Бројот на жртви надмина 15, илјадници се евакуирани, a од час во час расте и бројот на исчезнати во најпогодените областите каде куќите се уриваат како кула од карти.

Најкритично е во Чешка, Австрија, Полска, Романија и Словачка, каде улиците се претворени во реки кои носат автомобили и дрвја, поплавени се илјадници домови.

Ова е катастрофа од големи размери. Сите соседи околу реката, вклучувајќи го и Катерники. Јас живеам од другата страна на Опава и тука сум безбеден. Ќе биде потребно време да се справат со последиците и ние ќе треба да им помогнеме.

Граѓаните во страв и паника остануваат заглавени во напливот на вода, со кој едвај се борат и службите кои неуморно веќе со денови ги евакуираат со хеликоптери, чамци и јажиња.

Спасувавме луѓе кои беа два метри над нас, на покривот. Има и други луѓе кои се заглавени, но струјата е многу силна. Се обидуваме да се пробиеме, да најдеме алтернативен начин до нив, бидејќи струењето на водата е премногу силна за чамците.

Битката со надојдената вода не бира средства.. Во Чешка се собира песок и од игралишта каде се уште стојат детските играчки, се полнат вреќи како блокади за водата.

Покрај буката која ја создава водата, во Австрија често граѓаните се предупредуваат и од сирената за претпазливост која начесто се користи при воени напади.

Во Виена пак останаа заглавени 140 швајцарски туристи, поради надојдениот Дунав, бродот на кој пловеле не можел да се закотви, сликите покажуваат како патниците шетаат по палубата чекајќи помош.

Во Полска во последен момент беше извлечено семејство, меѓу кои 4 деца од поплавен автомобил.

Од европските лидери пристигнаа бројни пораки за поддршка за погодените земји. Со сочувство за жртвите се огласи и српскиот претседател Вучиќ преку платформата Х, на земјите кои се под удар од бурата им ја понуди сета неопходна помош во справувањето.

Според прогнозите на УХМР, земјава останува надвор од дофатот на Бурата Борис, најавија врнежи во наредниве неколку дена, но тие ќе бидат вообичаени за есен. Од ЦУК пак апелираат одводните канали да бидат соодветно прочистени за да се избегне било какво поплавуање при посериозен дожд.

Родители кои ги контактиравме велат дека дел од децата се уште немаат асистенти, поради тоа што нивните асистенти се уште трае обуката.

Елена Јакимовска Павлеска, мајка на дете со аутизам, најалармантна е состојбата кај првачињата. Нејзиниот син, петооделенецот Огнен за кој што информиравме на почетокот на учебната година, имаше среќа да ја добие повторно истата асистентка од лани. Според Павлеска, родителите се во неизвеснот кога ќе заврши процесот на обука на останатите избрани асистенти, со што и нивните деца ќе можат непречено да ја следат наставата.

Министерката за образование Весна Јаневска најави дека целата ситуација треба да се реши до крајот на минатата недела и дека се работи на системско решение.

Од ресурсниот центар „Златен Сремец“ за Канал 5 велат дека постапката за избор на кандидати за асистенти по јавен оглас е во тек и дека штом ќе заврши, избраните кандидати ќе поминат задолжителна обука по што ќе бидат распоредени во основните училишта.

Во Ненавременото обезбедување образовни асистенти проблем препозна и Комисијата за спречување и заштита од дискриминација од каде реагираа на доцнењето во ангажирањето на образовните асистенти и апелираше до Министерството за образование и наука (МОН) да ја исполни својата обврска

Средните училишта, образовни асистенти ќе добијат најрано од јануари следната година, според најавите од надлежните институции.

Според него иако треба да има политичка одлука, мандатот на градоначалниците може да им го земе само оној кој им го дава.. По предлогот од претседателот на ЗЕЛС и градоначалник на Кисела Вода Орце Ѓорѓиевски градоначалник да може да се отповика преку локален референдум, Таравари смета дека тоа претставува рационализирање, со цел постојано да нема вонредни локални избори.

-Има случаеви кога некои градоначалници иако се избрани од народот не фукционираат како што треба. Јас мислам дека градоначалникот на Кисела Вода се повикува највеќе на градоначалничката на Град Скопје која е промашена инвестиција, меѓутоа тоа е тоа народот никогаш не греши и кога ќе избере некого кој што не е како што треба така да мој став личен е дека треба да има политичка одлука, но народ ги избира и народ може да ги разреши,- вели министерот за здравство Арбен Таравари.

Професорот по управно право Борче Давитковски иницијативата смета оценува за добра. Вели измените се неопходни, бидејки со вака конституираниот Закон за локална самоуправа градоначалниците не се политички одговорни пред никого и се единствени фукционери кои се неменливи. Давитковски објаснува дека постојат различни модели за остварување на иницијативата, а според него најдобро би било граѓаните да одлучуваат за разрешување на градоначалник преку референдум со цензус.

-Иницијативата е одлична, ова требаше одамна да се стори бидејки еве 22 години како поминаа од носење на Законот каде градоначалниците останаа политички неодговорни пред никого. Треба и други членови да се сменат односно една сериозна измена на Законот за локална самоуправа и да не дојде до овие судири како што има до сега градоначалник-совет. Законот се носи со 2/3 мнозинство но мислам дека ќе се одважат сите политички чинители оваа иницијатива за сеопфатни законски измени со цел да добиеме ефикасен закон, истакна професор Борче Давитковски.

Ѓорѓиевски во интервју за РСЕ, оценувајки дека моќта на првите луѓе во општините е преголема и треба да се ограничи, најави дека тим од актуелни градоначалници веќе работи на Законските измени, со цел на граѓаните што поскоро да им се врати можноста активно да бидат вклучени во одлуки кои ги засегаат и да имаат можност да го разрешат оној градоначалник кој не ги исполнил нивните очекувања.