Регион

Вучиќ предлага референдум: Нема да останам претседател ако ја немам поддршката од народот

 Претседателот на Србија, Александар Вучиќ, во емисијата „Кирилица“ на телевизија „Хепи“ изјави дека оставката на министерот за градежништво, транспорт и инфраструктура, Горан Весиќ е чин на одговорност, но тој не го принудил на тоа.

- Веднаш рекоа дека Вучиќ го натерал да поднесе оставка, но морам да ги разочарам и да кажам дека не сум. Реков дека ќе ја почитувам волјата на премиерот и политичката и човечката чесност на Горан, но не го ни советував да го стори тоа, рече Вучиќ, кој на прашањето дали ќе има уште оставки, одговори дека тоа е сосема сигурно.

Тој рече дека Весиќ ќе остане во СНС и ќе продолжи „да работи и да се бори заедно“.

Тој рече дека на протестите по несреќата на Железничката станица во Нови Сад во која животот го загубија 14 лица, се бара „неговата глава“.

- Владата на Србија нема да ја урнете. Ви нудам решение и голема победа. Еве, дајте ни ги вашите 70-80 гласови во српското Собрание и ќе побараме од народот советодавно мислење на референдум за разрешување на Александар Вучиќ, рекол Вучиќ, пренесува Нова.рс.

Тој рекол дека нема да остане претседател доколку ја нема поддршката од народот.

- Ако 50 отсто од народот се согласи со тоа на референдум, јас нема да бидам претседател на Србија ниту еден ден. Јавно ветувам дека тој ден ќе поднесам оставка и ќе се оди на нови претседателски избори. Ако народот каже дека е за разрешување, не му треба процедура, тој ден ќе си поднесам оставка и не сум претседател. Така си ги решиле сите свои проблеми. Тоа можеме да го направиме во јануари, март или мај, изберете кога сакате, но не го малтретирајте овој народ, заклучи Вучиќ.

Свет

Сиријците се враќаат во Дамаск, илјадници упаднаа во палатата на Асад (ВИДЕО)

Воздушните снимки покажуваат дека доцна синоќа се формирале долги колони возила на патиштата кои водат кон Дамаск, како и во спротивна насока, по ослободувањето на сириската престолнина од режимските сили, јавува Анадолија.

Сиријците кои со години го чекаа падот на режимот на Башар ал Асад се упатија кон главниот град што го ослободија.

Ослободувањето на Дамаск и другите сириски градови беше прославено низ земјата и регионот, но и во светот. Многу Сиријци почнаа да се враќаат во својата татковина од соседен Либан.

Сирија веќе 13 години е сцена на граѓанска војна, а по период на релативна смиреност, на 27 ноември повторно избувнаа судири меѓу силите на режимот на Асад и антирежимските групи во руралните области западно од Алепо.

Опозициските сили потоа започнаа молскавична офанзива и за десет дена ги освоија клучните градови, а вчера завршија со заземање на главниот град Дамаск.

Руското Министерство за надворешни работи соопшти дека Асад сам ја донел одлуката да се повлече и да ја напушти Сирија. Подоцна беше објавено дека Асад и неговото семејство пристигнале во Москва бидејќи Русија им дала азил.

Свет

Холандија од денеска почнува засилени контроли на копнените граници

Холандија од денеска почнува засилени гранични контроли, како што беше најавено на 11 ноември. 

Дополнителните гранични проверки се дел од ветувањето на новата десничарска влада за борба против трговијата со луѓе, илегалната имиграција и прекуграничниот криминал, објавија холандските медиуми.

Претходно, Германија воведе гранични контроли, а Франција исто така почна да врши проверки. Проверките ќе ги врши Кралската воена полиција, која е одговорна за граничната контрола во Холандија.

Засега новите гранични проверки нема многу да се разликуваат од проверките што воената полиција веќе ги спроведува во пограничните области, пишува весникот „Ен Ер Се“.

Теоретски, граничната полиција ќе може да ги бара документите на секој што ќе ја премине земјата и да одбие влез на оние кои ги немаат потребните документи за посета или престој во Холандија, пишува весникот.

Шоу биз

Колдплеј објавија нова песна, во спотот се појавува 98- годишна холивудска ѕвезда (ВИДЕО)

Групата Coldplay ги израдува фановите со новата песна наречена „All My Love“.

Снимен е и видео запис во кој се појавува легендарниот актер Дик Ван Дајк (98), познат по улогата на Берт во филмот „Мери Попинс“, кој на 13 декември ќе наполни 99 години.

Песната е снимена во домот на холивудската ѕвезда во Малибу. Инаку, самото видео е посветено на Ван Дајк.

Погледнете го спотот за песната „All My Love“:

притисни ентер