раскине договорот со Погба.

притисни ентер