Организацијата завчера и порача на Сирија дека е должна да ги почитува правилата за заштита и уништување на опасни супстанции, откако бунтовниците влегоа во Дамаск викендот и го соборија режимот на претседателот Башар ал Асад.

Состанокот го свика извршниот совет на организацијата за да се разговара за актуелната ситуација во Сирија, како и за статусот на тековните истраги во земјата.

Режимот на Асад негираше дека користел хемиско оружје, но Оорганизацијата најде докази кои сугерираат дека Сирија постојано користела гас против цивили за време на граѓанската војна. Претходно оваа година беше откриено дека Исламската држава користела отровен гас иперит во борбите во градот Мареу во 2015 година.

САД соопштија дека ќе ја признаат и поддржат новата сириска Влада која се откажува од тероризмот, ги уништува залихите на хемиско оружје и ги штити правата на малцинствата и жените. /МИА

Министерството за надворешни работи на Тајван во соопштение рече дека тоа е одговор на активностите на голем број кинески бродови во архипелагот на Пацификот во близина на азиското копно, кое ги опфаќа Јапонија, Тајван и дел од Филипините.

-Министерството за надворешни работи бара властите во Пекинг веднаш да престанат со воените заплашувања и сите ирационални активности кои го загрозуваат регионалниот мир и стабилност, се вели во соопштението.

Војската на Тајван од понеделникот ги надгледува кинеските бродови во близина на Тајван. Тие изјавија дека целта на целата акција е да се покаже дека овие води припаѓаат на Кина. Тајванските медиуми тврдат дека се распоредени вкупно 90 бродови.

Тајванската војска ги очекуваше вежбите по посетата на нејзиниот претседател Лаи Чинг-те на Хаваите и американската територија Гуам. Кина тврди дека Тајван е нејзина територија и се спротивставува на секој нејзин официјален контакт со Америка и други странски влади.

Кина го ограничи воздушниот простор во близина на нејзиниот југоисточен брег од понеделникот до денеска, што покажува дека планира да одржи вежби во текот на тие три дена, иако тоа не е официјално потврдено. Кинескиот портпарол не коментираше какви било вежби кои се во тек, но во денешното соопштение рече дека владата нема да дозволи провокациите на Тајван во дослух со странски сили да останат без одговор./МИА

Потпретседателката Сара Дутерте беше повикана да се појави пред Националното биро за истраги, но наместо тоа, го испрати својот адвокат, кој достави писмо во кое се вели дека неговата клиентка жестоко „негира дека упатувала сериозни закани“ според законот.

Дутерте се обиде да ги повлече своите коментари дадени за време на онлајн прес-конференцијата на 23 ноември. На тоа, таа јавно им се закани со смрт на Маркос, неговата сопруга и претседателот на Претставничкиот дом Мартин Ромуалдез. Таа подоцна рече дека тоа е повеќе од грижа за сопствената безбедност, тврдејќи дека добивала смртни закани.

Маркос и Дутерте се во лоши односи од нивната победа на изборите во 2022 година. На Филипините, претседателот и потпретседателот се избираат одделно, што може да доведе до тоа двајца ривали да ги заземат двете највисоки политички функции во земјата.

Дутерте е 46-годишна ќерка на поранешниот претседател Родриго Дутерте, кој е под истрага од Меѓународниот кривичен суд во Хаг за злосторства против човештвото поради крвавите репресии за време на неговото претседателствување. /MИА