Македонија

Ковачевски: Гласањето ПРОТИВ е краткорочна казна со долгорочни последици за државата

Гласањето ПРОТИВ е краткорочна казна со долгорочни последици за државата, гласањето ЗА значи прогрес и подобра држава.

Претседателот на СДСМ, Димитар Ковачевски, на вечерашниот митинг во Крушево, ги повика граѓаните пред да гласаат на 8-ми мај, убаво да размислат дали ќе дадат глас „за“ или глас „против“. Го повикувам сите граѓани да размислат кој заслужува да ја води државата, рече Ковачевски.

„Гласањето ПРОТИВ не ѝ носи добро на Македонија. Само ако гласаме ЗА може да одиме напред и да изградиме подобра држава за нашите деца, држава во која тие ќе сакаат да живеат. Со глас ПРОТИВ можеби ќе казните некого, но во исто време ќе ги казните и сопствените деца. Таа краткорочна казна може да има долгорочни последици за државата. Затоа ве повикувам масовно да гласате ЗА европска иднина. Да гласате ЗА Стево Пендаровски, за претседател и ЗА СДСМ и Коалицијата за европска иднина на парламентарните избори“, порача Ковачевски.

При тоа, Ковачевски им се заблагодари на членовите, симпатизерите и поддржувачите на СДСМ кои останале доследни на социјал-демократската идеја на партијата.

„Многу е поголемо задоволството кога ќе се измачиш во борба со својот политички и идеолошки противник, отколку да ја избереш полесната опција и да се свртиш против своите. Тоа е јалова борба, во која никогаш нема победник, а тој што се борел против своите си оди дома како најголем губитник. Затоа ние избравме да се бориме со идеи, со визија, со конкретни проекти, а не со кавга со довчерашните сојузници и истомисленици“, истакна Ковачевски.

Лидерот на СДСМ порача дека основната цел на програмата на Коалицијата за европска иднина е брзи, ефикасни и успешни преговори со ЕУ затоа што само на тој начин како држава може да обезбедиме повисок животен стандард, поефикасна борба против криминалот и корупцијата, подобро образование и здравство.

Скопје, 28 април 2024

СДСМ

Македонија

До четврток облачно и дождливо, в петок пораст на температурата

До четврток ќе биде променливо облачно со повремени врнежи од дожд. Локално ќе биде нестабилно со пороен дожд, грмежи, силен ветер и услови за појава на град, краткотрајно во форма на невреме.

Долж Повардарието ќе дува засилен ветер од југоисточен правец, кој ќе достигне и над 60 километри на час.

Како што соопшти Управата за хидрометеоролошки работи (УХМР), в петок и сабота ќе настапи преодно стабилизирање на времето со пораст на температурата.

Од недела повторно се очекува нестабилно време со локален пороен дожд, грмежи и појава на невреме.

Минималната температура ќе се движи од шест до 14, а максималната од 15 до 30 степени.

Шоу биз

Ријана повторно во средиштето на модното внимание во Њујорк

Ријана ги навлече погледите на себе во Њујорк, во црвен фустан со висок страничен зарез, само неколку дена по нејзиното неочекувано и „мистериозно“ отсуство од „Мет-галата“ во американската метропола.

Пејачката и модна икона од Барбадос, е видена со партнерот АСАП Роки (A$AP Rocky) и, се чини, намерно се погрижила да биде во средиштето на вниманието облечена во црвена облека. Имено, Ријана се одлучи за црвена маица „Ком де гарсон" (Comme des Garçons), на којашто со бели букви е испишано името на модната куќа. Под маицата, се гледаше нејзиниот црвен фустан со висок зарез, а сѐ тоа комплетирано со црвени проѕирни ракавици, очила и црна „Гучи“-чанта.

Основачката на брендот (Fenty Beauty) ги задржа русокосите прамени што ги покажа претходно овој месец, овојпат носејќи ја косата отпуштена преку рамениците.

Пејачката претходно, според многумина, ги разочара обожавателите со тоа што не се појави на престижниот моден настан „Мет-гала“ којшто се одржа минатата недела.

Според неколку американски медиуми, таа го пропуштила настанот поради проблеми со здравјето.

Ријана и Роки го минаа Денот на мајката заедно со нивните две деца - двегодишниот РЗА и Рајот, кој се роди лани.

Регион

Вархеји по средбата со Вучевиќ: Денешните клучни одлуки ќе ги обликуваат наредните пет години

Комесарот за соседска политика и проширување на ЕУ, Оливер Вархеји, во Белград, по средбата со српскиот премиер Милош Вучевиќ, најави дека денешните клучни одлуки „ќе ги обликуваат следните пет години“.

Вархеји, кој вчера се сретна со српскиот претседател Александар Вучиќ, на социјалната мрежа Икс напиша дека денеска се сретнал со Вучевиќ и членови на неговиот кабинет

„Ова е критична година. Следните пет години ќе бидат обликувани од денешните клучни одлуки. Нема време за губење“, напиша Вархеји.

Тој додаде дека детално разговарал за отворените прашања од реформската агенда во Владата на Србија, кои треба да бидат финализирани во наредните денови.

притисни ентер