Законот за продолжување на важноста на пасошите во среда пред пратениците

Преведен е и доставен до пратеничките групи предлог-законот кој го поднесе ВМРО-ДПМНЕ со кој треба да се продолжи траењето на старите пасоши до крајот на годината. 

Во среда ќе се најде пред пратениците на пленарна седница, потврди за Канал 5 претседателот на Собранието – Јован Митревски...

Министерот за внатрешни работи – Тошковски во вчерашното „Само Интервју“ посочи дека ЕУ членките сами ќе одлучуваат дали ќе дозволат премин со старите пасоши, а добил и уверување дека ќе покажат разбирање бидејќи проблемот е технички.. Вели не се прекршува Преспанскиот договор, а ако се продолжи и нивниот рок како во случајот со возачките дозволи, проблемот за патување ќе остане само со Грција.

-Земјите членки изразуваат разбирање за прашањето и волја за надминување на проблемот преку изнаоѓање на практично решение во најкус можен рок, што е спорно тука? Знаете вие некој да е сопрен со пасош – Османи, човекот за операции нека зборува за рентген на абдомен за тие работи може да разговара тој, тој не може да разговара за ова и за тоа сме на ова дереџе на кое што сме. На одржаниот состанок на комитетот за патни документи било покажано разбирање меѓу земјите членки во однос на техничката природа на прашањето. Со оглед дека само Грција дека не ги прифаќа пасошите со старо име на државата, тоа значи дека во моментов, граѓаните на Македонија може да влегуваат и излегуваат во други земји. –-Панче Тошковски – Технички министер за внатрешни работи.

Според екс-премиерот Ковачевски, пак, законот за патните исправи е врзан со Преспанскиот договор и може да се менува само во согласност со земјите членки на ЕУ и Грција. Воедно обвини дека ВМРО-ДПМНЕ има двојни аршини кон новото Уставно име.

-Ако успеат да обезбедат Владата, претставниците согласност од земјите членки на ЕУ, другата потписничка страна, тогаш може да се разговара за тоа, но досега не слушнав изјава од институциите во ЕУ и институциите во Грција волја да го анулираат договорот во делот на патните исправи. Еве имате на пример ВМРО-ДПМНЕ, тие велат договорот од Преспа е реалност иако кажуваат дента кога ќе дојдат ќе го сменат уставното име и ќе го вратат старото, сега гледате дека договорот е реалност. Проблемот е кога ќе излезат од државата, сакајќи да покажат колку се големи патриоти ќе видат некој натпис што е С. Македонија и ќе го бришат со пенкало,- – Димитар Ковачевски – Претседател на СДСМ

Инаку, вчера дополнителниот заменик-министер за внатрешни работи Бојмацалиев на граничниот премин „Богородица“ прими 140.000 обрасци за пасоши, кои треба да го аморизираат нивниот недостаток при издавање на патните исправи.

БУГАРИЈА: Системската медиумска манипулација кај дел од бугарските медиуми продолжува

Кога човек ќе помисли дека има некаква позитивна промена во бугарскиот мајнд сет кај дел од нивните медиуми визави Македонија, веднаш истите медиуми се демантираат преку нивните лаги и манипулации.

Бугарскиот портал Faktor.bg со самосатисфакционен наслов објави тешка лага која наводно се појавила во последниот извештај на Американскиот Стејт департмент за Македонија за 2023 год во кој се вели:

„Стејт департментот го попари Скопје: во Република Македонија има систематско насилство врз Бугарите“

па продолжуваат со сочна лага за наводен цитат од овој извештај во кој велат:
„Во Република Македонија има систематско расно и етничко насилство и дискриминација врз Бугарите. Така се вели во извештајот на Стејт департментот за човековите права кај нашиот југозападен сосед за 2023 година“

Ова е крајно манипулативен екстракт од делот за „Системско расно ИЛИ етничко насилие и дискриминација“
Во извештајот на Стеј Департментот Бугарите во Македонија се споменуваат само во овој дел и тоа:

„Министерот за правда ги затвори бугарските културни клубови „Цар Борис III“ и „Иван (Ванчо) Михајлов“, повикувајќи се на законот од 2022 година со кој се бара од организациите именувани по фашистички поддржувачи или соработници да си ги сменат имињата. Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија.

Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза.“
Во текстот на овој бугарски медиум воопшто не се нотира дека е затворен клубот Ванчо Михајлов а спрема неговиот претседател покренато е обвинение за ширење на расна и етничка нетолеранција како и ксенофобија.“

Како што се наближуваат двојните избори во Македонија на 8ми мај, нервозата кај официјална Софија и дел од нивното медимското миље драстично расте, па затоа се сретнуваат вакви манипулативни и клеветнички текстови во кои не се штеди ниту Америка ниту Македонија.

Линк до извештајот на Американскиот Стејт Департмент за Македонија ( страна од 33-35 )
Веста објавена во бугарски Фактор

Рускиот суд ја одби жалбата на американскиот новинар, кој е во затвор за наводна шпионажа

Рускиот суд денеска ја отфрли последната од серијата жалби на новинарот на „Волстрит журнал“, Еван Гершкович, против притворот под обвинение за шпионажа.

Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а бил уапсен на задача во рускиот град Екатеринбург.

Руските власти тврдат дека тој се обидувал да дојде до тајни информации кои требало да ѝ ги пренесе на американската влада, но новинарот, весникот во кој работи и американската влада негираат дека тој е шпион.

Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.

Минатомесечното рочиште беше затворено за печатот, но денеска на новинарите им беше дозволено да го снимат Гершкович додека тој стои во стаклена кутија во судницата и им се смешка на колегите од медиумите.

Рускиот претседател Владимир Путин изјави дека во одреден момент Гершкович би можел да биде ослободен во замена руски затвореник, но таков договор се уште не е постигнат.

Претставен е единствениот СУВ во понудата на Астон Мартин (ВИДЕО)

DBX707 е единствениот SUV во палетата на Aston Martin, кој ќе ја подигне почетната цена на неверојатно ниво.

Верувале или не, ова е логична одлука. Во 2023 година, две третини од купувачите на теренецот на Aston го избраа неговото врвно издание, а оваа година дури 90 отсто од нив го избраа. Доменот е местото каде што цената очигледно не се бара, па дури и веројатното зголемување на почетната цена на околу четвртина милион евра нема да биде пречка за успех на пазарот.

И додека под хаубата, познатата приказна е создадена во соработка со Mercedes во форма на 4.0 V8 мотор со 707 КС и 900 Nm, DBX доби целосно нова кабина. Тоа е копија на приказната од DB12 и Vantage, што е можеби најдобрата опција. Ова ќе го отстрани единствениот недостаток, а тоа беше малку застарената внатрешност на Мерцедес од 2020 година.

Дигиталниот кокпит вклучува централен екран од 10,25 инчи и уште поголем од 12,3 инчи пред возачот. Новиот оперативен систем носи нови функции, но и многу попријатна употреба. Тие не смеат да одат подалеку од тоа, вели Астон и напоменува дека одредени физички копчиња мора да останат.

Наместо да набројуваме нови детали кои не би ги ни забележале со оглед на ексклузивноста на моделот, ќе го споменеме совршениот аудио систем Bowers & Wilkins со 23 звучници и моќност од 1600 W. И внимавајте на ова, мора да платите екстра за тоа. Инаку, „обичниот“ домашен систем со 14 звучници и 800 W останува достапен.

Пристигна и нова палета на бои и стандардни тркала од 23 инчи. Се нуди и поголем број на гуми, но само со доплата.

И за крај да напоменеме дека DBX со максимални 310 km/h е еден од најбрзите SUV во светот, заедно со најдобрите од Porsche и Lamborghini. Веќе ја наведовме претпоставката за цената, па останува да се каже дека првите примероци ќе одат кај купувачите во вториот квартал од оваа година.

притисни ентер