Закажувањето на подготвителна седница за поднесените инцијативи за уставноста и законитоста на Законот за јазиците - е продолжување на процесот на укинување на законот за јазиците, реагираа од Демократската унија за интеграција. За партијата недозволиво е, како што рече Османи, во мултиетничка држава највисокиот орган да одржува седници со моноетнички состав, особено за чувствителни теми.
„ Апсолутно е недозволено во мултиетничка дражава највисокиот орган на дражвата да одржува седници во моноетнички состав со осетливи теми....секогаш ваквите монотенички состанувања или седници биле најава за лоши периоди во мултиетнички држави....“ -изјава Бујар Османи – ДУИ.
Од ВРЕДИ пак порачаа дека нема да дозволат албанците да бидат штит на криминалот и корупцијата.
„Ние како ВРЕДИ нема да дозволиме Албанците да бидат штит за криминалот и корупцијата на членовите на ДУИ. Се работи за политичка групација чија цела структура со години беше целосно во служба на двајцата братучеди Груевски и Мијалков. Ова веќе се потврди и од стратешкиот сојузник на Албанците – САД....“ -изјава Ријад Шаќири – пратеник Алијанса за Албанците.
Целта на ДУИ е заштита на криминалот,, прават политички циркус, а таквите притисоци не поминуваат, велат од ВМРО ДПМНЕ.
Од опозициската СДСМ го повикаа Уставниот суд да не потпаѓа под политички притисоци и да одлучува исклучиво согласно Уставот. Во партиското соопштение се наведува дека одговорност за иднината на државата е заедничка и никој нема право да го злоупотребува законот за употреба на јазиците за тесно партиски интереси.
„Секоја измена во Законот за употреба на јазиците мора да биде во согласност со препораките на Венецијанската комисија. СДСМ, стои на ставот дека сите законски решенија мора да бидат јасни, применливи и во согласност со европските стандарди, но и во духот на мултикултурата во Македонија и Охридскиот Рамковен договор.“ – СДСМ.