Тој следел неименувана стримерка на мрежите, на која ѝ праќал пари, поточно семејните заштеди, за да заврши во сериозна неволја.

Кога семејството од провинцијата Жеџијанг сфатило што се случува, на младиот човек му бил прекинат пристапот до пари. Сепак, тој не застанал, бидејќи со текот на времето развил опсесија за девојката, која никогаш не ја запознал лично, пренесува South China Morning Post.

Во тоа време, тој работел во продавница за железарија каде што почнал да краде бакар и да го препродава на локалните ѓубришта. На крајот било откриено дека од магацинот недостасуваат големи количини материјал, па била алармирана полицијата.

По истрагата, Хонг завршил во притвор. Најпрво признал две кражби, но притиснат од докази - снимени финансиски трансакции, необјаснети приходи, трошоци на платформа за стриминг, морал сѐ да објасни.

Полицијата го сомничи за 40 кражби (од мај до октомври), а сите пари што ги обезбедил ги потрошил на неименуваната стримерка. На прашањето зошто го направил тоа, тој кратко одговорил:

„Не сакав да ја запознаам. Само сакав да ја слушнам како ме вика „брат““.

Властите слушнале дека со текот на времето дошол на работ на гладување и дека бил принуден да јаде обични лепчиња за да се прехрани.

Се претпоставува дека пропаднало планираното предавање на шверцерите на море, пишува ДВ.

Онаму каде што Северното Море вообичаено исфрла отпад од дрво и пластичен отпад, деновиве може да се најде нешто друго. Имено, на плажите на германските острови Фер, Зилт и Амрум бранови во последните три дена исфрлиле неколку пакувања со кокаин. Досега се откриени вкупно 150 килограми дрога, која се прави од листови кока од Јужна Америка.

Надлежната Царинска управа во Хамбург соопшти дека тоа што толку големо количество нелегална стока се појавило на брегот на германската сојузна покраина Шлезвиг-Холштајн, можеби е поврзано со морските струи. Потрагата продолжува, особено на Зилт. Германските служби контактирале и со своите колеги во Данска, северниот сосед на Германија. Но, во моментов на тамошните плажи не е пронајдена дрога.

Царината на Хамбург соопшти дека во тек се истраги за потеклото на пакетот и транспортните средства, како и за потенцијалните шверцери. Можеби имало неуспешно предавање на море, изјави портпаролот на Царинската управа. Но, додаде тој, исто така е можно кокаинот да бил прикачен на надворешната страна на чамецот од страна на дилерите и случајно да се изгубил во силните струи и бранови.

Инспекторите најавија натамошна потрага по плажите во наредните денови. Дополнително, тие бараат од посетителите на плажите да се држат настрана од пакетите што може да ги исфрлат на брегот од морето или сомнителните предмети и веднаш да ја известат царината или полицијата.

Одвреме-навреме се случува шверцерите да губат дрога на море. На источнофризискиот брег на Северното Море во последниве години веќе се исфрлени вреќи со дрога. Минатиот април, турист откри нешто спектакуларно на островот Боркум во Германија: неколку сомнителни торби закачени на појас за спасување биле исфрлени на плажата од брановите. Државното обвинителство подоцна потврдило дека во нив имало речиси еден тон кокаин.

Окружниот суд во Олденбург на крајот на ноември осуди двајца мажи на затворски казни. Тие биле уапсени додека трагале по изгубениот кокаин во близина на источнофризискиот остров Спикеруг.

Според сознанијата на судот, непознати лица го фрлиле тој товар од бродот во морето, но очигледно не во договореното време, поради што пропаднало преземањето на дрогата на отворено море. Пресудата се уште не е правосилна. Не се знае каде завршил кокаинот.

Неодамна пакувања со кокаин биле откриени и на брегот на Балтичкото Море, на плажата во германскиот град Хајлигенхафен. Царинската управа до средината на ноември немала конкретни податоци за потеклото на кокаинот.

Шверцот на кокаин во Европа значително се зголеми во последните години. Надлежните служби во пристаништата често пресретнуваат пратки со дрога со тежина од неколку тони. Во септември, истражителите во Хамбург пронашле околу 2,1 тони дрога во контејнер за ладење со банани од Јужна Америка. Во ноември, речиси 600 килограми кокаин во кутии со банани биле откриени во складиште за овошје во Саксонија.

Морал да ја задоволи својата љубопитност, па си ги спакувал работите и тргнал на пат.

Огромниот „предмет“ што го забележал во осамениот залив - еден од многуте на брегот на Корнвол - бил заглавен покрај стрмна карпа. Младиот човек бил подготвен за секој предизвик, но и свесен за опасноста.

„Не можев да одолеам, морав сам да проверам. Но, не дозволувајте природната убавина да ве измами. Овој брег е смртоносен со преку 130 регистрирани бродоломи“, рече Џош.

Тој ја документирал својата авантура и покажал каде се спуштил за да му пријде на „мистериозниот објект“. Многу ризикуваше, но на крајот ја доби својата награда.

Кога доволно се приближил, сфатил дека гледа во дел од заглавен брод! Очигледно со години скапува на брегот, пренесува Daily Star.

Џош решил да ја истражи внатрешноста и не зажалил. Нашол неколку соби, многу 'рѓосани скали и предмети.

„Самото спуштање до потонатиот брод е приказна сама по себе. Опасни карпи, со бранови кои се удираат во основата. Имав неверојатна сцена пред мене“, изјави урбаниот истражувач.

Тој ги предупреди луѓето да бидат внимателни доколку одлучат да одат во такви авантури.

„Истражувањето на остатоците може да биде опасно. Овие области се нестабилни, со стрмни карпи и несигурна почва. Јас сум обучен професионалец и секогаш давам приоритет на безбедноста. Избегнувајте да влегувате во остатоците“, нагласи тој.

@joshtheintern Exploring a huge shipwreck I found on Google Earth! While scrolling through Google Earth, I stumbled across what looked like a massive shipwreck tucked away in a secluded cove along England's stunning coastline. Naturally, I couldn’t resist the urge to go check it out for myself! The hike to the wreck was breathtaking. The rugged coastal cliffs, with waves crashing below, created a dramatic and awe-inspiring backdrop for the journey. I also got very lucky with the weather which made the hike even better! Exploring shipwrecks can be dangerous. These areas are unstable, with sharp edges and deteriorating structures. I’m a trained professional, and my actions are not meant to be recreated. Always prioritize safety and avoid entering or climbing shipwrecks. #adventure #shipwreck #exploring #urbex #abandonedplaces ♬ Paris - 3Hzwave

Неговото видео стана вирално на TikTok, при што еден гледач сугерира дека Џош ги обиколил остатоците од германскиот товарен брод RMS Mulheim, кој се насукал на 22 март 2003 година.