Трамп нема да сведочи по втор пат во случајот со граѓанска измама

 Поранешниот американски претседател Доналд Трамп соопшти дека одлучил да не сведочи по втор пат на судењето за граѓанска измама во Њујорк.

Трамп на својата социјална мрежа Truth Social напиша дека многу успешно сведочел минатиот месец и дека не гледа потреба повторно да се појавува.

Трамп денеска требаше да се врати на говорницата како последен главен сведок на одбраната во случајот, кој ја загрозува неговата империја со недвижнини и го нарушува неговиот имиџ како успешен бизнисмен.

Трамп, неговите синови Ерик Трамп и и Доналд Трамп Џуниор, и други високорангирани директори на Организацијата Трамп се обвинети од њујоршката обвинителка Летиција Џејмс дека се вклучиле во децениска шема во која користеле „бројни чинови на измама и лажно претставување“ за да надујат нето вредноста на имотот на Трамп за тој да добие поповолни услови за кредит. Судењето доаѓа откако судијата во случајот со делумна збирна пресуда пресуди дека Трамп поднел „лажни проценки“ за неговиот имот, оставајќи го судењето да утврди дополнителни дејствија и каква казна, доколку ги има, треба да добијат обвинетите. /МИА

На Ковачевски му одобрија апанажа од 2500 евра

Со месечна апанажа од 2.500 евра, службено возило и шест телохранители од пред една недела е поранашниот премиер Димитар Ковачевски, кој само една година ја вршеше функцијата претседател на влада.

Комисијата за избори и именување во Собранието ги прифати барањата на поранешниот премиер и министер за внатрешни работи, Димитар Ковачевски и Оливер Спасовски да добиваат апанажа во период од една година. Тоа значи дека двајцата во наредните 12 месеци ќе ја добиваат истата плата како и досега – по 2.500 евра месечно. Ковачевски побарал и добил право на користење службено возило, во согласност со законот за возила.

Законот за влада во членот 11-а пропишува:„ Претседателот на Владата на Република Македонија на кој му престанала функцијата има право на лично обезбедување од шест лица вработени во организационата единица за обезбедување на лица и објекти во министерството за внатрешни работи, како и право на користење на службено возило и возач“.

ЕУ ќе инвестира 233 милиони евра во 12 еколошки проекти

Европската комисија донесе одлука да инвестира над 233 милиони евра во 12 нови стратешки проекти низ Европа за поддршка на остварување на целите на ЕУ за животната средина и климата согласно Европскиот зелен договор.  

Како што јави дописникот на МИА од Брисел, станува збор за проекти во Австрија, Бугарија, Ирска, Италија, Литванија, Полска, Финска, Франција, Чешка и Шпанија, преку кои овие 10 земји членки треба да ги постигнат своите национални цели за животната средина и климата и во исто време да зголемат својот придонес во зелената транзиција на ЕУ.

Во овие стратешки проекти се очекува дополнително да бидат издвоени значителни средства од други извори на ЕУ, вклучувајќи ги земјоделските, структурните, регионалните и истражувачките фондови, како и од буџетите на националните влади и од инвестиции од приватниот сектор.

Станува збор за проекти за прогласување на најмалку 30 отсто од поморската територија на Ирска за заштитени морски области, за подобрување на квалитетот на воздухот, намалување на енергетската сиромаштија и зголемување на енергетската ефикасност во регионот Подкарпатие во Полска, како и за подобрување на квалитетот и управувањето со водите во Литванија.

Шест проекти се поврзани со заштита на природата и биодиверзитетот на стотици локации во Австрија, Италија, Ирска, Финска, Франција и Чешка, а останатите три проекти се однесуваат на намалување на емисиите на јаглерод во финското земјоделство, обезбедување одржлива урбана мобилност со нула емисии на штетни гасови во шест општини во Бугарија, како и за забрзување на климатската адаптација на Пиринеите, со што се опфатени Франција и Шпанија, како и Андора која не е членка на ЕУ.

Станува збор за проекти што се реализираат преку финансиски инструмент на ЕУ за еколошка и климатска акција „ЛАЈФ“, преку кој од 1992 година, па до денес се кофинансирани преку 5.500 проекти во ЕУ и во трети земји.

Средствата наменети за финансирање на проекти преку програмата „ЛАЈФ“ за периодот 2021-2027 година се зголемени за речиси 60 отсто на 5,4 милијарди евра, при што е вклучена и нова потпрограма за транзиција кон чиста енергија.

Кожувчанка горд поддржувач на Кошаркарската Федерација на Македонија

Кожувчанка договори соработка со Кошаркарската Федерација на Македонија.

Со оваа соработка што денеска и официјално ја објавуваме, Кожувчанка станува горд поддржувач на Кошаркарската Федерација на Македонија

Кожувчанка со новото партнерство обезбедува значајна поддршка за КФСМ за да поттикне нови успеси и значајни заеднички победи на сите македонски национални тимови под капата на кошаркарската федерација.

-Веруваме дека македонската кошарка има потенцијал, сила и моќ во себе за да поттикне покрај спортски успех и националната гордост на нашата држава.

Тоа да бидат успеси на многу деца, кои што ќе се определат за овој спорт, со одговорност и дисциплина, на нови генерации кошаркари и кошаркарки, на сите нас кои што заеднички ќе изградиме уште подобри услови за спортот во земјава. Ние и нашите партнери од федерацијата сме сигурни и убедени дека во иднина нашите кошаркари и кошаркарки ќе дадат се од себе за да ја вивнат и вратат македонската кошарка во нови височини и одново да покажеме дека припаѓаме меѓу најдобрите во Европа.

Посакуваме успех, нови победи и со голем оптимизам гледаме на оваа соработка, но најважно за нас е дека повторно ја потврдуваме нашата вредност, одговорност и квалитетот кој што го имаме и го градиме речиси 30 години како компанија – истакна генералниот менаџер на Кожувчанка, Јанинка Чупаркоска.

- Нашата федерација добива партнер во докажан пријател на спортот и партнер кој низ годините наназад активно е вклучен во развојот како на спортот така и во многу други и голем број на организации, активности и настани, се со цел да се промовираат и прослават успехот, вредностите и напредокот. Веруваме дека овој спонзорски договор ќе донесе успех и среќа за сите нас – истакнапретседателот на КФСМ, Перо Антиќ.

Општествената одговорност како еден од императивите на работењето на Кожувчанка и Кошаркарската Федерација на Северна Македонија има за цел да ја потврди посветеноста на двете институции и оваа соработка во создавањето на една убава приказна со мотив и желба за нови победи.

притисни ентер